कोल्हापूर : एकीकडे चित्रनगरीत चित्रीकरण वाढले आहे. येथील तरुणाई सिनेक्षेत्रात अनेक नव्या संकल्पना यशस्वी करतानाच अखिल भारतीय मराठी चित्रपट महामंडळाचे अस्तित्व मात्र धोक्यात आले आहे. या पार्श्वभूमीवर पंधरा जानेवारीला होणाऱ्या कार्यकारिणीच्या बैठकीकडे सभासदांचे लक्ष आहे.

उत्तर महाराष्ट्रात किमान तापमानाचा पारा १० अंशांच्या खाली आला आहे. राज्याच्या किमान तापमानात २ ते ३ अंशांनी घट होण्याचा अंदाज असल्याने थंडी वाढण्याची शक्यता हवामान विभागाने वर्तविली आहे. आग्नेय अरबी समुद्रात केरळच्या किनाऱ्यालगत चक्राकार वाऱ्यांची स्थिती आहे. उत्तर भारतातील राज्यांमध्ये थंडीचा कडाका कमी झाला आहे.

Latest Marathi Live Updates 8 January 2025 : केंद्रीय निवडणूक आयोगाने दिल्ली विधानसभा निवडणुकीचे वेळापत्रक जाहीर केले आहे. राज्यातील ७० जागांसाठी पाच फेब्रुवारीला मतदान होईल, तर आठ फेब्रुवारीला निकाल जाहीर करण्यात येणार आहे. तसेच विशाळगड आणि मुसलमानवाडी येथे झालेल्या तोडफोडीनंतर तेथे तब्बल सहा महिने संचारबंदी लागू होती. मात्र, कालपासून ही संचारबंदी शिथिल करण्यात आलीये. राज्यातील सर्व चारचाकी वाहनधारकांना येत्या १ एप्रिलपासून फास्टॅग अनिवार्य करण्याचा निर्णय राज्य मंत्रिमंडळाच्या बैठकीत घेण्यात आला. १ एप्रिल २०२५ पासून या निर्णयाची अंमलबजावणी होणार आहे. तिबेटमध्ये मंगळवारी सकाळी नऊच्या दरम्यान भूकंपाचा ६.८ रिश्टर स्केल क्षमतेचा धक्का बसला. या शक्तिशाली भूकंपात १२६ जणांचा मृत्यू झाला असून १८८ जण जखमी झाले आहेत. त्याचबरोबर गेल्या चार-पाच दिवसांपासून राज्यातील वातावरणात बदल पहायला मिळत असून कडाक्याची थंडी आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..