Jio Recharge Plan: रिलायन्स जिओच्या युजर्ससाठी एक महत्त्वाची बातमी आहे. जिओने आपल्या रिचार्ज प्लानच्या दरात वाढ केल्याने नाराज झालेल्या युजर्ससाठी एक दिलासा देणारा प्लान लॉन्च केला आहे. 2024 हे वर्ष संपता संपता जिओने कोट्यवधी युजर्ससाठी एक जबरदस्त प्लान लॉन्च केला आहे. जिओने आपल्या लिस्टमध्ये 6 महिन्यांहून अधिक दिवसांची व्हॅलिडिटी असलेला प्लान अॅड केला आहे.

कोट्यवधी युजर्सला दिलासा
जिओ ही भारतातील एक मोठी टेलिकॉम कंपनी आहे. भारतातील सर्वाधिक युजर्स जिओकडे आहेत. 2024 च्या मध्यावधीत जिओने आपल्या रिचार्ज प्लानच्या दरात वाढ केल्याने अनेक युजर्स नाराज झाले. पण आता हे वर्ष संपता-संपता जिओने आपल्या युजर्सला एक सरप्राईज दिलं आहे. जिओने एक असा प्लान लॉन्च केला आहे ज्यामुळे युजर्सला एकदा रिचार्ज केल्यावर 6 महिने रिचार्ज करण्याची गरज पडणार नाही.

हे पण वाचा :

जिओच्या ज्या रिचार्ज प्लानबाबत आम्ही बोलत आहोत हा प्लान न्यू ईअर प्लान ऑफर आहे. जिओने आपल्या कोट्यवधी युजर्सला न्यू ईअर गिफ्ट दिलं आहे. जिओच्या या प्लानमध्ये युजर्सला एकूण 200 दिवसांची व्हॅलिडिटी मिळते. जर तुम्ही 2025 रुपयांनी हा प्लान खरेदी करता तर तुम्हाला अर्ध्या वर्षाहून अधिक काळ रिचार्जचं टेन्शन घेण्याची गरज नाहीये. या प्लानमध्ये युजर्सला 200 दिवसांपर्यंत कोणत्याही नेटवर्कवर फ्री कॉलिंग करता येणार आहे. तसेच दररोज 100 एसएमएस फ्री मिळणार आहेत.

हे पण वाचा :

500GB डेटा ऑफर
जिओचा हा रिचार्ज प्लान अशा युजर्ससाठी बेस्ट आहे ज्यांना डेटाची जास्त आवश्यकता असते. या न्यू ईअर गिफ्ट प्लानमध्ये युजर्सला कंपनीकडून एकूण 500GB डेटा मिळतो. अशा प्रकारे तुम्हाला दररोज 2.5GB डेटा वापरता येणार आहे. हा एक ट्रू 5G प्लान आहे. जर तुमच्या क्षेत्रात 5G कनेक्टिव्हिटी असेल तर तुम्ही अनलिमिटेड 5G डेटाचा वापर करु शकता.

जिओच्या या न्यू ईअर ऑफरमध्ये युजर्सला इतर प्लानप्रमाणेच इतरही अतिरिक्त बेनेफिट्स मिळणार आहेत. जर तुम्ही ओटीटी स्ट्रीमिंग करतत असाल तर या प्लानमध्ये जिओ सिनेमाचं सब्सक्रिप्शन फ्री मिळणार आहे. यासोबतच जिओ टीव्ही, जिओ क्लाऊड यांचेही सब्सक्रिप्शन फ्री मिळते.