Sharad Pawar Baramati Sabha : देवेंद्र फडणवीस आणि त्यांच्या सहकाऱ्यांनी काय केलं. त्यांनी एकच काम केले. येथे येणारे उद्योग त्यांनी गुजरातला पाठवले असा टोला शरद पवार यांनी विरोधकांना लगावला आहे. युगेंद्र पवार यांच्या प्रचाराच्या निमित्ताने आज प्रचारसभेची बारामतीत सांगता सभा झाली तेव्हा शरद पवार यांनी आपले विचार मांडले.

देशाच्या कानाकोपऱ्यात गेला तरी बारामती म्हटल्यावर कुणाचं नाव घेतात? असा प्रश्न शरद पवारानी विचारताच बारामतीकरांकडून 'शरद पवार, शरद पवार' असा जल्लोष सुरू झाला. बारामतीच्या विकासाची परंपरा आता युगेंद्र पवार पुढे नेतील, त्यांना विक्रमी मतांनी विजयी करा असं आवाहन शरद पवारांनी बारामतीकरांना केलं.

युगेंद्रची प्रश्न समजून घ्यायची तयारीयुगेंद्र पवार हे परदेशातून शिकून आले आहेत. आज ते बारामतीमध्ये समाजकार्य करतात. बारामतीकरांचा विकास करण्याची धमक त्यांच्यामध्ये आहे. त्यामुळे त्यांना संधी द्या. त्यावर काही लोक म्हणतात, मग आम्ही मी काय करू? 1967 साली मला तुम्ही आमदार केलं. नंतर मुख्यमंत्री झालो. मला 30 वर्षे दिली. त्यानंतर अजित पवारांना संधी दिली. त्यांना आम्ही उपमुख्यमंत्री केलं. त्यांनी काम केलं. पण आता पुढच्या कामासाठी तरूण पिढीची गरज आहे. युगेंद्रची प्रश्न समजून घ्यायची तयारी आहे. काय करावं लागतंय हे त्यांना समजतंय. त्यांच्या काम करण्याची पद्धत बारामतीकरांना आवडेल असे यावेळी म्हणाले.



बारामती म्हटल्यावर कुणाचं नाव घेतात?देशाच्या कानाकोपऱ्यात कुठेही जा. बारामती म्हटल्यावर कुणाचं नाव घेतात? आता युगेंद्र पवार तीच परंपरा कायम ठेवतील. त्यामुळे त्यांना विक्रमी मतांनी विजयी करा. आम्ही ज्या पद्धतीने विकास केला त्याच्यापेक्षाही अधिक जोमाने युगेंद्र पवार विकास करतील असेही म्हणाले.

https://x.com/i/broadcasts/1vOxwrAjEEDJB

हे सरकार शेतीमालाला किंमत देत नाहीबारामती आणि आजूबाजूचा भाग हा शेती करणाऱ्यांचा आहे. महायुतीच्या काळात राज्यामध्ये 20 हजारांहून अधिक शेतकऱ्यांनी आत्महत्या केली. त्यामध्ये त्यांची काय चूक होती? राज्यसरकारच्या धोरणांमुळे ते कर्जबाजारी झाले. दुसरीकडे नरेंद्र मोदी सरकारने देशातील 16 उद्योगपतीचे 18 हजार कोटींचे कर्ज माफ केलं. हे सरकार शेतीमालाला किंमत देत नाही सरकारच्या धोरणावर अशी यांनी टीका केली.



साधंसुधं पाडायचं नाही, जोरात पाडायचं; शरद पवारांचा एल्गारसोडून गेलेल्यांना असं तसं पाडायचं नाही तर महाराष्ट्रात संदेश गेला पाहिजे. लोळत पाडा. कोणाचाही नाद करा पण शरद पवारांचा नाद करायचा नाही असा टोला देखील शरद पवार यांनी नाव न घेता आमदार बबनदादा शिंदे आणि आमदार संजयमामा शिंदे यांना लगावला.