सुप्रसिद्ध गायक जोडी सचेत टंडन आणि परंपरा ठाकूर यांच्या आयुष्यात एक नवा आनंदाचा क्षण आला आहे. दोघेही पती-पत्नी आता आई-वडील बनले आहेत. सचेत-परंपराने एका गोंडस मुलाचे स्वागत केले असून, त्यांच्या आयुष्यातील हा नवा अध्याय सध्या चर्चेचा विषय ठरत आहे. नुकतेच सचेत आणि परंपराने त्यांच्या नवजात मुलाची पहिली झलक सोशल मीडियावर शेअर केली आहे. या फोटोमध्ये बाळाचा चेहरा न दिसता, त्याचे गोंडस छोटे हात दिसत आहेत. या फोटोसोबतच या जोडप्याने एक भावनिक पोस्ट लिहित, त्यांच्या आनंदाला वाट मोकळी करून दिली आहे. या पोस्टमध्ये त्यांनी आई-वडील झाल्याची भावना व्यक्त केली आहे आणि चाहत्यांचे आशीर्वाद व शुभेच्छा मागितल्या आहेत.

instagram

सचेत-परंपराने लिहिलेल्या पोस्टमध्ये म्हटले आहे, परंपरा ठाकूरने नुकतेच एका मुलाला जन्म दिला आहे. या जोडप्याने एका व्हिडिओच्या माध्यमातून आई-वडील होण्याची आनंदाची बातमी शेअर केली आहे. क्लिपमध्ये साचेत-परंपरा यांनी बाळाचा हात पकडून हृदयाचा आकार बनवताना लहान हात आणि पायांची झलक दाखवली आहे. व्हिडिओच्या शेवटी लिहिले आहे, "सचेत-परंपरा यांचे हृदय आले आहे. हा मुलगा आहे."

सचेत आणि परंपराने त्यांच्या गायन प्रवासात अनेक सुपरहिट गाणी दिली आहेत. त्यांच्या आवाजाने लाखो लोकांच्या हृदयात स्थान मिळवले आहे. या जोडप्याने बेखयाली, मेरे सोनेया यांसारखी हिट गाणी दिली आहेत, ज्यामुळे ते संगीत विश्वातील एक प्रसिद्ध जोडी बनली आहे.

जोडप्याच्या या गोड बातमीवर चाहत्यांकडून आणि अनेक सेलिब्रिटींकडून शुभेच्छांचा वर्षाव होत आहे. गायक, अभिनेते, संगीत दिग्दर्शक यांच्यासह अनेकांनी या पोस्टवर प्रतिक्रिया दिल्या आहेत. काहींनी बाळाचे स्वागत करण्यासाठी हृदयस्पर्शी संदेश लिहिले आहेत तर काहींनी शुभेच्छा देताना या गायक जोडप्याला पुढील आयुष्यासाठी शुभेच्छा दिल्या आहेत.

हेही वाचा :शाहरुख खानच्या आवाजाने 'मुफासा'ची गर्जना, दुसऱ्या दिवशी बॉक्स ऑफिसवर धमाकेदार कामगिरी

सचेत आणि परंपराने गेल्या काही वर्षांत त्यांच्या व्यावसायिक यशासोबतच वैयक्तिक आयुष्यातही एक उत्तम समतोल राखला आहे. दोघांचे एकमेकांवर असलेले प्रेम आणि आपले काम याबद्दलची निष्ठा नेहमीच चाहत्यांसाठी प्रेरणादायी ठरली आहे. त्यानुसार, आता त्यांच्या नवजात मुलाच्या आगमनाने त्यांचे कुटुंब पूर्ण झाले आहे. सचेत-परंपराने या क्षणाचा आनंद चाहत्यांसोबत शेअर केल्यामुळे त्यांच्यावर शुभेच्छांचा पाऊस पडत आहे.

हेही वाचा :Vanavas Box Office Collection Day : गदर 2 च्या दिग्दर्शकाचा नवीन प्रयत्न निष्फळ, चित्रपटाची कमाई निराशाजनक

संगीतक्षेत्रात चमकणाऱ्या या जोडप्याच्या जीवनात आलेल्या या गोड क्षणासाठी चाहत्यांनी त्यांच्यासाठी शुभेच्छांचा वर्षाव केला असून, बाळासाठीही भरभरून प्रेम आणि आशीर्वाद दिले आहेत. त्यांच्या नव्या प्रवासाला आणि बाळाच्या उज्ज्वल भविष्यासाठी सर्वत्र प्रार्थना केली जात आहे.