महाराष्ट्र राज्य परीक्षा परिषदेमार्फत १० नोव्हेंबर २०२४ रोजी घेण्यात आलेल्या शिक्षक पात्रता परीक्षेची अंतिम उत्तरसूची प्रसिद्ध करण्यात आली असल्याचे परीक्षा परिषदेचे उपायुक्त संजयकुमार राठोड यांनी कळविले आहे.

राज्यात खाजगी रुग्णालयांची तपासणी करण्यासाठी आरोग्य विभागाची विशेष मोहीम

राज्यभरात जिल्हा स्तरावर पथकांची नियुक्ती करण्याचे आरोग्य विभगाचे आदेश

खाजगी रुग्णालयांकडून नियमांचे पालन होते की नाही, याची तपासणी करण्याचे आदेश

नियमांचे पालन न करणाऱ्या रुग्णालयांची यादी एक महिन्यात सादर करण्याच्या सूचना

या मोहिमेची जबाबदारी प्रत्येक जिल्हा रुग्णालयातील जिल्हा शल्यचिकित्सक, जिल्हा परिषदांमधील जिल्हा आरोग्य अधिकारी, महापालिकांचे वैद्यकीय आरोग्य अधिकारी यांच्यावर असणार

पुणे जिल्ह्यातील खाजगी रुग्णालये

पुणे शहर: ८५०

पिंपरी-चिंचवड: ६२५

पुणे ग्रामीण: ३५०

पंतप्रधान आवास योजनेतून आर्थिक दृष्ट्या कमकुवत गटातील नागरिकांसाठी २ हजार ९१८ घरे बांधल्यानंतर आता दुसरा टप्पा लवकरच सुरु होणार आहे. त्यासाठी इच्छुक नागरिकांची नोंदणी महापालिकेने सुरु केली आहे. या नव्या योजनेत शहराच्या बाणेर, कोंढवा, धानोरी, हडपसर येथे बाजारभावापेक्षा कमी दरामध्ये घर मिळणार आहे. महापालिकेने ४ हजार ६० घरे बांधण्याचे नियोजन केले आहे. त्यासाठी महापालिकेला सुमारे ३०० कोटी रुपये खर्च येणार आहे.

आरे कॉलनीत पिकनिक पॉईंट जवळ काल रात्री भीषण अपघात असून ट्रकच्या धडकेत 2 दुचाकी स्वारांचा जागीच मृत्यू झाला आहे. बेजबाबदारपणे तरुण दुचाकी चालवत असल्याचं व्हिडिओ मध्ये दिसत असून याप्रकरणी आरे पोलीस ठाण्यात गुन्हा दाखल झाला आहे . ट्रक चालकाला पोलिसांनी ताब्यात घेतलं आहे.

- काटोल मतदार संघातून विधानसभेत पराजय झालेले राष्ट्रवादी काँग्रेसचे सलील देशमुख आणि चरण वाघमारे यांच्यासह काही पराजित उमेदवार निवडणुक आयोगाच्या विरोधात उच्च न्यायालयाच्या नागपूर खंडपीठात याचिका दाखल केली

- काही दिवसांपूर्वी महाविकास आघाडीच्या आठ पराभूत उमेदवारांनी नागपूर खंडपीठात याचिका दाखल केली होती...

- त्यात आणखी भर टाकत सलील देशमुख आणि चरण वाघमारे सह काही पराभूत उमेदवारांनी याचिका दाखल केली

- एव्हीएन फ्ल्यूमुळे नागपूरतील गोरेवाडा येथील तीन वाघांच्या मृत्यूनंतर आता केंद्र सरकारच्या मार्गदर्शक सूचना नुसार प्राणी संग्रहालय बंद करण्यास सांगण्यात आले आहे.

- उद्यापासून राज्यातील प्राणी संग्रहालय काही काळासाठी बंद ठेवण्यात येऊ शकतात. आज सायंकाळ पर्यंत याविषयी निर्देश येण्याची शक्यता आहे.

- आज सोमवार असल्याने नागपूरचे महाराजबाग बंद आहे.

- महाराजबाग येथे कोणत्याही प्राण्याला कुठलीही संसर्गाची लक्षणे आढळून आलेले नाही.

बीडमधील संतोष देशमुख हत्या प्रकरण तापले असून यात धनंजय मुंडे यांचे निकटवर्तीय यांचा संबंध असल्याचा आरोप विरोधकांनी केला आहे. धनंजय मुंडे यांचा राजीनामा घ्यावा या मागणीसाठी यासंबंधी सर्वपक्षीय शिष्टमंडळाने राज्यपालांची आज भेट घेतली.

महाराष्ट्र राज्याच्या मंत्रीमंडळाची उद्या सकाळी बैठक होणार असून यात एचएमपीव्ही व्हायरसवर चर्चा होण्याची शक्यता आहे.

धाराशिव जिल्ह्यातील कळंब तालुक्यात शेतीच्या वादातून झालेल्या हिंसक हाणामारीत तीन जणांचा मृत्यू झाला आहे. तर, दोन जण गंभीर जखमी झाल्याची माहिती आहे. 

• मनोज जरांगे यांच्यावर गुन्हा दाखल करावा या मागणीसाठी वंजारी समाज आक्रमक

• शिवाजीनगर पोलीस स्टेशन बाहेर वंजारी समाजाचे कार्यकर्ते आक्रमक

• वंजारी समाजाविरोधात जे वक्तव्य केलं त्याचा निषेध करण्यासाठी मोठ्या संख्येने लोक जमले

बीड जिल्ह्यातल्या मस्साजोगचे सरपंच संतोष देशमुख यांच्या हत्ये प्रकरणी संभाजीराजे छत्रपती यांच्या अध्यक्षतेखाली सर्वपक्षीय नेत्यांच्या शिष्टमंडळानं राज्यपाल सी पी राधाकृष्णन यांची घेतली भेट. या शिष्टमंडळात संभाजीराजे छत्रपतींसह भाजपकडून आमदार सुरेश धस, काँग्रेसकडून विजय वड्डेटीवार, राष्ट्रवादी काँग्रेस शरदचंद्र पवार पक्षाकडून जितेंद्र आव्हाड, शिवसेना उद्धव बाळासाहेब ठाकरे पक्षाकडून विधान परिषदेचे विरोधीपक्षनेते आंबादास दानवे यांचा समावेश.

काँग्रेसचे बंटी शेळके यांनी नागपूर सुधार प्रन्यासमध्ये मोठ्या प्रमाणात भ्रष्टाचार झाल्याचा आरोप करत आंदोलनाचा इशारा दिला आहे...

मोर्चा कार्यालय परिसरात दाखल होईल.

तीव्र आंदोलन करून गोंधळ होण्याची शक्यता.

केंद्रीय वित्तमंत्री निर्मला सीतारारामन यांनी आगामी केंद्रीय अर्थसंकल्प 2025-26 संदर्भात भागधारक आणि कामगार संघटनांच्या प्रतिनिधींसोबत आठव्या पूर्व अर्थसंकल्पीय बैठकीचं अध्यक्षपद भूषवलं.

नाशिकच्या तपोवन परिसरात जॉगिंग ट्रॅकलगत युवकाची आत्महत्या

- युवकाने झाडाला दोरीच्या साह्याने लटकून केली आत्महत्या

- आडगाव पोलीस स्टेशनचे कर्मचारी घटनास्थळी दाखल

- युवक हा जिल्ह्यातील सुरगाणा तालुक्यातील असल्याचा अंदाज

- युवकाच्या आत्महत्येचं कारण अद्याप अस्पष्ट, पोलीस तपास सुरू

हिंगोलीत पोलीस प्रशासनाच्या विरोधात शेकडो महिला जिल्हाधिकारी कार्यालयात एकवटल्या

विद्यार्थ्याच्या आत्महत्ये प्रकरणात आरोपींना दोन महिन्यापासून अटक होत नसल्याने आंदोलन

वरिष्ठ पोलीस अधिकाऱ्यांच्या पुढे महिला आंदोलकांनी घोषणाबाजी

पालकमंत्रीपदाबाबत तिढा नाही, आज चर्चा पूर्ण होईल, अशी माहिती चंद्रशेखर बावनकुळे यांनी दिली आहे.

पुण्यातील भोर तालुक्यातल्या सांगवी, घोरेपडळ गावात, जनावरांचा चारा घेऊन जाणाऱ्या टेम्पोला विजेच्या तारांचे घर्षन झाल्यान टेम्पोतील चाऱ्याला आग लागल्याची घटना..

जनावरांच्या चाऱ्याने भरलेल्या टेम्पो रस्त्यावरून जात असताना, रस्त्यावरील विजेच्या तारांचे चाऱ्यासोबतच घर्षन झाल्यान टेम्पो मधील चाऱ्याने घेतला पेट..

भाजप प्रदेशाध्यक्ष चंद्रशेखर बावनकुळे फडणवीस यांच्या भेटीला,

मुख्यमंत्री देवेंद्र फडणवीस यांच्या धर्मपेठ निवासस्थानी दाखल

वाहतूक पोलिस आणि महापालिकेने संयुक्तपणे केलेल्या उपाययोजनांमुळे सोलापूर रस्त्याप्रमाणेच शहरातील प्रमुख १५ रस्त्यांवरील वाहतूक लवकरच गतिमान होणार आहे.

वाहतुकीचा वेग, तसेच सुधारणा करण्यात येणार आहे,

शहरातील प्रमुख रस्त्यांवर उपाययोजना केल्या जाणार आहेत.

पुण्याच्या भोर तालुक्यातील दुर्गम कोंढरी गावात, गेल्या आठवडाभरापासून वानरांचा टोळीचा धुडगूस

एका घराच्या छपरावरून दुसऱ्या घरावर उडी मारून घराची कौलं फुटणे, रस्त्याने जाणाऱ्या नागरिक आणि लहान मुले यांच्या हातातील वस्तू पळविणे तसेच घराबाहेरील वस्तू पळविणे असे वानरांकडून प्रकार सुरू, नागरिक भयभीत

राज्यात एकीकडे गारठा वाढू लागला असताना हवामान विभागाकडून पुढील दोन दिवस पावसाची शक्यता वर्तवली आहे. हवामान विभागाने वर्तवलेल्या अंदाजानुसार, मराठवाडा आणि मध्य-उत्तर महाराष्ट्रात हलक्या ते मध्यम पावसाची शक्यता आहे. त्यामुळे नागरिकांना गारठ्यासह हलक्या पावसाच्या सरीही कोसळणार आहेत.

Manoj Jarange Patil : मंत्री धनंजय मुंडे यांच्या विरोधात परभणी येथे केलेल्या कथित वादग्रस्त वक्तव्यानंतर मनोज जरांगे पाटील यांच्या अडचणी वाढल्या आहेत. परळीनंतर बीड शहरातील शिवाजीनगर पोलीस ठाण्यात त्यांच्याविरोधात अदखलपात्र गुन्हा दाखल करण्यात आलाय. या आधी ओबीसी बांधवांनी परळी पोलीस ठाण्यात ठिय्या केल्यानंतर त्या ठिकाणी देखील अदखलपात्र गुन्हा दाखल करण्यात आला होता.

पंचकल्याणक पूजेसाठी आज (ता. ६) मुख्यमंत्री देवेंद्र फडणवीस नांदणीला भेट देणार आहेत. यासाठी जिल्हाधिकारी, प्रांताधिकारी यांनी कामाचा आढावा घेतला. नांदणी येथे मुख्यमंत्री यांच्या स्वागतासाठी पंचकल्याणक पूजा समितीच्या वतीने तयारी करण्यात आली आहे. परिसरातील नागरिकांनी या वेळी उपस्थित राहावे, असे आवाहन पूजा समितीच्या वतीने करण्यात आले आहे.

नागाव : मोटारसायकलच्या धडकेत तिघे बांधकाम मजूर जखमी झाले. मायाप्पा हणमंता अलकुंटे (वय ५०), रामाप्पा भीमाप्पा गाडीवडर (वय ६०, दोघेही रा. शिवनेरी कॉलनी, इंदिरानगर, नागाव, ता. हातकणंगले, जि. कोल्हापूर) व तुकाराम सिद्धाप्पा जनगेकर (वय ४२, रा. यादववाडी, पुलाची शिरोली, ता. हातकणंगले, जि. कोल्हापूर) अशी जखमींची नावे आहेत. पुणे - बंगळूर राष्ट्रीय महामार्गावर पुलाची शिरोली येथील दत्त मंदिरसमोर शनिवारी सायंकाळी साडेसहाच्या सुमारास हा अपघात झाला.

दिल्लीतील दाट धुक्याचा परिणाम विमान सेवेवर होत आहे. यामुळे अनेक विमानांना उशीर होत आहे. शनिवारी दिल्लीहून येणाऱ्या आणि पुण्यातून जाणाऱ्या तब्बल ३२ विमानांना उशीर झाला, तर रविवारीदेखील काही विमानांना धुक्याचा फटका बसला आहे. यामुळे प्रवाशांना प्रचंड मनस्ताप सहन करावा लागत आहे. सकाळच्या सुमारास दिल्लीत दाट धुके पडले होते. यामुळे दिल्लीहून जाणाऱ्या आणि येणाऱ्या विमानांना फटका बसला आहे.