Latest Marathi News Updates : पुण्यात आज महाशिवरात्री निमित्ताने मोठा विक्रम
esakal February 26, 2025 05:45 PM
Pune Live: स्वारगेट बसस्थानकात २६ वर्षीय तरुणीवर बलात्कार

- स्वारगेट बसस्थानकात शिवशाही बसमध्ये २६ वर्षीय तरुणीवर बलात्कार झाला आहे.

- सकाळी साडे पाच वाजता ही घटना घडली

Bihar Live :नितीश कुमार सरकार मंत्रिमंडळाचा आज विस्तार

विधानसभा निवडणुकीच्या पार्श्वभूमीवर आज नितीश कुमार मंत्रिमंडळाचा विस्तार होणार आहे. आज 6 आमदार मंत्रिमंडळाची शपथ घेतील.

Jalgaon Live : अस्थिविसर्जन करून परतताना तरुणांच्या गाडीला भीषण अपघात

जळगावमधील असलेल्या तरुणांच्या वाहनाचा इंदूरमध्ये भीषण अपघात झाला. मध्यरात्री एकच्या सुमारास तरुणांच्या कारला समोरून येणाऱ्या क्रूझरने धडक दिली. सूरज झंवर हा तरुण आजोबांची अस्थितीविसर्जन करण्यासाठी हरिद्वारला गेला होता. तिथून परतताना ही घटना घडली.

Live : पंतप्रधान मोदी आज रशिया दौऱ्यावर

पंतप्रधान नरेंद्र मोदी आज रशिया दौऱ्यावर जाणार आहेत. येत्या 9 मार्च रोजी मोदी रशियातील मॉस्को शहराला ते भेट देणार आहेत. रशियन युद्धाच्या 80 व्या वर्धापन दिनानिमित्त आयोजित करण्यात आलेल्या रेड परेडसाठी ते रशियाला जात असल्याचं समजतंय.

Mumbai Live : प्रशांत कोरटकर यांच्याविरोधात पवार गट आक्रमक ; घाटकोपरमध्ये आंदोलन

इतिहास संशोधक इंद्रजित सावंत यांना मिळालेल्या धमकीमुळे पवार गट आक्रमक झाला असून घाटकोपरमध्ये प्रशांत कोरटकर यांच्याविरोधात आंदोलन केलं.

Maha Shivratri Live Updates: भीमाशंकर मंदिरात महाशिवरात्रीनिमित्त शासकीय पूजा

बारा ज्योतिर्लिंगापैकी एक असलेल्या भीमाशंकर मंदिरात महाशिवरात्रीनिमित्त शासकीय पूजा जिल्हाधिकारी जितेंद्र दुडी आणि आमदार दिलीप वळसे पाटील यांच्या उपस्थितीत मोठ्या उत्साहात पार पडली.

Beed Live Updates: संतोष देशमुख हत्या प्रकरणी महाराष्ट्र सरकारतर्फे ज्येष्ठ विधिज्ञ उज्वल निकम यांची विशेष सरकारी वकील म्हणून नियुक्ती

बीड जिल्ह्यातील संतोष देशमुख हत्या प्रकरणी महाराष्ट्र सरकारतर्फे ज्येष्ठ विधिज्ञ उज्वल निकम यांची विशेष सरकारी वकील म्हणून, तर अॅड. बाळासाहेब कोल्हे यांची सहाय्यक विशेष सरकारी वकील म्हणून नियुक्ती.

Nagpur Live : नागपूरमध्ये प्रशांत कोरटकरच्या घरासमोर आंदोलन

छत्रपती शिवाजी महाराजांबद्दल अवमानकारक भाषा वापरल्याने तसेच इंद्रजित सावंत यांना धमकी दिल्या प्रकरणी प्रशांत कोरटकर यांच्यावर गुन्हा दाखल करण्यात आला आहे. आज सकाळी आंदोलकांनी त्यांच्या घरासमोर आंदोलकांनी आंदोलन केले.

Chhatrapati Sambhaji Nagar Live : घृष्णेश्वर मंदिरात दर्शनासाठी भाविकांत फ्री –स्टाईल हाणामारी

छत्रपती संभाजीनगरमधील 12 ज्योतिर्लिंगांपैकी एक असलेल्या घृष्णेश्वर मंदिरात भाविकांची मोठी गर्दी झाली. या दरम्यान दर्शनासाठी भाविकांचा गोंधळ देखील पाहायला मिळाला. दर्शना रांगेत पुढे जाण्यासाठी भाविकांमध्ये फ्रीस्टाइल हाणामारी झाली.

Kirti Kiran Pujara LIVE : सीईओ कीर्तीकिरण पुजार यांची धाराशिव जिल्हाधिकारीपदी बदली

रत्नागिरी : रत्नागिरी जिल्हा परिषदेचे मुख्य कार्यकारी अधिकारी कीर्तीकिरण पुजार यांची पदोन्नतीने धाराशिव जिल्हाधिकारीपदी बदली झाली आहे. ग्रामीण भागातील पर्यटन, बचत गट चळवळीला प्रोत्साहन यासह विविध प्रश्न सोडविण्यासाठी पुढाकार घेतला होता. त्यांनी दोन वर्षे महिला बचत गटांसाठी सिंधुरत्न योजनेतून हाऊसबोटी उपलब्ध करून देण्यात आली. सीईओ पुजार हे १ ऑक्टोबर २०२२ रोजी रत्नागिरीत रूजू झाले होते. दोन महिन्यांपूर्वी श्री. पुजार यांची बदली झाली होती. त्यांच्या जागी अण्णासाहेब चव्हाण यांची नियुक्ती केल्याचे आदेशही प्राप्त झाले. ते आदेश बदलून चव्हाण यांना मुंबईत महात्मा फुले जनआरोग्य विभागात नियुक्ती दिली गेली होती.

Mahashivratri Raigad LIVE : महाशिवरात्रीनिमित्त रायगडमध्ये शंकराच्या मंदिरांमध्ये भाविकांची मोठी गर्दी

महाशिवरात्रीच्या निमित्ताने रायगडमध्ये आज शंकराच्या मंदिरात मोठी गर्दी झालेली पहायला मिळत आहे. पहाटेपासूनच अभिषेक विधीवत पूजन सुरु करण्यात आला आहे. महाड शहरातील शिवकालीन वीरेश्वर मंदिरात आजपासून छबिना उत्सव म्हणजेच जत्रोत्सवाला प्रारंभ होणार आहे.

Sadhguru Jaggi Vasudev LIVE : सद्गुरू जग्गी वासुदेव यांच्या ईशा योग केंद्रात आज महाशिवरात्री सोहळा

कोईम्बतूर, तामिळनाडू : सद्गुरू जग्गी वासुदेव यांच्या ईशा योग केंद्रात महाशिवरात्री सोहळ्याची तयारी सुरू आहे. केंद्रीय गृहमंत्री अमित शहा आणि कर्नाटकचे उपमुख्यमंत्री डीके शिवकुमार येथे महाशिवरात्री सोहळ्याला उपस्थित राहणार आहेत.

MahaKumbh 2025 LIVE : महाकुंभाच्या शेवटच्या 'स्नानात' सहभागी झालेल्या भाविकांवर फुलांचा वर्षाव

उत्तर प्रदेश : प्रयागराजमधील त्रिवेणी संगम येथे महाकुंभाच्या शेवटच्या 'स्नानात' सहभागी झालेल्या भाविकांवर फुलांच्या पाकळ्यांचा वर्षाव केला जात असून महाकुंभमेळ्याचा आज समारोप होणार आहे.

Ashish Shelar LIVE : 'अनादी मी अनंत मी..'ला प्रेरणा गीत पुरस्कार जाहीर

मुंबई : छत्रपती संभाजी महाराज यांच्या नावाने यावर्षी पासून दिला जाणार पहिला ‘महाराष्ट्र प्रेरणा गीत पुरस्कार’ स्वातंत्र्यवीर विनायक दामोदर सावरकर यांच्या ‘अनादी मी अनंत मी..’ या गीताला जाहीर झाला आहे. सांस्कृतिक कामकाज मंत्री आशीष शेलार यांनी फ्रान्सच्या मार्सेलिस समुद्र किनाऱ्यावरून केली.

Indrajit Sawant LIVE : इंद्रजित सावंत यांना धमकीप्रकरणी जुना राजवाडा पोलिस ठाण्यात गुन्हा दाखल

कोल्हापूर : इतिहास संशोधक इंद्रजित सावंत यांना जीवे मारण्याची धमकी देणाऱ्या प्रशांत कोरटकर नावाच्या व्यक्तीविरोधात येथील जुना राजवाडा पोलिस ठाण्यात मंगळवारी गुन्हा दाखल झाला. मुख्यमंत्री देवेंद्र फडणवीस यांनीच या प्रकरणाची गांभीर्याने दखल घेत पोलिसांना चौकशीचे आदेश दिल्याने यंत्रणा गतिमान झाली. सावंत यांना मंगळवारी दुपारी पोलिस ठाण्यात बोलावून जबाब नोंदविण्यात आला. सायबर पोलिस ठाण्यामार्फत तांत्रिक मदत घेऊन गुन्ह्याचा तपास सुरू करण्यात आल्याचे पोलिस निरीक्षक संजीव झाडे यांनी सांगितले.

Local Body Elections LIVE : स्थानिक स्वराज्य संस्थांच्या निवडणुकांबाबत मार्चमध्ये होणार सुनावणी

Latest Marathi Live Updates 26 February 2025 : आज देशभरात महाशिवरात्रीचा उत्सव साजरा होत आहे. तसेच स्थानिक स्वराज्य संस्थांच्या निवडणुकांबाबतच्या याचिकांवर सर्वोच्च न्यायालयात मंगळवारी सुनावणी झाली नाही. न्यायालयाने चार मार्च ही तात्पुरती तारीख दिल्याने निवडणूक आणखी लांबणीवर पडली आहे. तर, इतिहास संशोधक इंद्रजित सावंत यांना जीवे मारण्याची धमकी देणाऱ्या प्रशांत कोरटकर नावाच्या व्यक्तीविरोधात कोल्हापुरात जुना राजवाडा पोलिस ठाण्यात गुन्हा दाखल झाला आहे. शीख दंगलीवेळी पिता-पुत्राची हत्या केल्याचा काँग्रेसचे माजी खासदार सज्जनकुमार यांच्यावरील आरोप अखेर सिद्ध झाला असून राउज अव्हेन्यू न्यायालयाने त्यांना याबद्दल जन्मठेपेची शिक्षा सुनावली आहे. गेन बिटकॉईन गैरव्यवहाराचा तपास करणाऱ्या केंद्रीय अन्वेषण विभागाने (सीबीआय) नांदेड, पुणे, कोल्हापूरसह देशभरातील सुमारे ६० ठिकाणी एकाचवेळी छापे घातले. त्याचबरोबर राज्यात अजूनही काही भागांत थंडी कमी झालेली दिसत नाहीये. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..

© Copyright @2025 LIDEA. All Rights Reserved.