मुंबई : होळी हा सण आनंदाचा, रंगांचा आणि आपुलकीचा सण आहे. पण सणाआधी आपल्या घरी पोहोचणे मोठे आव्हान असते. ट्रेनमध्ये तिकीट मिळणे कठीण होते, प्लॅटफॉर्मवर गर्दी होते आणि प्रवास तणावपूर्ण बनतो. हे लक्षात घेऊन भारतीय रेल्वेने प्रवाशांसाठी होळी स्पेशल ट्रेन भेट दिली आहे. या गाड्या दिल्ली, मुंबई, जोधपूर, बरेली आणि साबरमती या प्रमुख शहरांना जोडतील.याशिवाय होळीसाठी मध्य आणि कोकण रेल्वे आणखी दोन साप्ताहिक विशेष रेल्वे गाड्या चालवणार आहे. मडगाव ते पनवेल आणि मडगाव ते लोकमान्य टिळक टर्मिनसदरम्यान या गाड्या धावणार आहेत. या तारखांना धावणार विशेष गाड्या - मडगाव-पनवेल-मडगाव एक्सप्रेस: 15 आणि 22 मार्च 2025- मडगाव-एलटीटी-मडगाव एक्सप्रेस: 16, 17, 22 आणि 23 मार्च 2025 मडगाव-पनवेल-मडगाव एक्स्प्रेस (०११०२/१ - २० डबे)ही ट्रेन मडगावहून सकाळी ८.०० वाजता सुटेल आणि त्याच दिवशी पनवेलला सायंकाळी ५.३० वाजता पोहोचेल. परतीचा प्रवास (०११०१) पनवेलवरून सायंकाळी ६.२० वाजता सुरू होईल आणि मडगाव येथे दुसऱ्या दिवशी सकाळी ६.४५ वाजता पूर्ण होईल. १५ आणि २२ मार्च रोजी ही गाडी धावणार आहे. थांबे : करमाळी, थिविम, सावंतवाडी रोड, कुडाळ, कणकवली, वैभववाडी रोड, राजापूर रोड, रत्नागिरी, संगमेश्वर रोड, चिपळूण, खेड, माणगाव, रोहा, पेण. मडगाव-एलटीटी-मडगाव एक्स्प्रेस (०११०४/३ - २० डबे)ही ट्रेन मडगावहून दुपारी ४.३० वाजता निघेल आणि दुसऱ्या दिवशी सकाळी ६.२५ वाजता एलटीटी येथे पोहोचेल. १६ आणि २३ मार्चला ही गाडी धावणार आहे. परतीचा प्रवास (०११०३) एलटीटीहून सकाळी ८.२० वाजता सुरू होईल आणि मडगाव येथे त्याच दिवशी रात्री ९.४० वाजता ही गाडी पोहोचेल. १७ आणि २३ मार्चला ही गाडी धावणार आहे. थांबे : करमाळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल, ठाणे. दिल्ली-मुंबई सेंट्रल स्पेशल ट्रेनहोळीच्या काळात दिल्ली-मुंबई दरम्यान प्रवास करणाऱ्या प्रवाशांच्या सोयीसाठी रेल्वेने विशेष ट्रेन सुरू केली आहे. ही ट्रेन 8 मार्च ते 29 मार्च या कालावधीत एकूण सात वेळा धावणार आहे. ही ट्रेन दिल्लीहून बुधवार आणि शनिवारी दुपारी 1:05 वाजता सुटेल आणि दुसऱ्या दिवशी दुपारी 1:30 वाजता मुंबई सेंट्रलला पोहोचेल. त्याचवेळी मुंबई ते दिल्ली हीच ट्रेन 7 मार्च ते 28 मार्च या कालावधीत सात वेळा धावणार आहे. मुंबई सेंट्रल येथून दर मंगळवार आणि शुक्रवारी सकाळी 10:30 वाजता सुटेल आणि दुसऱ्या दिवशी सकाळी 10:00 वाजता दिल्लीला पोहोचेल. ही ट्रेन बोरिवली, वापी, वलसाड, उधना, वडोदरा, साबरमती, महेसाणा, पालनपूर, अबू रोड, अजमेर, जयपूर आणि अलवरसह अनेक स्थानकांवर थांबेल. या ट्रेनला चार सेकंड एसी, दहा थर्ड एसी आणि दोन पॉवरकार कोच असे एकूण 16 डबे असतील. दिल्ली सराय-साबरमती सुपरफास्ट स्पेशल ट्रेनदिल्लीहून साबरमतीला जाणाऱ्या प्रवाशांसाठी रेल्वेने विशेष ट्रेनची सुविधाही उपलब्ध करून दिली आहे. ही ट्रेन 8 आणि 9 मार्चला तीन वेळा धावणार आहे. दिल्ली सराई येथून सकाळी 8.10 वाजता निघून रात्री 11.20 वाजता साबरमतीला पोहोचेल. ही ट्रेन अलवर, जयपूर, अजमेर, अबू रोड आणि पालनपूर स्टेशनवर थांबेल. या ट्रेनला एकूण 22 डबे असतील, ज्यात 20 सेकंड स्लीपर कोच आणि दोन गार्ड कोच असतील. बरेली-साबरमती सुपरफास्ट स्पेशल ट्रेनउत्तर प्रदेशातून गुजरातला जाणाऱ्या प्रवाशांसाठी 8 मार्च रोजी बरेली-साबरमती सुपरफास्ट स्पेशल ट्रेन चालवण्यात येणार आहे. ही ट्रेन बरेलीहून सकाळी 8.30 वाजता सुटेल आणि दुसऱ्या दिवशी सकाळी 6.00 वाजता साबरमतीला पोहोचेल. ही ट्रेन कासगंज, हाथरस रोड, मथुरा, भरतपूर, जयपूर, अजमेर, अबू रोड आणि पालनपूर या महत्त्वाच्या स्थानकांवर थांबेल. या ट्रेनमध्ये एकूण 20 डबे असतील, ज्यामध्ये 18 सेकंड स्लीपर कोच आणि दोन गार्ड कोच असतील. जोधपूर-वांद्रे टर्मिनस स्पेशल ट्रेनराजस्थान ते मुंबई दरम्यान प्रवास करणाऱ्या प्रवाशांसाठी रेल्वेने होळी स्पेशल ट्रेनही चालवली आहे. भगत की कोठी ते वांद्रे टर्मिनस दरम्यान धावणारी ही ट्रेन ८ मार्च ते २९ मार्च या कालावधीत चार वेळा धावणार आहे. भगत की कोठी येथून दर शनिवारी सकाळी 11:30 वाजता सुटेल आणि दुसऱ्या दिवशी सकाळी 7:25 वाजता वांद्रे टर्मिनसला पोहोचेल. त्याचप्रमाणे वांद्रे टर्मिनस ते भगत की कोठी ही ट्रेन 9 मार्च ते 30 मार्च या कालावधीत चार वेळा धावणार आहे. दर रविवारी सकाळी 10:30 वाजता सुटून दुसऱ्या दिवशी पहाटे 4:30 वाजता भगत की कोठीला पोहोचेल. या ट्रेनच्या प्रमुख थांब्यांमध्ये लुनी, पाली मारवाड, मारवाड जंक्शन, फलना, अबू रोड, पालनपूर, महेसाणा, साबरमती आणि वडोदरा यांचा समावेश आहे. या ट्रेनला एकूण २२ डबे असतील ज्यात एक सेकंड एसी, सहा थर्ड एसी, दोन थर्ड एसी इकॉनॉमी, सात सेकेंड स्लीपर, चार सामान्य श्रेणी आणि दोन पॉवरकार डबे असतील. होळी स्पेशल ट्रेनची सुविधा का खास?होळीसारख्या मोठ्या सणांमध्ये प्रवाशांच्या संख्येत लक्षणीय वाढ होते. सामान्य गाड्यांमध्ये तिकीट मिळणे कठीण झाल्याने लोकांना अडचणींचा सामना करावा लागत आहे. अशा परिस्थितीत रेल्वेतर्फे चालवण्यात येणाऱ्या या विशेष गाड्यांमुळे प्रवाशांना दिलासा मिळणार आहे. मोठ्या शहरांना जोडण्यासोबतच या गाड्या प्रवाशांना आरामदायी आणि सोयीस्कर प्रवासाचा अनुभवही देतील. या गाड्यांमध्ये एसी आणि स्लीपर कोचची पुरेशी व्यवस्था करण्यात आली आहे, जेणेकरून लोकांना त्यांच्या सोयीनुसार प्रवास करता येईल. विशेष म्हणजे सणासुदीच्या काळात प्रवाशांची होणारी गर्दी लक्षात घेऊन या गाड्या जादा डब्यांसह चालवल्या जात आहेत. यामुळे प्रवाशांना तिकीट काढणे सोपे होणार असून ते कोणत्याही काळजीशिवाय आपल्या इच्छित स्थळी पोहोचू शकतील. प्रवासी आयआरसीटीसी वेबसाइट किंवा रेल्वे आरक्षण काउंटरला भेट देऊन शक्य तितक्या लवकर तिकीट बुक करू शकतात.