बोरिवली रेल्वे पोलिसांनी ५ वर्षांच्या मुलाच्या अपहरणाचं गूढ उकललं आहे.आरोपीला बोरिवली रेल्वे पोलिसांनी कल्याण येथून आरोपीला अटक करत ५ वर्षांच्या मुलाला सुखरूप आई वडिलांच्या स्वाधीन केलं आहे. आरोपीनं मुलाचं अपहरण का केलं याबाबत पोलीस आरोपींची कसून चौकशी करत आहेत. मनोजकुमार कन्नौजिया उर्फ करण कन्नौजिया असं अटक करण्यात आलेल्या आरोपीचं नाव असून तो गोरेगावचा रहिवासी आहे.

मुख्यमंत्री फडणवीस महाकुंभमेळ्यात सहभागी होणार असल्याची माहिती आहे. उद्या दिल्लीहून फडणवीस प्रयागराजला जाणार आहेत.

• कोल्हापूर परिमंडल कार्यालय अंतर्गत येणाऱ्या कोल्हापूर व सांगली जिल्ह्यात एकाच दिवशी राबविलेल्या विशेष मोहिमेत ७६ ठिकाणी अनधिकृत वीजवापर करणाऱ्यांना महावितरणकडून दणका देण्यात आला आहे. यामध्ये वीजतारेच्या हूकद्वारे किंवा मीटरमध्ये फेरफार केलेल्या ६० वीजचोऱ्यांचा समावेश आहे. नियमानुसार दंड व वीजचोरीच्या रकमेचा भरणा न करणाऱ्या या वीजचोरांविरुद्ध भारतीय विद्युत कायदा – २००३च्या कलम १३५ नुसार फौजदारी कारवाई करण्यात येत आहे. तर कलम १२६ प्रमाणे अनधिकृत वीजवापराचे १६ प्रकार आढळून आले आहेत.

• वितरण व वाणिज्यिक हानी कमी करण्यासाठी वीजचोरीविरुद्ध कोल्हापूर परिमंडल अंतर्गत नियमित कारवाई सुरु असते. त्यानुसार कोल्हापूर व सांगली जिल्ह्यांमध्ये शनिवारी (दि. ८) वीजचोरीविरोधात विशेष मोहीम राबविण्यात आली. या मोहिमेत कोल्हापूर जिल्ह्यात एकूण ४८१० तर सांगली जिल्ह्यात २४३२ वीज ग्राहकांची तपासणी करण्यात आली.

• या वीजचोरीविरुद्ध मोहिमेत कोल्हापूर जिल्ह्यात ३७ वीज ग्राहकांकडून एकूण ३०,२१८ युनिटची वीज चोरी करण्यात आली असून पैकी ०६ ग्राहकांकडून ६० हजारांची वसुली करण्यात आली आहे तर सांगली जिल्ह्यात ३९ वीज ग्राहकांकडून एकूण २४,७०५ युनिटची वीज चोरी करण्यात आली असून पैकी ०४ ग्राहकांकडून ५१ हजारांची वसुली करण्यात आली आहे.

- सोलापुरातील होम मैदानावर इलेक्टरो २०२५ प्रदर्शन सुरू, १२ फेब्रुवारी ते १८ फेब्रुवारीपर्यंत विविध इलेक्ट्रॉनिक्स वस्तू पाहता येतील

- महिला आणि बालविकास मंत्री आदिती तटकरे यांनी राज्यपाल सी पी राधाकृष्णन यांची राजभवन, मुंबई येथे सदिच्छा भेट घेतली.

- यावेळी त्यांनी राज्यपालांना गेल्या दहा वर्षांपासून सुरु असलेल्या 'बेटी बचाओ, बेटी पढाओ' उपक्रमाच्या समारोपानिमित्त आयोजित कार्यक्रमाचे निमंत्रण दिले

भारतीय मजदूर संघाच्या अखिल भारतीय कोळसा मजदूर संघटनेचं दोन दिवसीय अधिवेशनाला केंद्रीय कोळसा आणि खाणमंत्री जी किशन रेड्डी यांनी संबोधित केलं.

राजन साळवींनी ठाकरेंच्या शिवसेनेचा राजीनामा देऊन आता शिंदे सेनेत पक्षप्रवेश केला आहे.

थोड्याच वेळात साळवींचा शिंदेसेनेत पक्षप्रवेश होणार आहे.

पनवेलमध्ये भरधाव एसटी भीषण अपघात झाला आहे. अपघाताची घटना सीसीटीव्ही कॅमेऱ्यात कैद झाली असून अपघातात चार जण गंभीर जखमी झाले आहेत.

मुख्यमंत्री देवेंद्र फडणवीस यांच्या हस्ते डॉ. मेधा सोमैया लिखित 'अग्निशिखा: सुषमा स्वराज' पुस्तकाच्या ऑडिओबुकचं प्रकाशन करण्यात आलय.

मुख्यमंत्री देवेंद्र फडणवीस यांच्या हस्ते जलसंधारण अधिकारी गट-ब नियुक्तीपत्रांचे ऑनलाईन पद्धतीनं वितरण करण्यात आलं.

देशाचं अर्थसंकल्पीय अधिवेशन सुरू असून आज लोकसभेत नवं आयकर विधेयक सादर करण्यात आलं.

शिवसेना ठाकरे गटाला जय महाराष्ट्र केल्यानंतर माजी आमदार राजन साळवी शिवसेना शिंदे गटात प्रवेश करणार आहेत. त्यासाठी माजी आमदार राजन साळवी हे शेकडो कार्यकर्त्यांसह ठाण्याकडे रवाना झाले. यावेळी मोठं शक्ती प्रदर्शन केले. कार्यकर्त्यांनी घोषणाबाजीही केली.

बीडच्या परळी तालुक्यातल्या धर्मापुरी इथं १३ लाखांचा गुटखा सापडला आहे. परळी ग्रामीण पोलिसांनी ही कारवाई केलीय. पोलीस दलाच्या संवाद प्रकल्पाअंतर्गत क्यू आर कोडवर याबाबत पोलिसांना माहिती मिळाली होती.

"१४४ वर्षांनंतर येणाऱ्या महाकुंभाला उपस्थित राहण्याचा आनंद आम्हाला मिळाला... तरुण पिढीही येथे मोठ्या संख्येने येत आहे हे पाहून मला आनंद झाला..." नवनीत राणा

गेल्या तीन दिवसांत महाकुंभाच्या सर्व ८ स्थानकांवरून १,००६ गाड्या चालवण्यात आल्या, ज्यामुळे ४१.६७ लाख भाविकांना सुविधा मिळाली - रेल्वेमंत्री अश्विनी वैष्णव

बदलापूरमध्ये मालगाडीचे इंजिन बंद पडल्याने मध्य रेल्वेची वाहतूनक 25 मिनिटांपासून विस्कळीत झाली आहे. याचा लोकल ट्रेनवर परिणाम झाला आहे.

आदित्य ठाकरे हे दिल्ली दौऱ्यावर आहेत. शरद पवार यांनी दिल्लीतील एका कार्यक्रमात उपमुख्यमंत्री एकनाथ शिंदे यांचा पुरस्कार देऊन सन्मान केला होता. या कार्यक्रमाला ठाकरे गटाचे संजय दीना पाटील हे देखील उपस्थित होते.

आदित्य ठाकरे आम आदमी पार्टीचे संयोजक अरविंद केजरीवाल यांची आज भेट घेणार आहे. ठाकरेंनी पत्रकार परिषदेत सांगितले की, महाराष्ट्र आणि दिल्ली विधानसभा निवडणुकीचा निकाल सारखाच लागला आहे.

आज दिल्लीमध्ये आदित्य ठाकरेंनी पत्रकार परिषद घेतली. त्यात त्यांनी सांगितलं की, शिंदे सेनेला जेवढ्यांना फोडायचं आहे तेवढ्यांना फोडावं. जे महाराष्ट्र लुटतात त्यांच कधीही कौतुक करणार नाही.

लोकसभेतील विरोधी पक्षनेते राहुल गांधी काँग्रेस खासदारांच्या भेटीसाठी संसदेत पोहोचले.

आदित्य ठाकरे दिल्ली दौऱ्यावर; इंडिया आघाडीच्या नेत्यांची भेट घेणार

पंतप्रधान नरेंद्र मोदी अमेरिकेत वॉशिंग्टन डीसी इथं दाखल होताच ब्लेअर हाऊसबाहेर पंतप्रधानांचं भारतीय समुदायानं जोरदार आणि उत्साहात स्वागत.

मुंबई : कुणबी नोंदी सापडलेल्या राज्यातील पात्र मराठा समाजाला मराठा-कुणबी, कुणबी-मराठा प्रमाणपत्र देण्याची कार्यवाही निश्चित करणाऱ्या माजी मुख्य न्यायाधीश संदीप  शिंदे यांच्या अध्यक्षतेखालील समितीला तब्बल दीड महिन्यानंतर मुदतवाढ देण्यात आली आहे. या समितीची मुदत ३१ डिसेंबर २०२४ रोजी संपली होती. सामान्य प्रशासन विभागाने बुधवारी शासन निर्णय जारी करत समितीला  ३० जून २०२५ पर्यंतची मुदतवाढ दिली आहे. शिंदे समितीचे कामकाज पूर्ण झाल्यानंतरही या समितीला पुन्हा मुदतवाढ दिल्याने यावर वाद निर्माण होण्याची शक्यता आहे.

धनंजय मुंडे यांना परळी कोर्टाने निवडणुकीत खोटी माहिती दिल्याप्रकरणी कारणे दाखवा नोटीस पाठवली आहे. या प्रकरणाची सुनावणी २४ फेब्रुवारी रोजी होणार आहे. गेल्या काही दिवसांपासून धनंजय मुंडे यांच्यावर गंभीर आरोप होत आहे.

बंगळूर : आर्ट ऑफ लिव्हिंग इंटरनॅशनल सेंटर येथे १४ ते १६ फेब्रुवारीदरम्यान आंतरराष्ट्रीय महिला परिषद आयोजित केली असून, यात ६० हून अधिक वक्ते आणि पाचशेहून अधिक प्रतिनिधी उपस्थित राहणार आहेत. दहाव्या महिला परिषदेला राजकारण उद्योग कला आणि सामाजिक क्षेत्रात आपला ठसा उमटविणाऱ्या अनेक महिलांबरोबरच राष्ट्रपती द्रौपदी मुर्मू यांची प्रमुख उपस्थिती असणार आहे. आंतरराष्ट्रीय महिला परिषदेचे अध्यक्षपद श्री श्री रविशंकर यांच्या भगिनी भानुमती नरसिंहन भूषविणार आहेत. १८० देशात कार्यरत असलेल्या आर्ट ऑफ लिव्हिंग या संस्थेत त्या स्त्रियांसाठी कल्याणकारी योजना व बालसंगोपन कार्यक्रम राबवतात.

मुंबई : रत्नागिरी जिल्ह्यातील राजापूरचे माजी आमदार राजन साळवी यांनी अखेर ठाकरे गटाला ‘जय महाराष्ट्र’ करण्याचा निर्णय घेतला आहे. साळवी यांनी बुधवारी पक्षाच्या उपनेतेपदाचा राजीनामा दिला. ते आज (ता.१३) ठाण्यात उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश करणार आहेत.

प्रयागराज येथील महाकुंभमेळ्यासाठी हुबळी ते वाराणसी दरम्यान सहा फेऱ्या होणार असून ही ट्रेन पुण्यासह सातारा, दौंड, मिरज, सांगली, अहिल्यानगर येथून धावणार आहे. त्यामुळे येथील प्रवाशांना प्रयागराजला जाण्यासाठी विशेष गाडी उपलब्ध झाली आहे.

Latest Marathi Live Updates 13 February 2025 : रत्नागिरी जिल्ह्यातील राजापूरचे माजी आमदार राजन साळवी यांनी अखेर ठाकरे गटाला ‘जय महाराष्ट्र’ करण्याचा निर्णय घेतला आहे. साळवी यांनी बुधवारी पक्षाच्या उपनेतेपदाचा राजीनामा दिला. ते आज ठाण्यात उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश करणार आहेत. तसेच शीख दंगल प्रकरणातील आरोपी आणि काँग्रेसचे माजी खासदार सज्जनकुमार यांना राउज अव्हेन्यूच्या विशेष न्यायालयाने दोषी ठरविले. आता हेच न्यायालय कुमार यांना येत्या १८ तारखेला शिक्षा सुनावणार आहे. तर, कुणबी नोंदी सापडलेल्या राज्यातील पात्र मराठा समाजाला मराठा-कुणबी, कुणबी-मराठा प्रमाणपत्र देण्याची कार्यवाही निश्चित करणाऱ्या माजी मुख्य न्यायाधीश संदीप  शिंदे यांच्या अध्यक्षतेखालील समितीला तब्बल दीड महिन्यानंतर मुदतवाढ देण्यात आली आहे. केंद्रीय अर्थमंत्री निर्मला सीतारामन यांनी अर्थसंकल्प सादर करताना घोषित केलेले नवे अधिक स्पष्ट आणि सोपे असे प्राप्तिकर विधेयक आज लोकसभेत सादर केले जाण्याची शक्यता आहे. राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर अकोला जिल्हा दौऱ्यावर आहेत. त्याचबरोबर राज्यात काही ठिकाणी थंडीचा कडाका आहे तर, काही भागांत थंडी कमी झालेली दिसत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..