Khunti Jharkhand 3 Minor Girls gangrape by 18 Boys : पाच अल्पवयीन मुलींचं अपहरण करून त्यापैकी तिघींवर १८ जणांनी सामूहिक बलात्कार केल्याची धक्कादायक घटना उघडकीस आहे. झारखंडच्या खुंटी जिल्ह्यात हा प्रकार घडला. याप्रकरणी पोलिसांत गुन्हा दाखल करण्यात आला असून सर्व १८ आरोपींना अटक करण्यात आली आहे. पाचही मुली या १२ ते १६ वर्ष वयोगटातील असल्याची माहिती आहे.

मीडिया रिपोर्टनुसार, शुक्रवारी रात्री ही घटना घडली. पाचही मुली लग्न समारंभातून घरी जात होत्या. त्यावेळी १८ तरुणांनी त्यांचा पाठलाग करण्यात सुरुवात केली. मुली निर्जनस्थळी पोहोचताच आरोपींनी त्यांना अडवत त्याचं अपहरण करण्याचा प्रयत्न केला आहे. यावेळी दोन मुली हाताचा चावा घेत आरोपींच्या तावडीतून सुटण्याचा यशस्वी झाल्या.

दरम्यान, आरोपींनी तीन मुलींना जंगलाच्या दिशेने घेऊन जात त्यांच्यावर आळीपाळीने बलात्कार केला. तसेच त्यांना त्याच ठिकाणी सोडून घटनास्थळावरून पसार झाले. आरोपींच्या तावडीतून सुटलेल्या दोन मुलींनी गावात जाऊन सर्व हकीकत सांगितली. गावकऱ्यांनी घटनास्थळी पोहोचत मुलींना रुग्णालयात दाखल केलं.

याप्रकरणी मुलींच्या पालकांच्या तक्रारीनंतर १८ आरोपींविरोधात गुन्हा दाखल करण्यात आला आहे. तसेच सर्व आरोपींना अटकही करण्यात आली आहे. विशेष म्हणजे याप्रकरणातील सर्व १८ आरोपीही अल्पवयीन असल्याची माहिती आहे. त्यांना न्यायालयात हजर केलं असता न्यायालयाने बालसुधारगृहात त्यांची रवानगी केली आहे. याप्रकरणी पुढील तपास सुरु असल्याचं पोलिसांनी सांगितलं आहे.