मुंबई : जागतिक खाजगी इक्विटी गुंतवणूकदार कार्लाइल ग्रुपच्या मालकीच्या हेक्सावेअर टेक्नॉलॉजीजचा आयपीओ १२ फेब्रुवारी रोजी उघडणार आहे. यासाठी किंमत पट्टा देखील निश्चित करण्यात आला आहे. ८,७५० कोटी रुपयांच्या या आयपीओमध्ये प्रति शेअर ६७४-७०८ रुपये या किमतीत गुंतवणूक करता येईल. लॉटचा आकार २१ शेअर्सचा आहे. हा आयपीओ १४ फेब्रुवारी रोजी बंद होईल. आयपीओ ११ फेब्रुवारी रोजी अँकर गुंतवणूकदारांसाठी खुला होईल.हेक्सावेअर टेक्नॉलॉजीज ही कृत्रिम बुद्धिमत्तेसह जागतिक डिजिटल आणि तंत्रज्ञान सेवांच्या व्यवसायात आहे. कंपनी ५ वर्षांनी शेअर बाजारात परतणार आहे. सप्टेंबर २०२० मध्ये कंपनीला शेअर बाजारातून काढून टाकण्यात आले. आयपीओनंतर कार्लाइलचा कंपनीतील हिस्सा ९५ टक्क्यांवरून ७४.१ टक्क्यांपर्यंत कमी होईल.या आयपीओमध्ये फक्त ८,७५० कोटी रुपयांच्या १२.३६ कोटी शेअर्सची ऑफर फॉर सेल (ओएफएस) मध्ये विक्री केली जाईल. प्रमोटर सीए मॅग्नम होल्डिंग्ज हे शेअर्स विक्रीसाठी ठेवतील. आयपीओ खर्च वजा केल्यानंतर आयपीओमधून जमा होणारे पैसे सीए मॅग्नम होल्डिंग्जकडे जातील. हे कार्लाइल ग्रुप इंकचा भाग आहे. ओएफएसचा आकार पूर्वी ९,९५० कोटी रुपये होता. आयपीओ बंद झाल्यानंतर शेअर्सच वाटप १७ फेब्रुवारी रोजी अंतिम केले जाईल आणि शेअर्सच लिस्टिग१९ फेब्रुवारी रोजी बीएसई, एनएसई वर होईल.आयपीओचा ५० टक्के हिस्सा पात्र संस्थात्मक खरेदीदारांसाठी, ३५ टक्के किरकोळ गुंतवणूकदारांसाठी आणि १५ टक्के बिगर संस्थात्मक गुंतवणूकदारांसाठी राखीव आहे. कंपनीने कर्मचाऱ्यांसाठी ९० कोटी रुपयांचे शेअर्स राखीव ठेवले आहेत. कोटक महिंद्रा कॅपिटल कंपनी लिमिटेड, सिटीग्रुप ग्लोबल मार्केट्स इंडिया प्रायव्हेट लिमिटेड, जे.पी. मॉर्गन इंडिया प्रायव्हेट लिमिटेड, एचएसबीसी सिक्युरिटीज अँड कॅपिटल मार्केट्स प्रायव्हेट लिमिटेड, आयआयएफएल सिक्युरिटीज लिमिटेड हे बुक रनिंग लीड मॅनेजर आहेत. कॅफिन टेक्नॉलॉजीज लिमिटेड ही रजिस्ट्रार आहे.हेक्सावेअर टेक्नॉलॉजीजचा महसूल आर्थिक वर्ष २०२३-२४ मध्ये जवळपास ३४ टक्क्यांनी वाढून १०,३८९.१ कोटी रुपये झाला, जो गेल्या वर्षी ७,७६३.१ कोटी रुपये होता. दरम्यान, निव्वळ नफा आर्थिक वर्ष २३ मध्ये ८०४.८ कोटी रुपयांवरून जवळपास २४ टक्क्यांनी वाढून ९९७.६ कोटी रुपयांवर पोहोचला. एप्रिल-सप्टेंबर २०२४ मध्ये महसूल ८,८७१.३ कोटी रुपये होता आणि निव्वळ नफा ८५३.३ कोटी रुपये होता.