Viral Video: सोशल मीडियावर सध्या एक व्हिडीओ व्हायरल होतो आहे ज्यामुळे सगळ्यांच्याच भुवया उंचावल्या आहेत. आजच्या पिढीला नक्की झालंय तरी काय? असा सवाल नेटकरी विचारताना दिसत आहेत. मध्यंतरी तरूणांचे असे अनेक व्हिडीओ हे व्हायरल झाले होते ज्यामुळे आजची पिढी ही फारच उथळ झाली आहे, अशा कमेंट्स येऊ लागल्या होत्या. पुण्यातील पर्वतीवर दारू पिऊन नशेत हरवलेल्या काही मुली सापडल्या होत्या. त्यानंतर रस्त्यावरही दारू पिऊन लोळत वाहनांची वाट अडविणाऱ्या एका मुलीचा व्हिडीओ व्हायरल झाला होता. त्यामुळे एकच खळबळ उडाली आणि जनमानसात चिंता निर्माण झाली.

आजची तरूणपिढी ही असंवेदनशील होत चालली आहे का असा सवालही अनेकांनी उपस्थिती केला होता. आता अशाच एका व्हिडीओने खळबळ माजली आहे. यावेळी एक मुलगी आपली आई रूग्णालयात अंथरूणाला खिळली आहे तरीही एक मुलगी चक्क रील्ससाठी त्याच रूग्णालयातील रूममध्ये उभं राहून रील तयार करत आहे. हे पाहून नेटकऱ्यांचा पारा चढला आहे.

हा व्हिडीओ पाहून सगळेच संतापले आहेत. गेल्या चार वर्षांत लोकांचे रील वेडे प्रचंड वाढले आहे. त्यातून तरूणाई तर यासाठी प्रचंड वेडी आहे. यातून त्यांना भरमसाठ नफाही होताना दिसतो आहे. टिकटॉक आल्यावर तर रील्सचे वेड लोकांमध्ये प्रचंड वाढले होते. मेट्रोत, मैदानात, सार्वजनिक ठिकाणी कुठेही मंडळी रील्स करत सोशल मीडियावर ट्रेंड होत असतात. आता तर एका मुलीने सर्वच मर्यादा ओलांडल्या आहेत. आपली आई बाजूला खाटावर झोपली आहे. ती रूग्णालयात दाखल झाली आहे परंतु ही लेक मात्र बाजूला उभी राहून रील्स करते आहे. तिचा हा प्रकार पाहून कोणी चिडणार नाही तरच नवल. या व्हिडीओत एक महिला खाटावर झोपलेली स्पष्ट दिसते आहे आणि ही मुलगी बाजूला उभी राहून डान्स करते आहे.

@zindagi.gulzar.h हा व्हिडीओ शेअर केला आहे आणि या व्हिडीओतून असा दावा करण्यात आला आहे. या व्हिडीओला लाखो व्ह्यूज आले आहेत. ही मुलगी रूग्णालयात आहे. या मुलीच्या मागे खाटेवर असलेली व्यक्ती तिची आई आहे. हा रीलचा आजार एवढा पसरला आहे की, आई रूग्णालयातील खाटेवर उपचार घेत असूनही मुलगी तिच्यासमोर नाचून रील बनवत आहे. आपल्या देशाचं हे काय होत आहे?'', असं कॅप्शन देत या व्हिडीओतून हा दावा करण्यात आला आहे. वेळ घालवावा म्हणून तिनं रील केली, असं त्या तरूणीचं म्हणणं समोर आले आहे.

नेटकरी मात्र तिला असंवेदनशील असं म्हणत आहेत. तर काहींनी तिची बाजू घेतली आहे. ''या मुलीला कसलीच काळजी नाही आहे. आई आजारी आहे आणि ही मुलगी नाचतेय.'' तर दुसऱ्यानं, ''तिची आर्थिक स्थिती कोणाला माहीत आहे? या कृत्यामागे काहीतरी कारण असू शकतं,'' अशी कमेंट केली. यावरून तरूण पिढीला काय झालंय, ती इतकी असंवेदनशील का आहे? अशा नानातऱ्हेच्या कमेंट्स येताना दिसत आहेत. यावेळी तरूणाई ही वेगवेगळ्या क्षेत्रात मोठ्या संख्येने प्रगती करत आहेत आणि चांगलं काम करून नावंही कमावतं आहे.