TATA Company Shares: भारतीय शेअर बाजारात टाटा ग्रुपच्या विविध कंपन्यांचे शेअर्स लिस्टेड आहेत. टाटा ग्रुपच्या या शेअर्सने गुंतवणुकदारांना मोठ्या प्रमाणात रिटर्न्स दिले आहेत. टाटा कंपनीच्या या शेअर्सने लॉन्ग टर्ममध्ये मोठा पैसा मिळवून दिला आहे. एक लाखाचे कोटी सुद्धा झाले आहेत. टाटा ग्रुपच्या तीन कंपन्यांबाबत आम्ही बोलत आहोत ज्यांच्या शेअर्सने 15 वर्षांत मोठा परतावा दिला आहे. पाहा कोणत्या आहेत या कंपन्या...

टाटा एलेक्सीने बनवले लाखाचे 1.14 कोटी
टाटा कंपनीचा TATA ELXSI या शेअरने गेल्या 15 वर्षांत एक लाख रुपयांच्या गुंतवणुकीला 1.14 कोटी रुपये बनवले आहे. टाटा ग्रुपच्या या कंपनीच्या शेअरची किंमत 18 डिसेंबर 2009 मध्ये 120.70 रुपये होती. जर कोणी त्यावेळी एक लाख रुपयांचे शेअर्स खरेदी केले असते तर त्याला त्यावेळी 828 शेअर्स मिळाले असते. कंपनीने सप्टेंबर 2017 मध्ये 1 : 1 च्या रेश्योने बोनस शेअर्स दिले होते. म्हणझेच एका शेअरवर एक शेअर फ्री दिला होता. जर बोनस शेअर्स जोडले तर एक लाख रुपयांनी खरेदी केलेल्या शेअर्सची एकूण संख्या 1656 झाली असती. टाटा एलेक्सीच्या शेअरची 26 डिसेंबर रोजीची किंमत 6892.25 रुपये इतकी होती. या किमतीच्या हिशोबाने या शेअर्सची सध्याची व्हॅल्यू 1.14 कोटी रुपये आहे.

हे पण वाचा :

टायटनच्या शेअरने 1 लाखाचे बनवले 99 लाख
टाटा ग्रुपच्या टायटन या कंपनीच्या शेअर्सने सुद्धा गेल्या 15 वर्षांत दमदार रिटर्न्स दिले आहेत. कंपनीच्या या शेअरमध्ये 15 वर्षांपूर्वी एक लाख रुपये गुंतवले असते तर त्याची आता किंमत 99 लाख रुपयांहून अधइक झाली असती. 18 डिसेंबर 2009 रोजी टायटन कंपनीच्या शेअर्सची किंमत 66.70 रुपये इतकी होती. जर एखाद्या व्यक्तीने त्यावेळी 1 लाख रुपये गुंतवले असते तर त्याला 1498 शेअर्स मिळाले होते. कंपनीने जून 2011 मध्ये 1:1 या रेश्योने बोनस शेअर्स दिले होते. जर हे शेअर्स अॅड केले तर एक लाख रुपयांनी खरेदी केलेल्या शेअर्सची संख्या वाढून 2996 वर पोहोचली असती. टायटनच्या शेअर्सची किंमत 26 डिसेंबर 2024 रोजी 3320.80 रुपये होती. या किमतीनुसार, टायटनच्या त्यावेळच्या एक लाख रुपयांच्या किमतीची व्हॅल्यू 99.49 लाख रुपये झाली असती.

हे पण वाचा :

ट्रेंटच्या शेअरने लाखाचे बनवले 77 लाख रुपये
टाटा ग्रुपची कंपनी असलेल्या ट्रेंट लिमिटेडच्या शेअर्सने सुद्धा गेल्या 15 वर्षांत मोठा परतावा दिला आहे. 15 वर्षांपूर्वी या शेअर्समध्ये 1 लाख रुपये गुंतवले असते तर त्याची आता किंमत 77 लाख रुपयांहून अधिक झाली असती. 31 डिसेंबर 2009 रोजी ट्रेंट लिमिटेडच्या शेअरची किंमत 90.57 रुपये होती. जर एखाद्या व्यक्तीने 15 वर्षांपूर्वी एक लाख रुपयांनी ट्रेंटचे शेअर खरेदी केले असते तर त्याला 1104 शेअर्स मिळाले असते. ट्रेंटच्या शेअरची 26 डिसेंबर 2024 रोजी किंमत 7063.65 रुपये इतकी होती. अशा प्रकारे त्या एक लाखांची व्हॅल्यू आता 77.98 लाख रुपये इतकी असती.

(Disclaimer: हा मजकूर सामान्य माहितीच्या आधारे लिहिण्यात आलेला आहे. शेअर मार्केट किंवा इतरत्र गुंतवणूक करण्याचा सल्ला आम्ही तुम्हाला देत नाही. गुंतवणूक करण्यापूर्वी आपल्या गुंतवणूक सल्लागाराचं मार्गदर्शन नक्की घ्या.)