Risk of these Diseases is Increasing in Men: गेल्या दशकातील आकडेवारी पाहिल्यास पुरुषांमध्ये अनेक गंभीर आजारांचा धोका झपाट्याने वाढत असल्याचे स्पष्ट होते. सर्व पुरुषांनी आपल्या आरोग्याबाबत गंभीर असणे गरजेचे असल्याचे आरोग्य तज्ज्ञांचे म्हणणे आहे. आंतरराष्ट्रीय पुरुष दिन 2024 च्या निमित्ताने पुरूषांच्या मानसिक आणि शारीरिक आरोग्यावर परिणाम करणाऱ्या काही आजारांबद्दल जाऊन घेऊयात.

दरवर्षी 19 नोव्हेंबर रोजी जागतिक स्तरावर पुरुष दिन (International Men's Day 2024) साजरा केला जातो. जगभरातील पुरुषांच्या सामाजिक-आर्थिक, सांस्कृतिक आणि राजकीय योगदानाची जाण ठेवण्यासाठी हा दिवस साजरा केला जातो. मात्र या सर्व गोष्टीसाठी समस्त पुरुष वर्गाचे आरोग्य सदृढ आणि निरोगी असणे देखील तितकेच महत्वाचे आहे. जर आरोग्य चांगले असेल तरच समाज आणि जागतिक विकास करणे शक्य असल्याकारणामुळे, आज पुरुषांमध्ये वाढत चाललेल्या काही गंभीर आजारांची माहिती आम्ही तुमच्यासाठी घेऊन आलो आहोत. ज्यावर वेळीच उपचार करणे आणि प्रतिबंधात्मक मार्ग अवलंबणे गरजेचे आहे.