मुंबई: मागील काही दिवसांमध्ये गुन्ह्यांचं प्रमाण मोठ्या प्रमाणावर वाढलं आहे. अनेक लहान मुले, अल्पवयीन मुली, महिला यांच्यावर होणाऱ्या अत्याचाराच्या घटनांमध्ये मोठ्या प्रमाणावर वाढ झाली आहे. अशातच मुंबईच्या डोंगरी येथील बाल निरीक्षक गृहात एक धक्कादायक घटना घडली आहे. एका विधीसंंघर्ष मुलाने बराकमधील दुसऱ्या मुलावर जबरदस्ती अनैसर्गिक अत्याचार करण्याचा प्रयत्न केल्याची धक्कादायक घटना समोर आली आहे. (Crime News)
मुंबईतील डोंगरी येथील बाल निरीक्षक गृहातील धक्कादायक प्रकार समोर आला आहे. एका विधीसंंघर्ष मुलाने बराकमधील दुसऱ्या मुलावर जबरदस्ती अनैसर्गिक अत्याचार करण्याचा प्रयत्न केला, या घटनेने खळबळ उडाली आहे. अल्पवयीन पिडित मुलगा हा नैसर्गिक विधीसाठी गेला असताना आरोपी मुलाने मागून येऊन तरुणाच्या तोंडात गोळ्यांचं पाकिट आणि पांढऱ्या रंगाची पावडर कोंबली, त्यानंतर त्या तरुणावर अनैसर्गिक अत्याचार केले. या प्रकरणी डोंगरी पोलिस ठाण्यात 4,8,12 पोस्को कायद्याअंतर्गत गुन्हा दाखल केला असून पोलिस अधिक तपास करत आहेत. (Crime News)
एका 11 वर्षीय अल्पवयीन मुलावर सामूहिक लैंगिक अत्याचार झाल्याची घटना अहमदनगरमध्ये घडली आहे. याप्रकरणी, अहमदनगर जिल्ह्यातील श्रीरामपूर पोलीस ठाण्यात गुन्हा दाखल करण्यात आला आहे. अहमदनगर जिल्ह्यातील श्रीरामपूर शहरात 11 वर्षाच्या अल्पवयीन मुलावर 9 जणांकडून अनैसर्गिक अत्याचार झाल्याची संतापजनक आहे. या प्रकरणी पीडित मुलाच्या आईने दिलेल्या फिर्यादीवरून श्रीरामपूर पोलिस ठाण्यात गुन्हा दाखल करण्यात आला असून आरोपींना ताब्यात घेण्यात आल्याची माहिती समोर आली आहे.
