உலக டெஸ்ட் சாம்பியன்ஷிப் இறுதிப்போட்டியில் தென்னாப்பிரிக்கா மற்றும் ஆஸ்திரேலிய அணிகள் மோத உள்ளன.

இந்தியா மற்றும் ஆஸ்திரேலிய அணிகளுக்கிடையிலான பார்டர்-கவாஸ்கர் டெஸ்ட் தொடர் இன்று முடிவடைந்தது.

சிட்னியில் நடைபெற்ற இறுதி டெஸ்ட் போட்டியில் ஆஸ்திரேலிய அணி 6 விக்கெட்டுகள் வித்தியாசத்தில் இந்திய அணியை தோற்கடித்து, தொடரை 3-1 என்ற கணக்கில் கைப்பற்றி, 10 ஆண்டுகளுக்கு பிறகு பார்டர்-கவாஸ்கர் கோப்பையை மீண்டும் பெற்றது.

தென்னாப்பிரிக்கா ஏற்கனவே உலக டெஸ்ட் சாம்பியன்ஷிப் இறுதிப்போட்டிக்குத் தகுதி பெற்ற நிலையில், இந்த வெற்றியின் மூலம் ஆஸ்திரேலிய அணி அந்த இறுதிப்போட்டிக்குத் தகுதி பெற்றது.  

இந்திய அணி உலக டெஸ்ட் சாம்பியன்ஷிப் இறுதிப்போட்டிக்குத் தகுதி பெற 4-1 என்ற கணக்கில் தொடரை வெல்ல வேண்டிய நிலை இருந்தது. ஆனால், 1-3 என்ற கணக்கில் தொடரை இழந்ததன் மூலம், அந்த வாய்ப்பை இந்தியா தவறவிட்டது.

உலக டெஸ்ட் சாம்பியன்ஷிப் இறுதிப்போட்டி ஜூன் 11ஆம் தேதி லண்டனின் லார்ட்ஸ் மைதானத்தில் நடைபெறும். இதில்  தென்னாப்பிரிக்கா மற்றும் ஆஸ்திரேலிய அணிகள் மோத உள்ளன.