शिवरायांबाबत आक्षेपार्ह विधान केल्याप्रकरणी अटकेत असलेल्या प्रशांत कोरटकर यानं फरार होण्यासाठी वापरलेलील चार चाकी गाडी पोलिसांनी चौकशीसाठी ताब्यात घेतली आहे. ही कोणाची गाडी आहे, त्याला या कामात कोणी मदत केली? याचा तपास आता पोलीस करत आहेत.

काँग्रेस नेते अतुल लोंढे यांच्याविरोधात नागपूरमध्ये अदखलपात्र गुन्हा दाखल झाला आहे.

- मालेगावात होणाऱ्या हिंदू साहित्य संमेलनास व साध्वी प्रज्ञासिंह ठाकूर यांना उपस्थित राहण्यास मुंबई उच्च न्यायालयाची परवानगी

- सालाबादाप्रमाणे गुढीपाडवा नवीन वर्षाच्या पार्श्वभूमीवर मालेगावात होते हिंदू साहित्य संमेलन...

- मात्र या वर्षी नागपूर दंगलीचे कारण देत पोलिसांनी या कार्यक्रमाला नाकारली होती परवानगी..

- कार्यक्रमाला नाकारलेल्या परवानगी विरोधात हिंदुत्ववादी संघटना कार्यकर्त्यांनी घेतली होती उच्च न्यायालयात धाव..

- मालेगाव बॉम्बस्फोट प्रकरणाची पार्श्वभूमी असणाऱ्या साध्वी प्रज्ञासिंह ठाकूर देखील हिंदू साहित्य संमेलनास उपस्थित राहणार असल्याने संमेलनास विशेष महत्त्व..

मुख्यमंत्री देवेंद्र फडणवीस तुळजाभवानी मंदीरात दाखल- तुळजाभवानी मातेची करणार महाआरती

मंदीरातील जिर्णोद्धार कामाची करणार पाहणी -

तुळजाभवानी मंदीराच्या मुख्य प्रवेशद्वारावरच पञकारांना पोलिसांनी रोखले - मंदीरात जाण्यास पञकारांना मज्जाव

अभिनेता सलमान खान म्हणाला, "आम्हाला कोणतेही वाद नको आहेत. आम्ही अनेक वादातून गेलो आहोत. आम्हाला आता कोणतेही वाद नको आहेत आणि मला वाटत नाही की वादांमुळे चित्रपट हिट होईल..."

भूकंपग्रस्त म्यानमारला मदत करण्यासाठी भारत पुन्हा एकदा पुढे सरसावला. हिंडन इथल्या विमानतळावरून १५ टन मदत साहित्य म्यानमारला रवाना, यामध्ये तंबू, ब्लँकेट्स, तयार अन्न, शुद्ध पाणी, औषध, सौर दिवे, यांचा समावेश.

दिशा सालियनच्या मृत्यू प्रकरणात दाखल करण्यात आलेल्या पहिल्या क्लोजर रिपोर्टबाबत मुंबई पोलिसांनी स्पष्टीकरण दिले आहे. राज्यात सरकार बदलल्यानंतर हा रिपोर्ट मागे घेण्यात आला होता आणि यानंतर विशेष तपास पथक (एसआयटी) स्थापन करून प्रकरणाची नव्याने चौकशी सुरू करण्यात आली. डिसेंबर २०२३ मध्ये एसआयटीची स्थापना झाली असली तरी अद्याप त्यांचा अंतिम अहवाल प्रलंबित आहे. पहिल्या क्लोजर रिपोर्टमध्ये मालवणी पोलिसांनी दिशा सालियनने आत्महत्या केल्याचा दावा केला होता. या रिपोर्टनुसार, दिशा आर्थिक अडचणींचा सामना करत होती आणि वडिलांच्या अफेअरमुळे त्यांना सतत पैसे देण्याच्या तणावाखाली होती, त्यामुळेच तिने आत्महत्या केल्याचा उल्लेख करण्यात आला होता.

पंतप्रधान नरेंद्र मोदी 30 मार्च रोजी गुढीपाडव्याच्या दिवशी नागपूर दौऱ्यावर असणार आहेत. त्यांच्या हस्ते माधव नेत्रालयाच्या विस्तारित 250 बेड असलेल्या रुग्णालयाचे भूमिपूजन होणार आहे. या कार्यक्रमाला सरसंघचालक मोहन भागवतही उपस्थित राहणार असून, राम मंदिर उद्घाटनानंतर दोघे एकाच मंचावर असण्याचा हा ऐतिहासिक क्षण असेल. सकाळी दहा वाजता सुरू होणाऱ्या या कार्यक्रमासाठी भव्य तयारी करण्यात आली आहे. पंतप्रधान मोदी नागपूर विमानतळावर आल्यानंतर हेडगेवार स्मृती मंदिर येथे वंदन करतील, त्यानंतर ते दीक्षाभूमीवर जाऊन डॉ. बाबासाहेब आंबेडकर यांना अभिवादन करतील. माधव नेत्रालयाच्या कार्यक्रमानंतर ते बाजारवाडा येथे सोलार एक्सप्लोझिव्ह कंपनीलाही भेट देतील.

गुढीपाडवा सणानिमित्त नाशिकमधील गोदाघाटावर १०० महिलांनी एकत्र येत तब्बल २० हजार चौरस फूट इतक्या मोठ्या महारांगोळीची निर्मिती केली. या भव्य कलाकृतीत पुण्यश्लोक अहिल्याबाई होळकर यांच्या महान कार्याचा जागर करण्यात आला. पाडवा पटांगणावर १०० बाय २०० फूट एवढ्या विस्तीर्ण जागेवर काढण्यात आलेली ही रांगोळी केवळ सौंदर्यासाठी नव्हे, तर इतिहासाच्या साक्षीदार म्हणूनही महत्त्वाची ठरली. तब्बल ८ हजार किलो रांगोळी वापरून महिलांनी चार तासांत हे चित्र साकारले. पुण्यश्लोक, तपस्वी, कर्मयोगिनी, राष्ट्रसेविका आणि वीरांगना अशा अनेक पैलूंनी अहिल्याबाईंच्या जीवनाचे दर्शन या महारांगोळीच्या माध्यमातून घडवण्याचा प्रयत्न करण्यात आला.

कोल्हापूर : वादळी वारा, विजांच्या कडकडाटासह जिल्ह्यात शनिवारी (ता. २९) व रविवारी (ता. ३०) पाऊस पडण्याची शक्यता आहे, असा अंदाज भारतीय हवामान खात्याने वर्तविला आहे. त्यामुळे घाटमाथ्यासह सर्वच भागांतील लोकांनी दक्षता घ्यावी, असे आवाहन जिल्हा आपत्ती व्यवस्थापन अधिकारी प्रसाद संकपाळ यांनी केले आहे. दरम्यान, आपत्ती व्यवस्थापन विभागाच्या माध्यमातून संबंधित आपत्ती व्यवस्थापन यंत्रणांना सतर्क राहण्याचे निर्देश देण्यात आले आहेत.

फुलेवाडी : राज्यात कडक उन्हाळा सुरू झाल्यामुळे विद्यार्थ्यांच्या आरोग्याची गंभीर समस्या निर्माण होऊ नये यासाठी प्राथमिक व माध्यमिक शाळा सकाळच्या सत्रातच भरवून शाळेच्या वेळापत्रकात बदल करण्याच्या सूचना राज्याचे प्राथमिक शिक्षण संचालक शरद गोसावी व माध्यमिक शिक्षण संचालक संपत सूर्यवंशी यांनी आज एका आदेशाद्वारे दिले आहेत.

नवी दिल्ली : भारतरत्न डॉ. कर यांच्या जयंतीदिनी १४ एप्रिलला केंद्र सरकारने ‘राष्ट्रीय सुटी’ जाहीर केली आहे. केंद्र सरकारच्या कार्मिक, लोक तक्रार आणि निवृत्तिवेतन (डीओपीटी) मंत्रालयाने याबाबतची अधिसूचना जारी केली.

मराठा आंदोलक मनोज जरांगे पाटील यांची प्रकृती बिघडली असून रुग्णालयात त्यांच्यावर उपचार सुरू आहेत. डॉक्टरांच्या निगराणीखाली त्यांच्यावर उपचार सुरू आहेत. बीडमध्ये झालेल्या मेळाव्या दरम्यान भाषण करत असताना अचानक जरांगेंची प्रकृती खालावली. त्यानंतर त्यांना तात्काळ खासगी रुग्णालयात दाखल करण्यात आले आहे. डॉक्टरांनी त्यांच्या तपासण्या आणि रक्ताचे नमुने घेतले आहेत. सध्या त्यांची प्रकृती स्थिर आहे.

सोलापूर : ‘तुझ्यामुळे माझी पत्नी मला सोडून माहेरी गेली’ असे म्हणून शिवीगाळ करून भावाने दगडाने मारहाण केल्याची फिर्याद गुल महम्मद अब्दुल लतीफ आतार (रा. मंगळवार पेठ, बार्शी) यांनी बार्शी शहर पोलिसांत दिली. त्यावरुन मोहसीन अब्दुल लतीफ आतार याच्याविरुद्ध गुन्हा दाखल झाला आहे. मंगळवार पेठेतील उद्यानाजवळ मित्रांसोबत बोलत थांबल्यावर भाऊ मोहसीन हा मद्यपान करून तेथे आला. त्याने शिवीगाळ सुरू केली, शिवीगाळ करू नको म्हटल्यावर त्याने तेथील दगड उचलून मारला. त्यात उजवा पाय फ्रॅक्चर झाला असून त्याने बघून घेईन, अशी दमदाटी केल्याचेही फिर्यादीत नमूद आहे.

आज भारतीय वेळेनुसार, ५.१६ वाजता अफगाणिस्तानात ४.७ रिश्टर स्केल तीव्रतेचा भूकंप झाला आहे. काल थायलंड, म्यानमारमध्ये मोठा भूकंप झाला होता.