दिग्दर्शक राम गोपाल वर्मा (Ram Gopal Varma) सध्या खूप काळापासून चर्चेत आहेत. सध्या राम गोपाल वर्मा कोर्टकचेरीमध्ये अडकलेले पाहायला मिळत आहेत. सात वर्षे जुन्या खटल्याबाबत न्यायालयाने राम गोपाल वर्मा यांच्याविरुद्ध अजामीनपात्र वॉरंट जारी केले आहे. त्यामुळे त्यांना तीन महिन्यांच्या तुरुंगवासाची शिक्षा सुनावण्यात आली आहे. सविस्तर प्रकरण जाणून घ्या.

सध्या गोपाल वर्मा कायद्याच्या कचाट्यात अडकले आहेत. मीडिया रिपोर्टनुसार, मुंबईतील न्यायालयाने 7 वर्ष जुन्या चेक बाऊन्स प्रकरणावर सुनावणी करताना राम गोपाल वर्मा यांना 3 महिन्यांचा आणि दंड ठोठावला आहे. याचिकेच्या सुनावणीदरम्यान राम गोपाल वर्मा न्यायालयात हजर नव्हते. त्यामुळे त्यांच्याविरुद्ध अजामीनपात्र वॉरंट जारी करण्याचे आदेश देण्यात आले आहेत. राम गोपाल वर्मा यांना 3 महिन्यांत तक्रारदाराला 3 लाख 72 हजार 219 रुपयांची भरपाई द्यावी लागणार आहे.

राम गोपाल वर्मा यांनी दिलेला दंड भरला नाही तर, त्यांना तीन महिन्यांसाठी तुरुंगात पाठवले जाणार आहे. राम गोपाल वर्मा यांना निगोशिएबल इन्स्ट्रुमेंट्स ॲक्टच्या कलम 131 अंतर्गत शिक्षा सुनावण्यात आली आहे. अशाप्रकारे त्यांच्यावर कायदेशीर कारवाई करण्यात आली आहे.