मुंबई लोकल ट्रेन ही केवळ प्रवाशांची वाहतूक करणारी नसून शहराच्या जीवनरेखेसारखी ओळखली जाते. मात्र, अलीकडेच सोशल मीडियावर व्हायरल झालेल्या एका व्हिडिओमुळे मुंबई लोकल पुन्हा एकदा चर्चेत आली आहे. या व्हिडिओमध्ये एक तरुणी लोकल ट्रेनमध्ये अश्लील डान्स करत असल्याचे दिसते, ज्यामुळे आसपासचे प्रवासी अस्वस्थ झाले आहेत.

व्हायरल झालेल्या या व्हिडिओमध्ये संबंधित तरुणीने मिनी स्कर्ट आणि पांढऱ्या शर्टमध्ये ट्रेनच्या डब्यातील एका सीटवर अतिशय अश्लील पद्धतीने पोझ दिल्याचे दिसते. ती रील तयार करण्याच्या उद्देशाने असे करत होती. हा प्रकार पाहून काही प्रवाशांनी लाजेने मान खाली घातली, तर एका वयस्कर व्यक्तीने दुसऱ्या जागेवर जाऊन बसणे पसंत केले.

पोस्ट झाल्यानंतर अनेक यूजर्सनी आपला रोष व्यक्त केला आहे. @WokePandic नावाच्या एक्स अकाउंटवरून हा व्हिडिओ शेअर करण्यात आला असून, त्यावर उपरोधिक टिप्पणी देण्यात आली आहे – "भारतीय रेल्वेचे आभार, ज्यांनी प्रवाशांच्या मनोरंजनासाठी ट्रेन्समध्ये पोल डान्स सुविधा उपलब्ध केली आहे." काही यूजर्सनी रेल्वे प्रशासनाला कारवाई करण्याचे आवाहन केले, तर इतरांनी या प्रकरणाला एक गंभीर समस्या मानले आहे.

मुंबई लोकलमधील अशा घटनांमुळे प्रवाशांच्या सुरक्षिततेबाबत प्रश्नचिन्ह निर्माण झाले आहे. अनेक प्रवाशांनी तक्रार केली आहे की अशा प्रकारच्या वर्तनामुळे महिलांच्या सुरक्षेवर विपरीत परिणाम होतो. रेल्वे प्रशासनाने या प्रकारांवर कठोर उपाययोजना राबवण्याची मागणी जोर धरत आहे.

मुंबई लोकलमध्ये रोज लाखो प्रवासी प्रवास करतात. सार्वजनिक ठिकाणी अशा प्रकारचे वर्तन केवळ सामाजिक शिस्तीचे उल्लंघन नाही तर कायद्यानेही दंडनीय आहे. रेल्वे प्रशासनाने अशा घटनांवर तातडीने कारवाई करण्याची मागणी होत आहे.