मराठी मनोरंजनसृष्टीतील आघाडीची अभिनेत्री सई ताम्हाणकर (Sai Tamhankar) कायमच तिच्या कामामुळे चर्चेत असते. नुकतीच 'डब्बा कार्टेल' या वेब सीरिज प्रेक्षकांच्या भेटीला आली आहे. वेब सीरिजमधील आपल्या अभिनयाने तिने पुन्हा एकदा चाहत्यांची मने जिंकली आहेत. आता सईने अजून एक यश संपादन केले आहे.

मराठमोळी अभिनेत्री ताम्हणकरने या आठवड्यातील आयएमडीबीच्या लोकप्रिय सेलिब्रिटींच्या यादीत आघाडीचे स्थान प्राप्त केले आहे. त्यामुळे सध्या सई ताम्हणकरवर चाहत्यांकडून प्रेमाचा आणि कौतुकाचा वर्षाव होत आहे. 3 मार्च 2025 रोजी सईची आयएमडीबीवरील लोकप्रिय भारतीय होण्याची इच्छापूर्ती झाली.

'कार्टेल' या तिच्या नव्या वेब सीरिजच्या प्रदर्शनानंतर भारतातील सर्वात लोकप्रिय सेलिब्रिटींच्या यादीत तिने 23वे स्थान प्राप्त केले. ती म्हणाली, "मला महिन्यातून दोनदा आयएमडीबीच्या लोकप्रिय भारतीय सेलिब्रिटींच्या यादीत येण्याचा आनंद आहे. आयएमडीबी ही अशी गोष्ट आहे ज्याचा मी सतत स्वतः उल्लेख करते आणि हीच गोष्ट केकवरील आयसिंग आहे. प्रेक्षकांच्या प्रेमातून हेच उत्पन्न होते हे समजून घेणे हे खूपच खास आहे."

2024 मध्ये रिलीज झालेल्या 'अग्नि' चित्रपटात देखील सईने महत्त्वाची भूमिका साकारली आहे. यात तिने प्रतीक गांधी आणि दिव्येंदू शर्मासोबत काम केले आहे. सईने अनेक मोठ्या सेलिब्रिटींसोबत काम केले आहे. भक्षकमध्ये भूमी पेडणेकर आणि संजय मिश्रा या कलाकारांसोबत काम केले आहे.

अभिनेत्री सई ताम्हणकरचा सोशल मिडिया मोठा चाहता वर्ग आहे. तिचे इन्स्टाग्राम 3.4 मिलियन फॉलोअर्स आहेत. ती कायमच आपल्या लूकसाठी ओळखली जाते. तिने मराठी, हिंदी चित्रपटात आणि वेब सीरिजमध्ये काम केले आहे.