Santosh Deshmukh murder case accused Ghule, Andhale and Sangle declared wanted : बीडमधील केज तालुक्यातील मस्साजोगचे सरपंच संतोष देशमुख यांच्या हत्त्येने राज्यभर खळबळ उडाली होती. देशमुख यांचे अपहरण करून त्यांची निघृण हत्या करण्यात आली होती. या हत्येचे राज्याच्या राजकारणात मोठे पडसाद उमटले. त्यामुळे या हत्येचा तपास सीआयडी, एसआयटी आणि न्यायालयीन अशा तिन्ही यंत्रणांच्या माध्यमातून सुरू आहे. या हत्येला 22 दिवस उलटूनही तीन आरोपी फरार आहेत. या आरोपींना आता बीड पोलिसांकडून वॉन्टेड घोषित कऱण्यात आले आहे. या तिघांची माहिती देणाऱ्याला योग्य बक्षिश दिले जाईल असे प्रसिद्ध पत्रक देखील बीड पोलिसांनी जारी केले आहे.


संतोष देशमुख हत्या प्रकरणातील संशयीत आरोपी वाल्मीक कराड पोलिसांना शरण आला आहे, तर तीन आरोपी सुदर्शन चंद्रभान घुले (वय 26 वर्षे), कृष्णा शामराव आंधळे (वय 30 वर्षे) आणि सुधीर ज्ञानोबा सांगळे (वय 23 वर्षे) हे तिघे अजूनही फरार आहेत. या तिघांना देखील पोलिसांनी वॉन्टेड घोषित केले आहे. पोलिसांकडून या आरोपींना पकडण्यासाठी प्रसिद्धीपत्रक जारी करण्यात आले आहे. आरोपींची माहिती देणाऱ्यांचं नाव गुप्त ठेवण्यात येईल, तसेच बक्षीसही देण्यात येईल असं पोलिसांनी आपल्या प्रसिद्धीपत्रकात म्हटलं आहे.






मस्साजोगचे सरपंच संतोष देशमुख यांच्या हत्या प्रकरणात एकूण 7 आरोपींचा सहभाग असल्याचा पोलिसांना संशय आहे. यातील मास्टरमाईंड वाल्मिक कराड पुण्यातील सीआयडी कार्यालयात शरण आला, परंतु इतर तीन आरोपी अजून फरार आहे. सुदर्शन घुले, कृष्णा आंधळे आणि सुधीर सांगळे असे या तिन्ही फरार आरोपींची नावे आहेत. पोलिसांनी या तिघांना वॉन्टेड घोषित केल असून त्यांची माहिती देणाऱ्यांना बक्षिण दिले जाणार आहे.




स्थानिक गुन्हे शाखेचे पोलीस निरीक्षक यांनी यासंदर्भात एक प्रसिद्ध पत्रक जारी केले आहे. यात तिन्ही आरोपींची फोटो दिसत आहे. या फोटोमध्ये दिसणाऱ्या तिन्ही व्यक्ती आरोपी असून त्यांच्यावर खुनासारखा गंभीर गुन्हा दाखल आहे. त्यांना पकडण्यासाठी पोलिसांकडून वेगाने तपास सुरू आहे. या आरोपींच्या ठिकाणांविषयी कोणाला माहिती असेल तर त्यांनी पोलिसांशी संपर्क साधावा असे आवाहन पोलिसांकडून करण्यात आले आहे. दरम्यान सीआयडीने फरार आरोपींची आणि त्यांच्या नातेवाईकांची बँक खाती गोठवली आहे.