இந்தியாவில் காரைக்கால் மாவட்டத்தில் அமைந்துள்ளது உலகப்பிரசித்தி பெற்ற திருநள்ளாறு சனீஸ்வரன் கோயில் அமைந்துள்ளது. இந்த கோவில் நிர்வாகம் நடப்பாண்டின் சனிப்பெயர்ச்சி விழாவை அதிகாரப்பூர்வமாக அறிவித்துள்ளது.  அந்த வகையில் 2026  மார்ச் 6ம் தேதி சனிப்பெயர்ச்சி நடைபெறும் என அறிவிக்கப்பட்டுள்ளது. அன்றைய தினம் காலை 8.24 மணிக்கு சனி பகவான் கும்ப ராசியிலிருந்து மீன ராசிக்கு பிரவேசிக்கிறார். 

அடுத்தாண்டு மே-23ம் தேதி கோயில் கொடியேற்றமும், ஜுன்-06ல் திருத்தேரோட்டமும் நடைபெறும் என கோயில் நிர்வாகம் அறிவித்துள்ளது.முன்னதாக 2025 மார்ச் 29 அன்று சனி பெயர்ச்சி நடைபெறும் என்ற தகவல்கள் வெளியாகின. 

ஆனால் கோவில் நிர்வாகம் மறுப்பு தெரிவித்தது. இதுகுறித்த  திருநள்ளாறு ஸ்ரீ தர்பாரண்யேஸ்வரர் சுவாமி தேவஸ்தானம் வெளியிட்ட செய்திக்குறிப்பில், அருள்மிகு ஸ்ரீசனீஸ்வர பகவான் புண்ணியத் திருத்தலம் "வாக்கிய பஞ்சாங்கம்" முறையை பின்பற்றுவதை தெளிவுபடுத்துகிறோம். இந்த பாரம்பரிய கணிப்பு முறையின் படி, 2026ம் ஆண்டில்  சனிப்பெயர்ச்சி நடைபெறும் என தெரிவிக்கின்றோம் எனக் குறிப்பிடப்பட்டு இருந்தது.