आपल बालपण हे भावंडांच्या सोबत खेळण्यात, भांडण्यात गेलेलं असत. बऱ्याच अशा गंमतीजंमती त्यावेळी आपण केलेल्या असतात. ही सर्व भावंड आपल्या आजूबाजूला त्यावेळी असल्यावर आपल्याला जाम भारी वाटायचं. मात्र, जेव्ही आपण मोठे होतो तेव्हा तुमची भावंडांसोबतची भांडण ही कुत्रा-मांजरीसारखी होऊ लागतात.

कॅलगॅरी आणि टोरंटो विद्यापीठाने केलेल्या एका संशोधनामध्ये असे दिसून आले आहे की, पालकांप्रमाणेच भावंडांचाही एकमेकांच्या विकासावर मोठा प्रभाव पडतो. असे आढळून आले की, त्यांच्यामध्ये असलेला समंजसपणा, उबदारपणा आणि पाठिंबा यामुळे खरोखरच त्यांचे मन आणि दृष्टिकोन वाढवू शकतो. यामध्ये असे ही आढळून आले की, जर तुम्हाला भावंड असतील तर तुमच्या आजूबाजूला आनंदाच वातावरण आपोआप तयार होईल. शिवाय, तुम्हाला एक बहीण किंवा भाऊ असला तर त्यांचा तुमच्यावर सतत प्रभाव असतो. त्यामुळे, तुम्ही एक चांगली व्यक्ती बनू शकता.

आजच्या घडीला भावंडांमधील हे नाते, नाजूक बंध काहीसे हरवल्यासारखे वाटतात. परंतु, काही भावंडांमध्ये हे बॉंन्डिंग अजून ही असल्याचे दिसून येते. प्रत्येक भावंडामध्ये काहीतरी टॅलेंट असते किंवा खास गोष्ट असते, ज्यामध्ये ते परफेक्ट असतात. त्यामुळे हे आर्टिकल वाचल्यावर तुमच्या भावंडांना टॅग करायला विसरू नका. कारण, या आर्टिकलमध्ये आम्ही काही कॅटेगरी दिल्या आहेत. ज्यामध्ये तुमचा भाऊ किंवा बहीण कुठे फीट बसतो ? ते जाणून घ्या.

idiva

या प्रकारातील भाऊ किंवा बहीणीसोबत तुमचे नाते बेस्टीसारखे असते. थोडक्यात, तुम्ही एकमेकांचे बेस्टी असता. हे सोबत असल्यावर तुम्हाला इतर मित्र-मैत्रिणींची काही गरज पडत नाही.

या प्रकारातील भावंडे ही तुमचे पालक असल्याप्रमाणे वागतात. शिवाय, यांच वागण हे आई-वडिलांप्रमाणे असतं. ते सतत तुम्हाला दरडावत असतात, ओरडत असतात. उगाचच मार्गदर्शन देखील करत असतात, जे की तुम्हाला नको असतं. या भावंडांच तुमच्यावर प्रेम नक्कीच असतं परंतु, ते तुमच्या काळजीपोटी अशी भूमिका पार पाडत असतात.

idiva

या प्रकारातील सिब्लिंग्ज हे यशस्वी झालेले असतात. त्यांनी खास कामगिरी केलेली असते, मग ती कोणत्याही क्षेत्रात असो. त्यामुळे, त्यांनी एक आदर्श सगळ्यांसमोर ठेवलेला असतो. त्यामुळे, तुमचे पालक तुमची त्यांच्याशी तुलना करत राहतात. थोडक्यात या प्रकारातील भाऊ किंवा बहीणं एक चांगल उदाहरण तुमच्यासमोर सेट करतात.

हेही वाचा : आयुष्यातील एका विशिष्ट टप्प्यानंतर पालकांसोबत जगणे का असते कठीण?

या प्रकारातील भावंडे ही तुमचा जन्म झाल्यापासून तुमचा तिरस्कार करत असल्यासारखे वागतात. तसेच, तुमची एखादी चूक समोर आणण्याची एक ही संधी सोडत नाहीत. ते तुमचा बॉस असल्यासारखे तुमच्यासोबत वागतात आणि त्यांची छोटी-मोठी कामे तुमच्याकडून करून घेतात.

idiva

या प्रकारातील भावंडे तुम्हाला खोडकरपणा करण्यासाठी प्रोत्साहित करत असतात. मजामस्ती, दंगा करताना ते तुमची साथ देत असतात. ते तुमच्या प्रत्येक कामात, अभ्यासात आणि मजामस्तीमध्ये सोबत राहतात, तसेच मार खावा लागला तरी ही तुम्ही एकत्र मार खाता.

या कॅटेगरीतील सिब्लिंग्ज हे सतत शोऑफ करण्यासाठी तयार असतात. त्यांना नेहमीच तुमच्यापेक्षा भारी दिसायचं असत. यासाठी ते सतत झटत असतात. तुमच्या अगदी छोट्या छोट्या गोष्टींवर देखील ते नाराज होतात. मात्र, हे तुमचे रक्षक म्हणून ही काम करतात. अनेकदा काही प्रसंगी जेव्हा तुम्ही एकटे पडता किंवा तुम्हाला मदतीची गरज पडते. त्यावेळी ही भावंडे तुमचे रक्षण म्हणून सामोरे जातात आणि तुम्हाला मदत करतात.

या प्रकारातील भावंडे ही शांत, सालस आणि समजूतदार असतात. त्यामुळे, मला असा भाऊ किंवा बहीण मिळाली, यासाठी तुम्ही देवाचे नेहमीच आभार मानता. मी असं कोणतं कर्म केलं असेल बरं ज्यामुळे, मला इतके शांत आणि समजूतदार भावंडे मिळाली असा विचर ही तुमच्या मनात येत असतो.

ही भावंडे आई-वडिल आणि तुमच्यातील एक दुवा म्हणून काम करताना दिसतात. जसे की, कधी आई-वडिलांसोबत तुमची काही भुणभुण झाली तर या प्रकारातील भाऊ किंवा बहीण तुमची बाजू घेऊन शांतपणे यातून मार्ग काढतात.

idiva

या प्रकारातील भावंडे ही त्यांच्या मित्र-मैत्रिणींमध्ये अतिशय लोकप्रिय असतात. हे भावंड असे आहे की, ज्यांच्याकडे त्यांच्या मित्र-मैत्रिणींची ताकद आणि साथ आहे. ते त्यांचे काम व्यवस्थित करण्यास सक्षम आहेत. प्रेम, सामाजिक जीवन, मैत्री या सर्व गोष्टी संतुलित ठेवण्यात ते सक्षम असतात.