जातेगाव (जि. बीड) - भरधाव वेगातील कार डिवायडरला धडकल्याने कारमधील दोन जण जागीच ठार तर तीन जण गंभीर जखमी झाल्याची घटना आज सकाळीच बीडमधील गेवराईत घडली.

मुदसीर अहमद सय्यद (वय-४०) व हमीद इब्राहिम सय्यद (वय-७०) दोन्ही रा. अंधेरी, वेस्ट मुंबई अशी या अपघातात ठार झालेल्यांची नावे असून, सबद सय्यद, इब्राहिम सय्यद, आईशा सय्यद अशी जखमींची नावे आहेत.

इर्टिगा कारने आज सय्यद कुटुंबीय सकाळी गेवराईकडुन बीडकडे राष्ट्रीय महामार्गावरून जात असतानाच कार चालकाचा ताबा सुटल्याने भरधाव वेगातील कार पाडळशिंगी शिवारात डिवायडरला धडकल्याने कार चालक मुदसीर सय्यद व हमीद सय्यद जागीच ठार झाले. तर अन्य तीन जण जखमी झाले.

या अपघाताची माहीती मिळताच वाहतूक शाखेचे पोलीस अपघातस्थळी दाखल झाले. जखमींना बीडच्या जिल्हा रुग्णालयात उपचारार्थ दाखल करण्यात आले असल्याची माहीती वाहतूक शाखेचे सहायक पोलीस निरीक्षक कापुरे यांनी सांगीतले.