Harshvardhan Rane Score High In Psychology Honors :
अभिनेता हर्षवर्धन राणे हे टीव्ही अन् हिंदी चित्रपटसृष्टीतील एक नावाजलेलं व्यक्तीमत्व आहे. जरी सुपरस्टार या श्रेणीत मोडत नसला तरी त्याच्या प्रोजेक्ट अन् चित्रपटांची चर्चा मात्र होत असते. तो विविध चित्रपटात अभिनय करताना दिसतोय. या अभिनयाच्या क्षेत्रात आपला जम बसवण्यात त्याची वयाची ४० वर्षे उलटून गेली. त्यात त्याचं पारंपरिक डिग्रीचं शिक्षण घेण्याकडे जरा दुर्लक्षच झालं.
आता हर्षवर्धन राणे आयुष्याच्या अशा एका टप्प्यावर आहे की त्याला या डिग्रीची काही गरज नाहीये. त्याच्या पायाशी फेम, पैसा लोळण घालत आहे. मात्र तरी देखील हर्षवर्धनची आपली डिग्री चांगल्या मार्कानं पास करण्याची इच्छा जबारदस्त होती. याच इच्छाशक्तीच्या जोरावर त्याने इंदिरा गांधी मुक्त विद्यापीठातून सायकॉलॉजी ऑनर्समध्ये डिग्री घेण्याचा चंग बांधला.
ज्यावेळी हर्षवर्धन राणेने सामन्य विद्यार्थ्यांप्रमाणे परीक्षा दिली. त्यावेळी त्याला काही विद्यार्थांनी घाबरवण्याचा प्रयत्न देखील केला. की इंदिरा गांधी मुक्त विद्यापीठातून डिग्री घेणं सोपं नाही. इथं ७० टक्के मिळाले तरी खूप झालं. ते बाहेरच्या विद्यापीठांच्या तुलनेत ९० टक्केच आहेत. इंदिरा गांधी मुक्त विद्यापीठ हे मुलांना फार मार्क देत नाही. अस म्हणत काही स्टुडंटनी त्याला टेन्शन दिलं. तर काही स्टुडंट ज्यात मुलींची संख्या जास्त होती. त्यांनी काही नाही चांगले मार्क येणार तुम्ही टेन्शन का घेताय असं सांगत त्याला धीर दिला.
हेही वाचा : Navjot Singh Sidhu : ... अन् द कपिल शर्मा शोचा पुष्पगुच्छ विखुरला; नवज्योत सिंग सिद्धूने सांगितलं शो सोडण्याचं कारण
हर्षवर्धनची पोस्ट चर्चेतहर्षवर्धनने हाच जुना व्हिडिओ शेअर करत आपल्याला सायकॉलॉजी ऑनर्समध्ये ८१.५ टक्के मार्क पडले असल्याचं जाहीर केलं. त्याबरोबर त्याने आपल्या कॅप्शनमध्ये 'हे मार्क कार्तिक आर्यन आणि ज्यांना लोकं तुम्हाला चांगले मार्क पडू शकत नाहीत असं सांगत होते त्यांना डेडिकेट करतोय.' असं लिहिलं.
View this post on Instagram
हर्षवर्धन आपल्या कॅप्शनमध्ये व्हिडिओतील विद्यार्थांचा देखील उल्लेख केला होता. तो म्हणाला की, काही विद्यार्थ्यांनी मला घाबरवण्याचा प्रयत्न केला होता. मात्र अनेकांना माझ्यासाठी प्रार्थना केली होती. अन् मला मोटिवेट केलं होतं. आता सांगा मी कोणाचं ऐकलं?'
या व्हिडिओला अनेक लोकांनी प्रतिक्रिया दिल्या आहेत. त्यात हर्षवर्धनच्या अजूनही शिकण्याबाबत असलेली त्याची इच्छाशक्ती याचं लोकांनी कौतुक केलं आहे. अनेकांनी हर्षवर्धनने आम्हाला आयुष्यातील अपूर्ण राहिलेल्या गोष्टी पूर्ण करण्याची प्रेरणा मिळाल्याचं देखील म्हटलं आहे.
हेही वाचा : Citadel - Honey Bunny : वरूण धवन ढगाला टेकले हात, समांथाचीही कळी खुलली... सिटडेल हनी बनीने प्राईमचे रेकॉर्ड केले ब्रेक
कार्तिक आर्यनला का केलं समर्पित
MensXP
हर्षवर्धनने या पोस्टमध्ये कार्तिक आर्यनला देखील टॅग केलं आहे. याद्वारे त्याने लोकं तुम्हाला निरूत्साहित करण्याचा प्रय्तन करत असतात. मात्र त्यावर मात करत यश मिळवायचं असतं. कार्तिक आर्यनचा भूल भुलैया ३ हा चित्रपट सध्या बॉक्स ऑफिसवर धुमाकूळ घालतोय. भूल भुलैया ३ चित्रपटाची थेट टक्कर ही सिंघम अगेन या मल्टी स्टारर अन् अॅक्शन चित्रपटाशी होती. मात्र कार्तिक आर्यनच्या हॉरर कॉमेडी जॉनर असलेल्या भूल भुलैया ३ ने सिंघमला नेट टू नेट फाईट देत २०० कोटींच्या वर गल्ला कमावला आहे.
हर्षवर्धनच्या कामाबद्दल बोलायचं झालं तर हर्षवर्धन नुकताच ओटीटीवर रिलीज झालेल्या सावी चित्रपटात दिला होता. त्यानंतर त्याने मिरांडा ब्रदर्समध्ये देखील काम केलं आहे. सध्या तो कुन फाया कुन या प्रोजेक्टवर काम करत आहे. हा प्रोजेक्ट पोस्ट प्रोडक्शन स्टेजमध्ये पोहचला आहे.
