पाकिस्तानचा माजी कर्णधार आणि ‘बुरेवाला एक्स्प्रेस’ या नावाने प्रसिद्ध असलेल्या वकार युनूसने आपला सर्वकालीन इलेव्हन निवडला आहे. या संघात त्यांनी सर डॉन ब्रॅडमन ते व्हिव्ह रिचर्ड्स यांसारख्या दिग्गजांची निवड केली आहे. त्याच्या संघात सर्वाधिक 5 ऑस्ट्रेलियन खेळाडू आहेत. तर त्याने वेस्ट इंडिजचे तीन आणि पाकिस्तानचे दोन खेळाडू निवडले आहेत. वकारने आपल्या सर्वकालीन इलेव्हनमध्ये केवळ एका भारतीयाचा समावेश केला आहे. वकार युनूसच्या सर्वकालीन इलेव्हनवर एक नजर टाकूया.

स्पोर्ट्सकीडाच्या बातमीनुसार, वकार युनूसने आपल्या ऑल टाइम इलेव्हनमध्ये ऑस्ट्रेलियातील दोन्ही सलामीवीरांची निवड केली आहे. त्याने सलामीची जोडी म्हणून सर डॉन ब्रॅडमनसह मॅथ्यू हेडनची निवड केली आहे. ब्रॅडमनच्या नावावर कसोटी क्रिकेटमध्ये सर्वाधिक 99.94 सरासरीचा जागतिक विक्रम आहे. तर हेडनची गणना जगातील सर्वोत्तम सलामीवीरांमध्ये केली जाते. ऑस्ट्रेलियाच्या 2003 आणि 2007 च्या विश्वचषक विजेत्या संघाचा तो भाग होता.

वकारने वेस्ट इंडिजचा माजी कर्णधार ब्रायन लाराला क्रमांक-3 वर निवडले आहे. ज्याने कसोटीत सर्वाधिक 400 धावा करण्याचा विश्वविक्रम केला आहे. तर त्याला मधल्या फळीत सचिन तेंडुलकरची साथ मिळेल. जो 15,921 धावांसह कसोटीत सर्वाधिक धावा करणारा फलंदाज आहे. वकारने सचिन तेंडुलकरच्या रूपाने एकमेव भारतीय खेळाडूला स्थान दिले आहे.

पाचव्या क्रमांकावर, वकार युनूसने महान विव्ह रिचर्ड्स आणि सर गारफिल्ड सोबर्स यांचा त्याच्या सर्वकालीन इलेव्हनमध्ये समावेश केला आहे. विव रिचर्ड्सने वेस्ट इंडिजला पहिले दोन एकदिवसीय विश्वचषक जिंकून देण्यात महत्त्वाची भूमिका बजावली होती. तर सर गारफिल्ड सोबर्स अजूनही जगातील सर्वोत्तम अष्टपैलू खेळाडूंमध्ये गणले जातात. पुढे वकारने ऑस्ट्रेलियाच्या ॲडम गिलख्रिस्टची यष्टिरक्षक म्हणून निवड केली आहे.

वकार युनूसने त्याच्या ऑल टाईम इलेव्हनच्या गोलंदाजीत तीन वेगवान गोलंदाज आणि एका फिरकीपटूचा समावेश केला आहे. त्यांनी या संघाचा कर्णधार म्हणून इम्रान खानची निवड केली आहे. तर त्याच्यासोबत वसीम अक्रम आणि ग्लेन मॅकग्रा या वेगवान गोलंदाजांना संघात ठेवण्यात आले आहे. त्याने शेन वॉर्नची एकमेव फिरकी गोलंदाज म्हणून निवड केली आहे.

वकार युनूस ऑल टाईम प्लेइंग इलेव्हन-

डॉन ब्रॅडमन, मॅथ्यू हेडन, ब्रायन लारा, सचिन तेंडुलकर, विव्ह रिचर्ड्स, सर गारफिल्ड सोबर्स, ॲडम गिलख्रिस्ट, इम्रान खान (कर्णधार), वसीम अक्रम, शेन वॉर्न, ग्लेन मॅकग्रा

हेही वाचा-

‘रूटला त्रास देणारा एकच गोलंदाज आहे, तो म्हणजचे भारतीय…’ इंग्लंडच्या दिग्गजाची मोठी प्रतिकिया..
बॉर्डर-गावस्कर ट्रॉफीपूर्वी संघाला मोठा धक्का, रोहित शर्मानंतर हा अष्टपैलू खेळाडू मालिकेतून बाहेर?
जर रोहित शर्मा अनुपलब्ध असल्यास, संघाचं नेतृत्व कोणाकडे? पाहा हे तीन पर्याय