Pushpa 2 The Rule Movie Trailer : बहुचर्चित पुष्पा 2 : द रुल चित्रपटाचा दमदार ॲक्शन पॅक ट्रेलर लाँच झाला आहे. साऊथ अभिनेता अल्लू अर्जून याचा बहुचर्चित चित्रपट पुष्पा 2 चा ट्रेलर लाँच झाला आहे. पुष्पा 2 : द रुल  चित्रपट 5 डिसेंबरला रिलीज होणार आहे. त्याआधी चित्रपटाचा ट्रेलर चाहत्यांच्या भेटीला आला आहे. पाटणामध्ये भव्य कार्यक्रमात पुष्पा 2 चित्रपटाचा ट्रेलर लाँच करण्यात आला होता.

'पुष्पा 2 द राईज'चा धमाकेदार ट्रेलर प्रदर्शित

अभिनेता अल्लू अर्जुनच्या 'पुष्पा 2 द रुल' चित्रपटाच्या ट्रेलरची प्रेक्षक बऱ्याच दिवसांपासून वाट पाहत होते. अखेर रविवारी 17 नोव्हेंबरला चित्रपटाच्या निर्मात्यांनी पुष्पा 2 चा ट्रेलर लाँच केला आहे. पाटणामध्ये पुष्पा 2 द रुल चित्रपटाच्या भव्य ट्रेलर लाँच कार्यक्रम आयोजित करण्यात आला होता. या कार्यक्रमाला अल्लू अर्जून आणि रश्मिका मंदानासह अनेक स्टार्सनी हजेरी लावली होती. बिहारचे उपमुख्यमंत्री विजय कुमार सिन्हा यांनी अभिनेता अल्लू अर्जूनचं पाटणामध्ये स्वागत केलं.

5 डिसेंबरला रिलीज होणार पुष्पा 2

पुष्पा 2 हा 2024 मधील बहुप्रतिक्षित चित्रपट आहे. अल्लू अर्जुनच्या पुष्पा या चित्रपटाचा दुसरा भाग 5 डिसेंबरला चित्रपटगृहांमध्ये प्रदर्शित होणार आहे. पुष्पा द राईल चित्रपट 2021 मध्ये आला होता. आता या चित्रपटाचा दुसरा भाग डिसेंबरमध्ये रिलीज होणार आहे. रविवारी पुष्पा 2 द राईज चित्रपटाचा ट्रेलर लाँच सोहळा पार पडला. पुष्पा चित्रपटानंतर आता 3 वर्षांनंतर अल्लू अर्जुन पुन्हा एकदा पुष्पाच्या भूमिकेत दमदार ॲक्शन करताना दिसणार आहे.

'पुष्पा'चे डायलॉग आणि दमदार ॲक्शन