मुंबई : सरकारी कंपनी भारत हेवी इलेक्ट्रिकल्स लिमिटेड (BHEL) ला 6200 कोटी रुपयांच्या नवीन ऑर्डर मिळाल्या आहेत. या प्रकल्पामुळे वीज निर्मिती वाढण्यास मदत होईल. या शेअर्सने दीर्घकाळात गुंतवणूकदारांना चांगला परतावा दिला आहे. मंगळवारी ११ फेब्रुवारी रोजी कंपनीचा शेअर्स १.७० टक्क्यांनी घसरून १९९.४५ रुपयांवर बंद झाला. तर बुधवारी शेअर्स घसरून रुपयांवर आला आहे. १९७.६४ कंपनीचे मार्केट कॅप ६९,४४९.७५ कोटी रुपयांपर्यंत कमी झाले. या शेअरचा ५२ आठवड्यांचा उच्चांक ३३५.४० रुपये आणि ५२ आठवड्यांचा नीचांक १८५.२० रुपये आहे.दामोदर व्हॅली कॉर्पोरेशन (DVC) कडून रघुनाथपूर थर्मल पॉवर स्टेशन (फेज-२) साठी स्टीम जनरेटर आयलंड पॅकेजसाठी भारत हेवी इलेक्ट्रिकल्स लिमिटेडला ही नवीन ऑर्डर मिळाली आहे. हे वीज केंद्र पश्चिम बंगालमधील पुरुलिया येथे असेल आणि त्याची क्षमता २×६६० मेगावॅट असेल.हा ६,२०० कोटी रुपयांचा करार (कर आणि शुल्क वगळून) आंतरराष्ट्रीय स्पर्धात्मक बोलीद्वारे देण्यात आला आहे.शेअर बाजाराला दिलेल्या माहितीनुसार, भेलला दामोदर व्हॅली कॉर्पोरेशन (डीव्हीसी) कडून २x६६० मेगावॅट रघुनाथपूर थर्मल पॉवर स्टेशन (फेज-२) च्या स्टीम जनरेटर आयलंड पॅकेजसाठी लेटर ऑफ इंटेंट (एलओआय) प्राप्त झाला आहे.या प्रकल्पांतर्गत भेलला स्टीम जनरेटर आणि सहायक उपकरणे पुरवावी लागतील, बसवावी लागतील, चाचणी करावी लागेल आणि कार्यान्वित करावी लागतील. याशिवाय, कंपनीला इलेक्ट्रोस्टॅटिक प्रीसिपिटेटर (ESP), फ्लू गॅस डिसल्फरायझेशन (FGD) सिस्टम, राख हाताळणी सिस्टम आणि संबंधित इलेक्ट्रिकल आणि कंट्रोल इन्स्ट्रुमेंटेशन (C&I) ची कामे देखील पूर्ण करावी लागतील. संबंधित बांधकाम कामांसाठी देखील भेल जबाबदार असेल. प्रकल्पाच्या अंमलबजावणीची वेळ ४८ महिने आणि संबंधित युनिट्ससाठी ५२ महिने निश्चित करण्यात आली आहे. तिमाही निकालआर्थिक वर्ष २०२५ च्या डिसेंबर तिमाहीत भेलचा एकत्रित निव्वळ नफा दुप्पट होऊन १३४.७ कोटी रुपये झाला, तर महसूल ३२ टक्के वाढून ७,२७७ कोटी रुपये झाला. महसूल अंदाजांपेक्षा जास्त असला तरी निव्वळ नफा विश्लेषकांच्या १७५ कोटींच्या अंदाजापेक्षा कमी राहिला. EBITDA ४० टक्के वाढून ३०४ कोटी झाला आणि EBITDA मार्जिन ३.९ टक्क्यावरून ४.२ टक्क्यापर्यंत वाढला. मात्र, इतर खर्चात मोठी वाढ झाल्यामुळे नफ्यावर दबाव राहिला. शेअर्सची कामगिरीगेल्या काही काळापासून भेलचे शेअर्स दबावाखाली आहेत. गेल्या ६ महिन्यांत त्यात ३३ टक्क्यांनी घट झाली आहे. या वर्षी आतापर्यंत हा शेअर्स १५ टक्क्यांनी घसरला आहे. गेल्या एका वर्षात त्यांच्या गुंतवणूकदारांना ८ टक्के नुकसान झाले आहे. मात्र, गेल्या ५ वर्षांत शेअर्सने ४५० टक्के परतावा दिला आहे. फेब्रुवारी २०२० मध्ये कंपनीच्या एका शेअरची किंमत ३६.२० रुपये होती, जी आज वाढून १९९.४५ रुपये झाली आहे. म्हणजेच या काळात गुंतवणूकदारांचे पैसे साडेपाच पटीने वाढले आहेत.