: सूर्यकुमार यादवच्या नेतृत्वाखालील भारतीय संघाने दक्षिण आफ्रिकेविरुद्धच्या चार सामन्यांच्या T20 मालिकेतील शेवटचा सामना 135 धावांनी जिंकून मालिका 3-1 ने जिंकली. जोहान्सबर्गच्या वांडरर्स स्टेडियमवर खेळल्या गेलेल्या या T20 मालिकेतील शेवटच्या सामन्यात टीम इंडियाचा कर्णधार सूर्यकुमार यादवने टॉस जिंकून प्रथम फलंदाजी करण्याचा निर्णय घेतला होता. भारताकडून या दोघांनी नाबाद शतकी खेळी केली. यामुळे भारताने 20 षटकात 1 विकेट गमावून 283 धावा केल्या. या लक्ष्याचा पाठलाग करताना आफ्रिकेचा संघ 18.2 षटकांत 148 धावाच करु शकला. अर्शदीप सिंगने भारताकडून सर्वाधिक 3 विकेट घेतल्या.

दक्षिण आफ्रिकेचा T20 आंतरराष्ट्रीय मधील सर्वात मोठा पराभव

एडन मार्करामच्या नेतृत्वाखाली या टी-20 मालिकेत दक्षिण आफ्रिकेच्या संघाची फलंदाजी आणि गोलंदाजीत कामगिरी खराब झाली. या मालिकेतील शेवटच्या सामन्यात आफ्रिकन संघाचे गोलंदाज निष्प्रभ ठरले. त्यामुळे टीम इंडिया 283 पर्यंत मजल मारु शकली. परंतु या लक्ष्याचा पाठलाग करताना आफ्रिकेचे फलंदाज केवळ 148 धावा करू शकले.

आफ्रिकेची सुरुवात खूपच खराब झाली होती. आफ्रिकेने पहिल्या चार विकेट केवळ 10 धावांवर गमावल्या होत्या. T20 आंतरराष्ट्रीय क्रिकेटच्या इतिहासात दक्षिण आफ्रिकेचा हा आतापर्यंतचा सर्वात मोठा पराभव आहे. याआधी त्यांना गेल्या वर्षी ऑस्ट्रेलियाविरुद्ध 111 धावांनी पराभव स्वीकारावा लागला होता. तसेच टी-20 आंतरराष्ट्रीय मधील धावांच्या फरकाच्या बाबतीत भारताचा हा तिसरा सर्वात मोठा विजय आहे.

सॅमसन आणि तिलकची शानदार फटकेबाजी

या टी-20 मालिकेत टीम इंडियासाठी आणि तिलक वर्मा यांनी फलंदाजीत चमकदार कामगिरी केली. तर वरुण चक्रवर्ती गोलंदाजीत चमक दाखवली. या मालिकेत तिलकने चार डावात 140 च्या सरासरीने 280 धावा केल्या, तर संजूनेही या मालिकेत 72 च्या सरासरीने 216 धावा केल्या. याशिवाय गोलंदाजीत वरुण चक्रवर्तीने चार सामन्यांत 11.50 च्या सरासरीने एकूण 12 विकेट्स घेतल्या, तर अर्शदीप सिंगलाही 8 विकेट घेण्यात यश आले.