Sharanya Iyer Travel content Creator : 

सध्या सोशल मीडियावर अन् गुगल सर्चमध्ये देखील ट्रॅव्हल कंटेट क्रिएटर शरण्या अय्यर चांगलीच ट्रेंडमध्ये आहे. तिने नुकतेच सांगितले की तिने गेल्या वर्षात जगभरात फिरण्यासाठी जवळपास ५० लाख रूपये खर्च केले आहे. तिने सांगितले की हे माझ्या आधीच्या पैसे वाचवले पाहिजेत या तत्वाच्या अगदी उलट आहे. 

शरण्याचे इन्स्टाग्रामवर जवळपास अर्धे मिलियन फॉलोअर्स आहेत. तिने गेल्या वर्षी खर्च केलेल्या पैशातील सर्वात जास्त वाटा हा जगभरात केलेल्या प्रवासाचा आहे. तिच्या इन्स्टाग्राम व्हिडिओमध्ये सांगितल्याप्रमाणे तिने गेल्या वर्षी म्हणजे २०२४ मध्ये ६ पेक्षा जास्त देशांना भेट दिली आहे. तिला विमानाच्या तिकीटाचा खर्च हा जवळपास ५ लाख रूपये इतका आला. तिचा बराचसा पैसा हा वेगवेगळ्या ठिकाणी राहण्यासाठी आणि इतर अॅक्टिव्हिटीसाठी खर्च झाला आहे. 

हेही वाचा : Diljit Dosanjh Birthday : १० लाखाचं जॅकेट ते १.२ कोटींचे डायमंड घड्याळ! दिलजीत म्हणजे महागड्या वस्तुंचे कपाट

शरण्याने प्रवासाव्यतिरिक्त २२ लाख रूपये हे नवीन हुंदाई कार घेण्यासाठी खर्च केले. तर ५ लाख रूपये हे वैद्यकीय खर्चासाठी लागले आहेत. 

ट्रॅव्हल व्लॉगर आपल्या इन्स्टाग्रामवर लिहिते की, 'मी कधीकाळी पैसा वाचवण्यासाठी खूप विचार करणारी व्यक्ती होते. मी मोठ्या गोष्टींवर हात आखडूनच खर्च करत होते. मात्र २०२४ मध्ये सगळ्या गोष्टी बदलल्या. यासाठी माझ्या वडिलांकडून आणि मित्रांकडून चांगले प्रोत्साहन आणि सल्ले मिळाले.' शरण्या म्हणते की तुम्ही फक्त पैसे वाचवण्यापेक्षा ते खर्च कसे करायचे हे देखील शिकलं पाहिजे. त्यामुळे तुम्हाला आनंद मिळतो आणि एक सुरक्षेची भावना देखील निर्माण होते. 

शरण्या म्हणते, 'सगळ्यांना ही गोष्ट पटायला पाहिजे असं नाही. मात्र गेल्या वर्षी मी खूप खर्च केला अन् मला खूप आनंद मिळाला. तसेच या कठिण वर्षात एक सुरक्षेची भावना निर्माण झाली.' 

Instagram

शरण्याने शेअर केलेल्या विडिओनुसार शरण्याने लाओस आणि थायलंडसाठी जवळपास १ लाख रूपये खर्च केले. मदेईरासाठी तिने १.५ लाख रूपये खर्च केले. तर दक्षिण अफ्रिकेच्या ट्रिपसाठी तिने ८ लाख रूपये खर्च केले. ग्रीनलँडला फियारला जाण्याचा खर्च ३ लाख रूपये आला. तिने आईसलँडला तीनवेळा भेट दिली. तिला २.५ लाख रूपये खर्च आला. 

याचबरोबर शरण्याने तिची उन्हाळ्याची सुट्टी ही युरोपमध्ये घालवली. तिला यासाठी फक्त ६० हजार रूपये खर्च आला. कारण तिने कसिनोमध्ये ४० हजार रूपये जिंकले. 

या सर्व ठिकाणी फिरण्यासाठी फ्लाईटचा खर्च हा ५ लाख रूपये आला. शरण्याने २२ लाखाची नवी गाडी देखील घेतली. त्यानंतर ५ लाख रूपये हे मेडिकल वीमा कव्हर समाविष्ट नसलेला वैद्यकीय कारणांसाठी खर्च झाले. या सर्व खर्चांमध्ये तिच्या जेवणाचा खर्च, रोजचा खर्च आणि शॉपिंगचा खर्च धरण्यात आलेला नाही. 

हेही वाचा : HMPV Cases In Maharashtra : कर्नाटक, गुजरातनंतर आता HMPV चा महाराष्ट्रातही शिरकाव; नागपूरमधील दोन मुलांना लागण,

शरण्याचा हा वर्षात ५० लाख रूपये खर्च केल्याच्या व्हिडिओला जवळपास १.३ मिलियन व्ह्यूज मिळाले आहेत. त्याचबरोबर कितीतरी हजार कमेंट देखील आल्या आहेत. सर्वांना शरण्याने हे खर्च केलेले ५० लाख रूपये कसे कमवले होते हे जाणून घ्यायचं आहे. 

अनेक नेटकऱ्यांनी शरण्याला तुझे उत्पन्नाचे साधन काय? तुला हे सगळं परडवतं, तू नशीबवान आहेस.' अशा कमेंट केल्या आहेत. एकाने तर जे आर्थिक विषयक कंटेट क्रिएटर आहेत त्यांना तर तू मोठा धक्का दिला आहेस अशी देखील कमेंट केली. 

एका व्यक्तीने तू आईसलँडच्या तीन भेटींसाठी फक्त ३.५ लाख रूपये कसा खर्च आला असं विचारलं. त्यावर शरण्याने उत्तर दिलं की या ट्रीपचा काही भाग हा स्पॉन्सर होता. तसेच तिने यात फ्लाईटचा खर्च धरलेला नाही. एका व्यक्तीने सल्ला दिला की, 'तरूण वयात पैसा वाचवण्यापेक्षा तुम्ही तुमचे सर्व उत्पन्न हे फिरण्यावर खर्च करणं ही वेडी संकल्पना आहे. असा सल्ला देणं योग्य नाही.'