Deva Teaser Release Shahid Kapoor : 

शाहीद कपूरने नुकतेच आपला आगामी चित्रपट देवाचे पहिले पोस्टर रिलीज केले होते. त्याचा त्यातील लूक पाहूनच प्रेक्षकांना हा चित्रपट काहीतरी भन्नाट घेऊन येणार याची झलक दिसली होती. आता देवा या चित्रपटाचा टीझर रिलीज झाला असून त्यात शाहीद कपूरने जो ढासू अवतार दाखवला आहे ते पाहून चाहत्यांची चित्रपटाविषयीची उत्कंठा शिगेला पोहचली आहे. शाहीद कपूर हा डार्कर शेड असलेल्या भूमिकांमध्ये भाव खावून जाते हे त्याच्या गेल्या काही चित्रपटातून दिसून आलं आहे. आता तो देवा या चित्रपटातून पॉवर पॅक परफॉरमन्स घेऊन प्रेक्षकांसमोर येत आहे. 

हेही वाचा : OYO Rooms : अविवाहित जोडप्यांना आता OYO मध्ये नो एन्ट्री; कंपनीने बदलले नियम! जाणून घ्या कोणत्या शहरात होणार लागू

© Roy Kapur Films

देवाच्या टीझरवर नेटकऱ्यांनी कमेंटचा पाऊस पाडला आहे. एकाने प्रतिक्रिया दिली की, हा याला म्हणतात दर्जेदार टीझर, या भूमिकेत मी शाहीद कपूरला पाहण्यासाठी उत्सुक आहेत. मला खात्री आहे तो ही भूमिका दमदारच करेल.' दुसऱ्या एका चाहत्याने प्रतिक्रिया दिली की, 'शाहीदचा परफॉरमन्स हा एका वेगळ्याच उंचीचा आहे. त्याची उर्जा एका वेगळ्यात लेव्हलवर असते. तो असा कलाकार आहे ज्याच्यात काहीतरी आहे. त्याची अदाकारी दुसऱ्यांसाठी एक बेंचमार्क सेट करेल.' 

हेही वाचा : Love For Longevity : दीर्घायुषी व्हायचं आहे मग प्रेमात असणं आहे महत्वाचं! जाणून घ्या जाणकार काय म्हणतात

© Instagram/Shahid Kapoor

एका नेटकऱ्याने चित्रपटाचा टीझर पाहून त्याच्या गेल्या अनेक वर्षापासूनच्या कामगिरीची पोच पावती मिळावी अशी अपेक्षा व्यक्त केली. तो म्हणाला की, 'भाई त्याचा परफॉरमन्स हा गेल्या अनेक वर्षापासून त्याचं न झालेलं कौतुक करा असं ओरडून सांगत आहे. मी हा सिनेमा नक्की पाहणार.' 

देवा हा चित्रपट रोशन अँड्र्युज यांनी दिग्दर्शित केला आहे. शाहीद सोबतच या चित्रपटात पूजा हेगडे, पल्लवी गुलाटी, परवेश राणा, कुब्बरा सैत यांनी देखील भूमिका साकारली आहे.