या घटनेवर स्पष्टीकरण देताना मुंबई महापालिकेने सांगितले की, "कोस्टल रोडवरील स्ट्रीट लाईटच्या तांब्याच्या तारा चोरट्यांनी चोरल्या आहेत. याआधीही अशा घटना घडल्या असून, याप्रकरणी FIR दाखल करण्यात आले आहेत. पोलिस या प्रकरणाचा तपास करत आहेत."

महापालिकेच्या अधिकाऱ्यांनी पुढे सांगितले की, अशा चोरीला आळा घालण्यासाठी तांब्याच्या तारांऐवजी अॅल्युमिनियम तारा बसवण्याचा निर्णय घेण्यात आला आहे.

यांनीही यावर नाराजी व्यक्त करत म्हटले की, "सरकारी यंत्रणा पूर्णपणे अपयशी ठरत आहे. जिथे सामान्य नागरिकांनाही प्रवेश नाही, तिथे चोर आत घुसून इतक्या जाडजूड तांब्याच्या तारा चोरी करू शकतात, आणि पोलिसांना याची साधी कल्पनाही येत नाही?"

या घटनेमुळे कोस्टल रोडवरील सुरक्षा व्यवस्थेवर प्रश्नचिन्ह उभे राहिले आहे. जर अशा महत्त्वाच्या ठिकाणी सुरक्षा यंत्रणा निष्क्रिय असेल, तर सामान्य नागरिकांच्या सुरक्षेचे काय? मुंबई महापालिकेने अॅल्युमिनियम तारा बसवण्याचा निर्णय घेतला असला, तरी यासाठी किती कालावधी लागणार आणि यामध्ये पुन्हा भ्रष्टाचार होणार का, हे प्रश्न उपस्थित होत आहेत.