Sachin Pilot : भारतात सध्या दबावाचं राजकारण : सचिन पायलट

सध्या भारतात दबावाचं राजकारण केलं जात आहे, त्यामुळे तयार होणाऱ्या समस्यांसंदर्भात आम्ही चर्चा करत आहोत. सध्याचे २०२५ हे वर्षे काँग्रेस पक्ष संघटनेला मजबुती देण्याचं वर्षे आहे, असे काँग्रेसचे नेते सचिन पायलट यांनी सांगितलं आहे.

Mangeshkar Hospital : दोन दिवसांत 22 कोटींची थकबाकी न भरल्यास मंगेशकर हॉस्पिटलला कारवाईचा इशारा

पुणे महापालिकेकडून अखेर दीनानाथ मंगेशकर हॉस्पिटला मिळकतकर वसुलीसाठी नोटीस पाठविण्यात आली आहे. लता मंगेशकर मेडिकल फाउंडेशनच्या नावाने नोटीस देण्यात आली आहे. मंगेशकर रुग्णालयाकडे 2014 पासूनची थकबाकी आहे. उच्च न्यायालयाच्या आदेशानुसार 22 कोटी 6 लाख, 76 हजार रुपयेची थकबाकी रुग्णालयाकडे आहे. उच्च न्यायालयाच्या आदेशानुसार ही थकबाकी भरणे आवशक आहे.

येत्या दोन दिवसांत 22 कोटींची थकबाकी न भरल्यास पुढील कारवाई करण्याचे नोटिशीमध्ये नमूद करण्यात आले आहे. महाराष्ट्र महानगरपालिका अधिनियम कराधान नियम 42 मध्ये तरतुदीनुसार रुग्णालयावर जप्तीचे कारवाई करण्याचे महापालिकेचे तोंडी आदेश आहेत.

Kedar Jadhav Kedar Jadhav : केदार जाधवचा भाजपत प्रवेश

माजी क्रिकेटपटू केदार जाधव यांनी राज्याचे महसूल मंत्री तथा प्रदेशाध्यक्ष चंद्रशेखर बावनकुळे आणि कार्यकारी अध्यक्ष रवींद्र चव्हाण यांच्या उपस्थितीत भारतीय जनता पक्षात प्रवेश केला आहे.

घरकुलांसाठी 5 ब्रासपर्यंत मोफत वाळू

आज झालेल्या मंत्रिमंडळ बैठकीत अनेक महत्त्वाचे निर्णय घेण्यात आले आहेत. महसूलमंत्री चंद्रशेखर बावनकुळे यांनी यातील काही निर्णयासंबधी माहिती दिली आहे.

त्यानुसार राज्यभरातील घरकुलांसाठी 5 ब्रासपर्यंत मोफत वाळू मिळणार आहे. तसेच शिंधी समाजाला त्यांची घरे आणि व्यावसायिक प्रतिष्ठाने कायदेशीर करून देण्यात येणार असल्याचेही त्यांनी सांगितले आहे. ते आज मुंबईत माध्यम प्रतिनिधींशी बोलत होते.

Waqf Amendment Bill 2025 : वक्फ सुधारणा विधेयकाविरोधात 15 याचिका

वक्फ सुधारणा विधेयक 2025 हे विधेयक आता लोकसभा आणि राज्यसभा अशा दोन्ही सभागृहांत मंजूर झाले असून राष्ट्रपतींनीही या विधेयकाला मंजुरी दिली आहे. आता या विधेयकाचे कायद्यात रुपांतर झाले आहे. असे असले तरी या कायद्याला देशभरातून विरोध होत आहे. या विधेयकाविरोधात देशभरातून तब्बल 15 याचिका सर्वोच्च न्यायालयात दाखल करण्यात आल्या आहेत.

नाशिकमध्ये रामकुंडात उतरुन मनसे करणार आंदोलन

मनसे अध्यक्ष राज ठाकरे यांनी मनसेच्या गुडीपाढवा मेळाव्यात देशातील आणि राज्यातील नद्यांच्या प्रदूषणाचा विषय मांडल्यानंतर नाशिकच्या मनसैनिकांनी आता नवं आंदोलन हाती घेतलं आहे. गोदावरी प्रदूषणाविरोधात मनसेने दंड थोपटले असून गोदावरी नदी बचाव मोहीम राबविण्यात येणार आहे. मनसेच्या वतीने बुधवारी (ता. ९) रामकुंडात उतरुन आंदोलन करण्यात येणार आहे.

uddhav thackeray: कोकणात धक्के बसत असताना मिळाला दिलासा

कोकणात रत्नागिरी आणि सिंधुदुर्ग जिल्ह्यात शिवसेना (उद्धव बाळासाहेब ठाकरे) पक्षाला गेल्या काही महिन्यात मोठे धक्के बसले आहेत. अनेक बडे नेते एकनाथ शिंदेंची शिवसेना किंवा भाजपमध्ये दाखल झाले आहेत. त्यानंतर आता ठाकरे गटात कोकणात दिलासा मिळण्याची शक्यता आहे. कारण २०१९ मध्ये गुहागर विधानसभा निवडणूक लढवलेल्या सहदेव बेटकर यांनी ठाकरे गटात घरवापसी केली आहे. ते ठाकरेंच्या साथीला येत असल्याने पक्षाला नवसंजीवनी मिळण्याची आशा व्यक्त केली जात आहे.

Devendra fadnavis : राज्य सरकारने 'एमआरए'च्या बाबतीत केले पाच करार

एमएमआरडीएमधील कामाचा आढावा घेण्यासाठी मंगळवारी बिथक पार पडली. यावेळी एमएमआरडीएमधील कोणत्याच प्रकल्पाना निधी कमी पडू देणार नाही, असे मुख्यमंत्री देवेंद्र फडणवीस यांनी सांगितले. राज्य सरकारने 'एमआरए'च्या बाबतीत पाच करार केले असल्याचे त्यांनी सांगितले.

Ajit Pawar : अजितदादाकडे केली कुटुंबाच्या पुनर्वसनाची मागणी

सतीश भोसलेंची (खोक्या) पत्नी तेजूबाई भोसले त्यांच्या नातेवाईकांसह उपमुख्यमंत्री अजित पवार यांच्या भेटीसाठी राष्ट्रवादी काँग्रेसच्या मुंबईतील कार्यालयात दाखल झाल्या आहेत. यावेळी त्यांनी अजितदादा यांची भेट घेत कुटुंबाच्या पुनर्वसनाची मागणी त्यांच्याकडे करणार आहेत.

Devendra Fadnavis : मोदींच्या उत्तराधिकाऱ्याबद्दल विचार करण्याची ही योग्य वेळ नाही

मुंबई : 2029 मधील लोकसभा निवडणुकीनंतर नरेंद्र मोदी पुन्हा पंतप्रधान होतील, असे वक्तव्य मुख्यमंत्री देवेंद्र फडणवीस यांनी बीकेसी येथील इंडिया ग्लोबल फोरमच्या कार्यक्रमप्रसंगी बोलताना केले. 2029 मध्ये मोदी पंतप्रधान असतील, म्हणून पंतप्रधान मोदींच्या उत्तराधिकाऱ्याबद्दल विचार करण्याची ही योग्य वेळ नाही, असेही त्यांनी म्हटले आहे.

Pune live: बनावट अकाऊंट करुन काँग्रेस नेते रोहित टिळकांच्या नावे पैशांची मागणी

Pune News: पुण्यातील काँग्रेसचे नेते रोहित टिळक यांच्या नावाचे बनावट फेसबुक अकाऊंट तयार करुन पैशांची मागणी करण्यात आल्याची माहिती पोलिसांनी दिली. रोहित टिळक यांचे बनावट अकाउंट तयार करून त्यांच्या नावाने अनेकांना पैश्यांची मागणी केल्याचे मेसेज गेले आहेत. रोहित टिळक यांचे नाव वापरून १५ हजार रुपयांची मागणी करण्यात आली. रोहित टिळक लोकमान्य टिळक स्मारक ट्रस्टचे विश्वस्त आहेत. विधानपरिषदेचे दिवंगत माजी सभापती व काँग्रेसचे नेते जयंतराव टिळक यांचे ते नातू आहेत.

NCP Live: सांगलीचे माजी महापौर सुरेश पाटील यांचा आत्महत्येचा प्रयत्न

राष्ट्रवादी काँग्रेस अजित पवार गटाचे नेते सांगलीचे माजी महापौर सुरेश पाटील यांनी आत्महत्येचा प्रयत्न केल्याची माहिती समोर येत आहे. आपल्या राहत्या घरात गळफास घेऊन पाटील यांनी आत्महत्येचा प्रयत्न केला असल्याची प्राथमिक माहिती आहे. सुरेश पाटील यांनी राष्ट्रवादी काँग्रेस शरद पवार गटातून राष्ट्रवादी अजित पवार गटात नुकताच प्रवेश केला होता. नगरसेवक ते महापौर, खादी ग्रामोद्योग महामंडळाचे अध्यक्ष म्हणून देखील त्यांनी काम पाहिले आहे. सांगली येथे त्यांच्यावर उपचार सुरू आहेत. त्यांची प्रकृती स्थिर असल्याचे डॅाक्टरांनी सांगितले.

PMC : दीनानाथ रुग्णालय प्रकारणानंतर महापालिका अलर्ट मोडवर

पुण्यातील दीनानाथ रुग्णालयातील गर्भवतीच्या मृत्यू प्रकारणानंतर पुणे महापालिका अलर्ट मोडवर आली आहे. त्यामुळे आता पालिकेने खासगी रुग्णालयांना देखील कोणतंही डिपॉझिट घेऊ नका, अशी नोटीस धाडली आहे. आधी उपचार करा आणि नंतर पैसे मागा, अशा संदर्भातले आदेश आता सर्व खासगी रुगणालयाला देण्यात आले आहेत. महापालिकेच्या या निर्णयामुळे इमर्जन्सी उपचारांसाठी रुग्णालयात दाखल होणाऱ्या रूग्णांना आणि त्यांच्या नातेवाइकांना मोठा दिलासा मिळण्याची शक्यता आहे.

Pratap Sarnaik : परिवहन मंत्री आज पालघर दौऱ्यावर

राज्याचे परिवहन मंत्री प्रताप सरनाईक आज पालघर दौऱ्यावर जाणार आहेत. सूर्या धरण पाणी पुरवठा योजनेची पाहणी करण्यासाठी ते पालघरला जाणार आहेत. त्यानंतर ते पालघरमधील महामंडळाच्या बस स्थानकांची पाहणी करणार आहेत.

Ladki Bahin Yojana : लाडकी बहीण योजनेचा हप्ता 30 एप्रिलला मिळणार

लाडकी बहीण योजनेचा हप्ता अक्षय तृतीयाच्या मुहुर्तावर मिळणार असल्याची माहिती समोर आली आहे. त्यामुळे एप्रिल महिन्याचा हप्ता 30 एप्रिलला लाडक्या बहणींच्या खात्यात जमा होण्याची शक्यता आहे.

Deenanath Mangeshkar Hospital : डॉक्टरांनी राजीनामे देत जबाबदारी झटकली - वडेट्टीवार

पुण्यातील दीनानाथ मंगेशकर रुग्णालाच्या भोंगळ कारभारामुळे तनिषा भिसे यांना जीव गमवावा लागल्याचं आता जवळपास स्पष्ट झालं आहे. अशातच आता डॉ. घैसास यांनी दीनानाथ रुग्णालयातील आपल्या पदाचा राजीनामा दिला आहे. तर आरोग्य समितीच्या अहवालामध्ये रुग्णालयाने तनिषा भिसेंना वेळेत उपचार दिले नसल्याचं म्हटलं आहे. यावरून आता काँग्रेस नेते विजय वडेट्टीवार यांनी सरकारवर निशाणा साधला आहे. दीनानाथ मंगेशकर रुग्णालय हे धर्मदाय रुग्णालय असूनही रुग्णांकडून पैसे घेऊनच उपचार केले जातात. ही कोणती सेवा? हा कोणता धर्म? डॉक्टरांनी राजीनामे देत जबाबदारी झटकली, आणि आता पळवाट शोधण्याचे काम सुरु आहे! सरकार अजून तरी नक्की कशाची वाट बघत आहे? पुन्हा काही पळवाटा शोधायच्या आहेत की सरळ सरळ क्लिनचीट द्यायची आहे? असा सवाल त्यांनी आपल्या एक्सवरील पोस्टमधून केला आहे.