Jimmy Carter Former US President : 

अमेरिकेचे माजी राष्ट्राध्यक्ष जिमी कार्टर यांचे नुकतेच निधन झालं. त्यांच्या निधनाचा शोक महाराष्ट्रातील लोणावळ्याजवळील पाटन गावातील लोकांनी देखील व्यक्त केला. जिमी कार्टर आणि या गावाचा एक वेगळाच ऋणानुबंध होता. जिमी कार्टर आणि त्यांची पत्नी रोतालेन यांनी या गावात २००० कुटुंबांसोबत स्वकष्टानं घरं उभारली होती.  

लोनावळ्याजवळील पाटन गावात घरे उभारण्यामध्ये हॉलीवूड अभिनेता ब्रॅड पीट आणि बॉलीवूड स्टार जॉन अब्राहम यांनी देखील आपलं श्रमदान केलं होतं. हॅबिटॅट फॉर ह्युमॅनिटी या एनजीओच्या मार्गदर्शनाखाली हे काम करण्यात आलं होतं. 

हेही वाचा : Rajasthan : जेसलमेरमध्ये जमिनीतून उफाळून आलेलं पाणी ६० लाख वर्षापूर्वीचं? भू-जल तज्ज्ञांनी केला मोठा दावा

Twitter

अमेरिकेचे माजी राष्ट्राध्यक्ष जिमी कार्टर यांनी या गावात घरे उभारण्यासाठी आपल्या सुतार कामातील कसब वापरलं होतं. त्यातून त्यांनी फंडिंग गोळा करण्यास एनजीओला मदत केली होती. १९८४ पासून जिमी कार्टर हे प्रत्येक वर्षी आपला एक आठवडा आणि घर उभारणीतील आपलं कसब या संस्थेसाठी वापरत होते. 

 कार्टर यांनी १९८० मध्ये आपला अध्यक्षपदाचा कार्यकाळ पूर्ण करून व्हाईट हाऊस सोडलं होतं. ते एकच टर्म अमेरिकेचे राष्ट्राध्यक्ष राहिले होते. त्यांनी एका मुलाखतीत सांगितलं होतं की त्यांची आई लिलियान यांनी वयाच्या ६७ व्या वर्षी शांतता संघटनेचं काम करण्यास सुरूवात केली होती. त्यांनी हे काम मुंबईतील एका कॉलनीत सुरू केलं होतं. 

Twitter

कार्टर म्हणाले होते की, 'ती मुंबईच्या जवळील छोटं गाव विक्रोळीच्या अगदी जवळ राहत होती. आता विक्रोळी हे मेट्रोसिटी मुंबईचे एक उपनगर आहे. 

कार्टन यांनी १९८४ पासून हॅबिटॅट या संस्थेसाठी काम करण्यास सुरूवात केली. ते सुतारकाम करून या संस्थेसाठी श्रमदान करत होते. ते एक आठवडा न्यूयॉर्कमधील इमारतींसाठी कामगार म्हणून आपलं योगदान द्यायचे. ही संस्था घरमालकांना व्हॉलेंटियर्सच्या मदतीने घर उभारणीत मदत करते. ही संस्था अनेरिक्युस, जॉर्जिया इथं स्थापन झाली होती. हे कार्टर यांच्या होमटाऊनच्या जवळचं ठिकाण आहे.

हेही वाचा : Persistent Pigeon Invasions : तुमच्या बाल्कनीत कबुतरं हैदोस घालतात; त्यांना हुसकावण्याचे हे आहेत १० जालीम उपाय

हॅबिटॅट ही संस्था त्यांच्याकडे आलेल्या अर्जांमधून निवड करत होती. यासाठी ज्यांची कमी व्याजदर असलेलं कर्ज फेडण्याची क्षमता आणि ते कुठंपर्यंत या प्रोजेक्टमध्ये श्रमदान करू शकतात याच्या आधारावर लाभार्थ्यांची निवड केली जात होती. 

जिमी कार्टर हे जॉर्जियाचे भूईमुग उत्पादक शेतकरी होते. त्यांनी राष्ट्राध्यक्षपद सोडल्यानंतर त्यांना नोबेल पुरस्कार देखील देण्यात आला होता. त्यांचे गेल्या रविवारी वृद्धापकाळानं निधन झालं. ते १०० वर्षांचे होते. ते अमेरिकेच्या इतिहासातील सर्वाधिक काळ जिवंत राहिलेले माजी राष्ट्राध्यक्ष होते.