फेंगशुई ही एक प्राचीन चिनी वास्तुशास्त्र पद्धती आहे. ही पद्धत केवळ घर सजवण्यासाठीच मदत करत नाही तर घरात सकारात्मक ऊर्जा देखील वाढवते. फेंगशुईमध्ये अशा काही गोष्टी आहेत ज्या घरात ठेवल्यास व्यक्तीला जीवनात सकारात्मक परिणाम मिळू शकतात. चला तर मग जाणून घेऊया फेंगशुईनुसार घरात कोणत्या गोष्टी ठेवणे शुभ मानले जाते आणि त्या कुठे ठेवाव्यात याविषयी.
विंड चाइम केवळ घराचे सौंदर्य वाढवत नाही तर फेंगशुईनुसार, घरात किणकिण आवाज करणारे विंड चाइम लावून व्यक्तीला खूप फायदे देखील मिळू शकतात. यामुळे घरात असलेल्या नकारात्मकतेचा प्रभाव कमी होतो आणि सकारात्मक ऊर्जा वाढते. ज्यामुळे व्यक्तीच्या आयुष्यात आनंद टिकून राहतो.
फेंगशुईमध्ये बांबूचे झाड खूप शुभ मानले जाते. घरातील ज्या ठिकाणी कुटुंबातील सदस्य एकत्र बसतात त्या ठिकाणी बांबूचे रोप ठेवावे. ते घरात ठेवल्याने सकारात्मक उर्जेचा प्रवाह वाढतो, ज्यामुळे सुख आणि समृद्धी वाढते. यासोबतच, फेंगशुईनुसार, तुम्ही घराच्या आग्नेय दिशेला मनी प्लांट देखील ठेवू शकता. यामुळे आर्थिक स्थिरता टिकून राहते.
फेंगशुईमध्ये कासवाला संपत्ती आणि समृद्धीचे प्रतीक मानले जाते. तुम्ही घराच्या उत्तरेकडील दिशेला कासवाची मूर्ती ठेवू शकता. यामुळे तुमच्या आयुष्यात येणाऱ्या पैशाशी संबंधित समस्या दूर होऊ शकतात.
फेंगशुईनुसार, घरात लाफिंग बुद्धाची मूर्ती ठेवणे देखील खूप शुभ मानले जाते. ही मूर्ती नेहमी घराच्या ईशान्य दिशेला ठेवावी. तुम्हाला हवे असल्यास, तुम्ही मुलांच्या स्टडी रूम आणि ड्रॉईंग रूममध्ये लाफिंग बुद्धाची मूर्ती ठेवू शकता. असे केल्याने घरात सुख-समृद्धी येते आणि ती टिकूनही राहते.
फेंगशुईमध्ये, क्रिस्टल कमळ नशीब आणि संपत्ती आकर्षित करण्यासाठी ओळखले जाते. ते घरात ठेवल्याने नात्यात गोडवा येतो आणि वास्तुदोष दूर होतात. घराच्या नैऋत्य कोपऱ्यात किंवा खिडकीजवळ स्फटिकाचे कमळ ठेवणे शुभ समजले जाते.
हेही वाचा : Mango Selection Tips : असा ओळखा नैसर्गिक आंबा
संपादित – तनवी गुडे
