जम्मू-काश्मीरमधील गांदरबल इथं झालेल्या दहशतवादी हल्ल्यात एका डॉक्टरसह 7 जणांचा मृत्यू झाला आहे. दरम्यान या हल्ल्याचा तपास आता एनआयए करणार आहे. केंद्रीय गृहमंत्री अमित शाह यांनी या भ्याड हल्ल्याचा तीव्र शब्दात निषेध केला आहे.

जम्मू आणि काश्मीरमधल्या नागरिकांवर झालेला हल्ला आहे, या हल्ल्यात सहभागी असलेल्या गुन्हेगारांना शोधून काढलं जाईल आणि सुरक्षा दलांकडून या हल्याचं चोख प्रत्युत्तर दिलं जाईल, असे गृहमंत्री अमित शाह म्हणाले.

विधानसभा निवडणुकीसाठी मुख्यमंत्री एकनाथ शिंदे 23 ऑक्टोबर रोजी उमेदवारी अर्ज दाखल करणार आहेत. ते ठाण्यातील कोपरी-पाचपखाडी मतदारसंघातून निवडणूक लढवणार आहेत.

राहुल कुल यांना उमेदवारी दिल्यावरून युतीत नाराजी नाट्य सुरु झाल आहे. दौंड तालुक्यावरून राष्ट्रवादी अजित पवार पक्ष नाराज झाला आहे. राहुल कुल यांना उमेदवारी दिली पण ही जागा आमचीच असल्याचा दावा राष्ट्रवादी करत आहे.

सुहास कांदेना उमेदवारी दिल्यास काम करणार नाही, राष्ट्रवादी काँग्रेस पार्टीच्या कार्यकर्त्यांची भूमिका. नांदगांव-मनमाड मतदारसंघातील राष्ट्रवादी काँग्रेसचे पदाधिकारी घेणार अजित दादांची भेट. अजित पवार यांची भेट घेऊन राष्ट्रवादी काँग्रेसला जागा देण्यात यावी अशी मागणी करणार. जागा राष्ट्रवादीला मिळावी अथवा शिवसेनेने उमेदवार बदलावा अशी मागणी करणार.महायुतीचे काम करण्यास राष्ट्रवादी काँग्रेस पार्टीच्या कार्यकर्ते आणि पदाधिकारी यांचा नकार

मुंबादेवीचे माजी आमदार अतुल शाह उपमुख्यमंत्री देवेंद्र फडणवीसांच्या भेटीला

मुंबादेवी येथून अतुल शाह इच्छुक आहेत

मुंबादेवी मतदारसंघावरून राष्ट्रवादी व भाजपमध्ये रस्सीखेच सुरु

शिवसेनेचे माजी नगरसेवक महेश गायकवाड आज १२ वाजता त्यांच्या पक्ष कार्यालयात पत्रकार परिषद घेणार आहे. गणपत गायकवाड यांची पत्नी भाजप उमेदवार सुलभा गायकवाड यांना कल्याण पुर्वेतून ऊमेदवारी मिळाल्याने शिवसेनेचे कार्यकर्ते नेते पदाधिकारी प्रचार करणार नाही अशी भुमिका पदाधिकाऱ्यांनी घेतलीय

अंधेरी पूर्व येथून इच्छुक मुरजी पटेल देवेंद्र फडणवीस यांच्या भेटीला

भाजपकडून अंधेरी पूर्व येथे पोटनिवडणुकीत मुरजी पटेल यांनी भरला होता अर्ज

वर्ध्यात आगामी विधानसभा सार्वत्रिक निवडणुकीत जास्तीत जास्त नागरिकांनी मतदान करावं यासाठी मानवी साखळीच्या माध्यमातून करण्यात आली मतदार जागृती.

महाराष्ट्राचे मुख्यमंत्री एकनाथ शिंदे यांनी पोलीस स्मृती दिनानिमित्त कर्तव्य बजावताना आपल्या प्राणांची आहुती देणाऱ्या पोलीस कर्मचाऱ्यांना पुष्पांजली वाहिली.

महिलांच्या टी-ट्वेंटी विश्वचषक क्रिकेट स्पर्धेत दक्षिण आफ्रिकेवर मात करत न्यूझीलंडनं पहिल्यांदाच जिंकलं विश्वविजेतेपद.

हवामान विभागाने आज कोकणामधील रत्नागिरी, सिंधुदुर्ग, पालघर, ठाणे, मुंबई, रायगड या जिल्ह्यांमध्ये तर मध्य महाराष्ट्रात पुणे, सांगली, सातारा, कोल्हापूर, सांगली, सोलापूर, नंदुरबार, धुळे , जळगाव, नाशिक, अहिल्यानगर, मराठवाड्यामधील छत्रपती संभाजीनगर, जालना, बीड, धाराशिव, लातूर, नांदेड आणि बुलडाणा, अकोला, अमरावती, वाशीम, यवतमाळ या जिल्ह्यांमध्ये विजांच्या कडकडाटासह पावसाचा इशारा दिला आहे.

बेळगाव : बेळगावातील सांबरा विमानतळावर बॉम्बस्फोट घडविण्याची धमकी इमेलद्वारे देण्यात आली आहे. याची गंभीर दखल घेऊन विमानतळासह परिसराची विशेष पथकाद्वारे तपासणी करण्यात आली. यावेळी कोणत्याही स्वरूपाची संशयास्पद वस्तू आढळून आली नाही, असे पोलिस आयुक्तालयाकडून सांगण्यात आले. दरम्यान, धमकी ईमेलनंतर विमानतळ परिसरात बंदोबस्त वाढविला असून, याप्रकरणी अज्ञाताविरोधात मारीहाळ पोलिस ठाण्यात गुन्हा दाखल करून तपास सुरू केला आहे.

मुंबई: महाराष्ट्राचे राज्यपाल सीपी राधाकृष्णन आणि मुख्यमंत्री एकनाथ शिंदे यांनी आज पोलीस स्मृती दिनानिमित्त कर्तव्य बजावताना आपल्या प्राणांची आहुती देणाऱ्या पोलीस जवानांना आदरांजली अर्पण केली.