Pune Assembly Election : पुणे जिल्ह्यात विधानसभेचे 21 मतदारसंघ आहेत.  2014 च्या विधानसभा निवडणुकीत भाजपने तब्बल 11 जागा जिंकल्या. या निवडणुकीत जिल्ह्यात अनेक धक्कादायक निकाल पाहायला मिळाले. भाजपात गेलेले हर्षवर्धन पाटील यांचा पराभव झाला, तर मावळमधून भाजपचे बाळा भेगडे यांनाही पराभव स्वीकारावा लागला. जिल्ह्यात पुन्हा एकदा राष्ट्रवादीने कमबॅक केलं आहे.

पुणे जिल्हा राजकीय, सामाजिक, सांस्कृतिक, शैक्षणिक गोष्टींनी महत्त्वाचा आहे. तसाच पुण्याला (Pune Vidhan Sabha Election 2024) राजकीय वारसा देखील खूप मोठा आहे. पुण्यातील नेते हे खासदारांपासून ते केंद्रीय मंत्री पदापर्यंत आपल्याला दिसतात. अशाच या पुण्यात  विधानसभेच्या अनुषंगाने घडामोडींना वेग आला आहे. उमेदवारी अर्ज माघारीची अंतिम मुदत संपल्यानंतर राज्यात निवडणुकीच्या उमेदवारांचं आणि लढतींचं चित्र स्पष्ट झाले आहे. सत्ताधारी महाआघाडी (भाजप, शिवसेना आणि राष्ट्रवादी) यांच्यासह महाविकास आघाडी (काँग्रेस, शिवसेना-उद्धव, राष्ट्रवादी-शरद पवार) यांनी उमेदवारांना शेवटपर्यंत सस्पेन्स ठेवले होते. 

महाराष्ट्रातील विधानसभेच्या 288 जागांसाठी 20 नोव्हेंबरला मतदान पार पडणार आहे. महाराष्ट्रासह झारखंडमधील विधानसभा निवडणुकीचे निकाल 23 नोव्हेंबरला जाहीर होतील. उमेदवारी अर्ज माघारी घेण्याची मुदत संपल्यानंतर महाराष्ट्रात एकूण 4 हजार 140 उमेदवार रिंगणात राहिले आहेत. 2024 च्या विधानसभा निवडणुकीत भाजपने सर्वाधिक उमेदवार उभे केले आहेत.

पुण्यातील राजकीय वर्चस्वाबाबत बोलायचं झालं तर पुणे लोकसभा (Pune Vidhan Sabha Election 2024) मतदार संघात कोथरूड, पर्वती, शिवाजीनगर, पुणे कॅन्टोन्मेंट आणि वडगाव शेरी हे विधानसभा मतदारसंघ आहेत. त्यात सहाही विधानसभा मतदार संघात भाजपची बऱ्यापैकी पकड आहे. जिल्ह्याबाबतचे चित्र जरा वेगळे आहे, राष्ट्रवादी काँग्रेसचे (पक्षफुटीनंतर आता सर्व जागा अजित पवार गटाकडे गेल्या आहेत) 10 आमदार आहेत. त्यापाठोपाठ भाजपचे 8 आहेत, तर काँग्रेसचे 3 आमदार आहेत.

21 पैकी कोणाचे किती आमदार

राष्ट्रवादी काँग्रेस (अजित पवार) - 10
भाजप - 8
काँग्रेस - 3 

पुणे जिल्ह्यातील 21 विधानसभा मतदारसंघातील प्रमुख लढती