56077

मदर क्विन्स स्कूल
‘रंगोत्सव’मध्ये चमकले

सकाळ वृत्तसेवा
सावंतवाडी, ता. ७ ः सिंधुदुर्ग जिल्हा शिक्षण प्रसारक मंडळ संचलित येथील मदर क्विन्स इंग्लिश स्कूलच्या विद्यार्थ्यांनी रंगोत्सव सेलिब्रेशन इंटरनॅशनल लेव्हल आर्ट स्पर्धेमध्ये उत्तुंग यश प्राप्त केले. या स्पर्धेमध्ये कार्टून मेकिंग स्पर्धेत दीप स्वार (चौथी) याने द्वितीय क्रमांक पटकावला. आयुष निर्गुण (सहावी) हा इंटरनॅशनल मेडलचा मानकरी ठरला.
हस्ताक्षर स्पर्धेत ताहिरा जुनेजा (नववी) हिने ‘स्पेक्टॅक्युलर परफॉर्मन्स अवॉर्ड’ पटकावला. भार्गवी भाईडकर (पाचवी) व यश सावंत (चौथी) यांनी उत्तेजनार्थ क्रमांक प्राप्त केला. कलरिंग स्पर्धेत निधी राऊळ (सहावी) हिने ‘स्पेक्टॅक्युलर परफॉर्मन्स अवॉर्ड’ पटकावला. साईल पालकर (सहावी) हा इंटरनॅशनल मेडलचा मानकरी ठरला. रौनक मेहत्तर (दुसरी) याने उत्तेजनार्थ क्रमांक प्राप्त केला. फिंगर अँड थंब स्पर्धेत अमीन बेग (पाचवी) याने इंटरनॅशनल मेडल संपादित केले. प्रशालेस ग्लोबल स्कूल अवॉर्डने सन्मानित करण्यात आले. रंगोत्सव सेलिब्रेशन इंटरनॅशनल लेव्हल आर्टस् स्पर्धेसाठी प्रशालेचे १५५ विद्यार्थी पात्र ठरले होते. सिं. जि. शि. प्र. मंडळाचे अध्यक्ष श्रीमंत राजेसाहेब खेमसावंत भोसले, चेअरमन शुभदादेवी भोसले, विश्वस्त श्रीमंत लखमराजे भोसले, युवराज्ञी श्रद्धाराजे भोसले, मुख्याध्यापिका अनुजा साळगांवकर आदींनी विद्यार्थ्यांचे कौतुक केले.