கயல் சீரியலில் நாயகி கயலுக்கும் நாயகன் எழிலுக்கும் ஒருவழியாகத் திருமணம் முடிந்துவிட்டது. சுமார் ஒரு மாத காலமாக கயல் சீரியலில் இந்த திருமணம் தொடர்பான காட்சிகள் தான் ஒளிபரப்பட்டது.
சீரியல் இந்த கட்டத்திற்காக தான் பலத் திருப்பங்கள், பிரச்னைகள் நடந்தது. கயலுக்கு தீங்கு நினைத்த பல கதாபாத்திரங்கள் திருந்தி விட்டனர். எழிலின் அம்மா சிவசங்கரி மட்டும் தான் கயலுக்கு எதிராக நிற்கிறார். அவரோடு சேர்ந்து தீபிகாவுக்கு கயலுக்கு எதிரான சதி செயல்களில் ஈடுபட்டார்.
நேற்றைய எபிசோடில் தீபிகா சரியாக கயல் திருமணம் நடக்கும் சமயத்தில் மண்டபத்துக்கு வந்து எழில் மீது வீண் பழி சுமத்துகிறார். ``நான் கர்ப்பமா இருக்கேன்” என்கிறார். ஆனால் அங்கு இருக்கும் யாரும் அவரை நம்பவில்லை.
Kayal serial
பின்னர் யாரோ ஒருவர் தீபிகா தன் தந்தையிடம் கல்யாணத்தை நிறுத்த பிளான் போடும் காட்சிகளை வீடியோ எடுத்து, அனைவரிடமும் காட்டுவார். போலீஸும் அந்த இடத்துக்கு வந்துவிடும். தீபிகா கைது செய்யப்படுகிறார். அதன் பின்னர் திருமணம் நடக்கிறது. கயலில் கழுத்தில் எழில் தாலி கட்டிவிட்டார். இந்த காட்சிக்காக தான் பல கட்ட போராட்டங்கள் நடந்தது. பெரியம்மா பெரியப்பா திருந்தி விட்டனர். மூர்த்தி பொறுப்பாக மாறிவிட்டார். கயலுக்கு எதிராக சதி செய்த அனைவரும் மனம் மாறிவிட்டனர். எனவே சீரியல் முடிந்துவிடும் என பல ரசிகர்கள் கருதுகின்றனர்.
கயலாக நடிக்கும் நடிகை சைத்ரா ரெட்டியிடம் ரசிகர்கள் இன்ஸ்டாகிராமில் கேள்வி எழுப்பினர். ஆனால் சைத்ரா அப்படியெல்லாம் இல்லை, இன்னும் பல ட்விஸ்டுகள் கதையில் நடக்கும். இப்போதைக்கு கயல் முடிவுக்கு வராது என்று பதிலளித்துள்ளார். இன்று வெளியான ப்ரோமோவில் கயல்-எழிலுக்கு ஆரத்தி எடுக்கும் போது சங்கரி வில்லத்தனமாக முறைத்து கொண்டே உன்ன வாழவிட மாட்டேன் கயல், என் பையனுக்கு வேற ஒரு பொண்ண பார்த்து கல்யாணம் பண்ணி வைப்பேன் என்று மனதுக்குள் நினைத்து கொள்கிறார்.
Kayal serial
இன்னொரு பக்கம் மூர்த்தி வலி தாங்க முடியாமல் உட்கார்ந்து கொண்டிருக்கிறார். கத்தி குத்து காயத்துக்கு சரியாக சிகிச்சை செய்து கொள்ளாமல் தன் தங்கை திருமணத்தை பார்க்க வந்துவிட்டார் மூர்த்தி. தீபிகாவின் முகத்திரையை கிழித்த அதே நபர், மூர்த்தியை யாரோ குத்தியதை அனைவரிடமும் சொல்கிறார். கயலின் ரியாக்ஷன் என்ன என்பது இன்றைய எபிசோடில் தெரியும்.
சினிமா விகடனின் பிரத்யேக Whatsapp க்ரூப்
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
