Marathi Movie : सिनेसृष्टीतील एक नवी जोडी लवकरच एका नव्या सिनेमाच्या माध्यमातून प्रेक्षकांच्या भेटीला येणार आहे. अभिनेत सुबोध भावे (Subodh Bhave) आणि तेजश्री प्रधान (Tejashri Pradhan) यांच्या नव्या सिनेमाचा ट्रेलर नुकताच प्रदर्शित झाला. 'हॅशटॅग तदैव लग्नम' सिनेमाची झलक प्रेक्षकांना दाखवण्यात आली आहे. त्यामुळे या नव्या जोडीला मोठ्या पडद्यावर पाहण्यासाठी प्रेक्षकही आतुर आहेत. हा सिनेमा येत्या 20 डिसेंबरपासून प्रेक्षकांच्या भेटीला येणार आहे.
तेजश्री आणि सुबोध हे पहिल्यांदाच या सिनेमाच्या माध्यमातून एकत्र झळकणार आहेत. त्यामुळे त्यांच्या चाहत्यांनाही बरीच उत्सुकता लागून राहिली आहे. तसेच अभिनेत्री तेजश्री प्रधानही मोठ्या ब्रेकनंतर मोठ्या पडद्यावर कमबॅक करतेय. त्यामुळे तिचे चाहते तिचा सिनेमादगृहात पाहण्यासाठी उत्सुक आहेत.
हॅशटॅग तदैव लग्नम सिनेमाचा ट्रेलर नुकताच रिलीज करण्यात आला आहे. या सिनेमात उशीरा लग्न करणाऱ्या जोडप्यांविषयी भाष्य करण्यात आल्याचं पाहायला मिळतंय. त्यामुळे ही कथा उशीरा लग्न करण्यांची असल्याचं सिनेमाच्या ट्रेलरवरुन स्पष्ट झालंय. पण या कथेमध्ये कोणते नवे ट्विस्ट असणार हे पाहणं उत्सुकतेचं ठरेल. कलाकारांनी सिनेमाचा ट्रेलर त्यांच्या सोशल मीडिया अकाऊंवरुन शेअर केला आहे. त्यावर कॅप्शन देत म्हटलं की,लग्नाआधीची पहिली भेट,थोडीशी लेट,पण झालीय मात्र एकदम थेट..!
तेजश्री प्रधान आणि सुबोध भावे यांच्यासह सिनेमात प्रदीप वेलणकर, मानसी मागिकर, संजय खापरे, शर्मिष्ठा राऊत यांच्याही महत्त्वाच्या भूमिका आहेत. तसेच आनंद दिलीप गोखले यांनी या सिनेमाचं दिग्दर्शन आणि लेखन केलं आहे. शेखर विठ्ठल मते हे या सिनेमाचे दिग्दर्शक आहेत.
View this post on Instagram
