Delhi vs Railway: बीसीसीआयने करारबद्ध खेळाडूंना देशांतर्गत क्रिकेट खेळणे बंधनकारक केल्यानंतर अनेक स्टार खेळाडू रणजी ट्रॉफीसाठी मैदानात उतरले. याला विराट कोहलीही अपवाद नव्हता. विराट तब्बल १३ वर्षांनंतर रणजी ट्रॉफी स्पर्धेसाठी मैदानात उतरला.

तो सध्या दिल्लीतील अरुण जेटली स्टेडियमवर खेळला जात असलेल्या दिल्ली विरुद्ध रेल्वे संघातील सामन्यात खेळत आहे. या सामन्यात तो दिल्लीकडून २५ वर्षीय आयुष बडोनीच्या नेतृत्वात हा सामना खेळत आहे.

दरम्यान, स्टार खेळाडू खेळत असल्याने चाहत्यांची त्याला खेळताना पाहण्यासाठी स्टेडियममध्ये झुंबड उडाली. हजारोंच्या संख्येने चाहते स्टेडियममध्ये हजर होते. स्टेडियमबाहेर जवळपास २-३ किमी रांगा लागलेल्या होत्या. त्यामुळे एका देशांतर्गत सामन्याला इतकी गर्दी होण्याची ही दुर्मिळ घटना आहे.

याचदरम्यान आता अशी माहिती समोर येत आहे की आयुष बडोनीला त्याला नाणेफेकीवेळी निर्णय बदलावा लागला होता. Cricket Ception या वेबसाईटने दिलेल्या वृत्तानुसार आयुषने पहिली फलंदाजी करण्याचा निर्णय घेतला होता.