மத்திய பிரதேச மாநிலத்தில் உள்ள ஜபல்பூர் பகுதியில் உள்ள கோரக்பூர் நகரில் கோல்ட் ஜிம் ஒன்று செயல்பட்டு வருகிறது. அதில் 52 வயதான யதீஷ் சிங்கா என்ற நபர் பயிற்சி பெற்று வந்துள்ளார். இந்நிலையில் சம்பவ நாளன்று காலை வழக்கம் போல யதீஷ் ஜிம்மிற்கு உடற்பயிற்சி செய்வதற்காக சென்று உள்ளார்.

அங்கு டம்பல் வைத்து உடற்பயிற்சி செய்துவிட்டு, மற்றொரு இயந்திரம் நோக்கி சென்ற போது திடீரென நிலை தடுமாறி தரையில் விழுந்துள்ளார். உடனே ஜிம் பயிற்சியாளர்கள் cpr செய்து உயிரை காப்பாற்ற முயன்று உள்ளனர். ஆனால் அது பலன் அளிக்கவில்லை. அதன் பின்னர் அவரை பண்டாரி மருத்துவமனைக்கு அழைத்துச் சென்ற போது யதீஷ் ஏற்கனவே உயிரிழந்ததாக மருத்துவர்கள் உறுதி செய்துள்ளனர்.