HMPV Cases In Maharashtra :
कर्नाटक आणि गुजरातनंतर आता HMPV व्हायरसच्या केसेस महाराष्ट्रात देखील आढळून येत आहेत. महाराष्ट्राची उपराजधानी नागपूरमधील दोन मुलांना HMPV ची लागण झाली आहे. शहरातील रामदास पेठ येथील एका खासगी रूग्णालयात दोन मुलांना खोकला आणि ताप याच्या उपचारासाठी रूग्णालयात आणलं होतं.
नागपूरमधील खासगी रूग्णालयातील ७ वर्षाच्या मुलाचा आणि १४ वर्षाच्या मुलीचा रिपोर्ट पॉझिटिव्ह आला होता. या दोन्ही मुलांना खोकला आणि ताप होता. देशात आतापर्यंत HMPV ची लागण झालेल्यांची संख्या ही ७ झाली आहे. महाराष्ट्रापूर्वी बंगळुरूमध्ये दोन, अहमदाबादमध्ये एक आणि चेन्नईत दोन जणांना HMPV ची लागण झाल्याची स्पष्ट झाले होते.
हेही वाचा : Spanish Women Search Of Mother : स्पॅनिश महिला २० वर्षापूर्वी टाकून दिलेल्या जन्मदात्या आईच्या शोधात आली भारतात
महाराष्ट्र सरकारचा आरोग्य विभाग हाय अलर्टवर आला आहे. ज्या रूग्णांना खोकला, ताप आणि श्वसनासंबंधीचे आजार आहेत त्या रूग्णांची विशेष काळजी घेण्याची निर्देश देण्यात आले आहेत. सरकारने लोकांना घाबरून न जाण्याचा सल्ला दिला आहे. आरोग्य विभागातर्फे या व्हायरसबाबत लवकरच मार्गदर्शक तत्वे जाहीर करण्यात येणार आहेत.
HMPV व्हायरस नेमका काय आहे?HMPV हा व्हायरल पहिल्यांदा २००१ मध्ये नेदरलँड्समध्ये सापडला होता. हा व्हायरल हंगामी आहे. याचा प्रसार हिवाळ्यात आणि उन्हाळ्याच्या सुरूवातीला जास्त होतो. याची लक्षणे ही फ्लू आणि आरएसवी याच्याशी मिळती जुळती आहेत.
हेही वाचा : HMPV Cases in India : चीनमध्ये धुमाकूळ घालणाऱ्या HMPV चा पहिला रूग्ण कर्नाटकात तर दुसरा सापडला गुजरातमध्ये; काय आहेत या व्हायरसची लक्षणे?
३ जानेवारीला आरोग्य सेवा संचलनालय आणि राष्ट्रीय रोग नियंक्षण केंद्राने एक वक्तव्य प्रसिद्ध केलं होतं. यात चीमधील HMPV व्हायरस बाबत चिंता करण्याचं कारण नाही, सतर्कता बाळगा आणि याबाबत भीती निर्माण करण्याची गरज नाही असे सांगण्यात आले होते.
HMPV व्हायरस टाळण्यासाठी काय करावे?
