Charkop Vidhan Sabha Constituency मुंबई: महाराष्ट्र विधानसभा निवडणूक 2024 मध्ये चारकोप विधानसभा मतदारसंघात महायुतीकडून विद्यामान आमदार योगेश सागर (Yogesh Sagar) आणि महाविकास आघाडीकडून यशवंत जयप्रकाश सिंग (Jayprakash Singh) यांना उमेदवारी देण्यात आली आहे. तर महाराष्ट्र नवनिर्माण सेनेने (मनसे) दिनेश साळवी यांना उमेदवारी दिली आहे. चारकोप मतदारसंघात 30% पेक्षा जास्त महाराष्ट्रीयन, 20% उत्तर भारतीय, 35% गुजराती समुदायाचे मतदार आहेत.
भाजपचा बालेकिल्ला असलेल्या चारकोप विधानसभा मतदारसंघातून योगेश सागर चौथ्यांदा निवडणूक लढवत आहे. योगेश सागर यांनी 2014 च्या विधानसभा निवडणुकीत 64,367 मतांनी आणि 2019 च्या निवडणुकीत 73,749 मतांनी विजय मिळवला होता.
