सध्या मनोरंजनसृष्टीत लग्नाचे वारे वाहू लागले आहे. अनेक कलाकरांच्या घरी लगीनघाई सुरू झाली आहे. आता 'शिवा' (Shiva) या लोकप्रिय मालिकेचा अभिनेता लवकरच लग्नबंधनात अडकणार आहे. अभिनेता शाल्व किंजवडेकर (Shalva kinjawadekar) गर्लफ्रेंड श्रेया डफळापुरकरसोबत (Shreya Daflapurkar) लग्न करणार आहे. त्याच्या लग्नाआधीच्या विधींना सुरूवात झाली आहे.

आपल्या इंस्टाग्रामवर केळवणाचे फोटो शेअर केले आहेत. त्याच्या केळवणाला सुरूवात झाली आहे. या फोटोमध्ये दोघही खूपच सुंदर दिसत आहे. एकमेकांच्या प्रेमात आकंठ बुडालेले पाहायला मिळत आहेत. केळवणासाठी (Shalva-Shreya Kelvan) शाल्वने पिवळ्या रंगाचा कुर्ता परिधान केला तर जांभळ्या रंगाची साडी नेसली आहे. शाल्व आणि श्रेयाच्या केळवणाच्या फोटोंवर चाहत्यांनी आणि कलाकरांनी भरभरून कमेंट्स करून शुभेच्छा दिल्या आहेत.

2023 मध्ये फेब्रुवारी महिन्यात शाल्व आणि श्रेयाने आपल्या साखरपुडा केला होता. हे खूप क्यूट कपल आहे. शाल्वला खऱ्या अर्थाने 'येऊ तशी कशी मी नांदायला' या मालिकेतून भरपूर लोकप्रियता मिळाली. त्याने आपल्या अभिनयाने प्रेक्षकांच्या मनात घर केलं आहे. आता 'शिवा' या मालिकेत शाल्व किंजवडेकर अभिनेत्री पूर्वा कौशिकसोबत स्क्रीन शेअर करत आहे. श्रेया ही फॅशन डिझायनर आहे. शाल्वचा सोशल मीडियावर मोठा चाहता वर्ग आहे. आता शाल्वच्या चाहत्यांना त्याच्या लग्नाच्या फोटोंची उत्सुकता लागली आहे.