जर आपण आजच्या पिढीकडे पाहिले तर मानसिक ताण आणि थकवा यांचा त्यांच्यावर मोठा परिणाम होत असल्याचे पाहायला मिळते. त्यांच्यावर अनेक गोष्टींचा ताण असल्याचे दिसून येते. अभ्यास असो किंवा करिअर घडवणे असो, या गोष्टी खूप थकवणाऱ्या आणि तणावपूर्ण बनल्या आहेत. याशिवाय, सोशल मीडियाच्या ताणामुळे लोकांना अनेक प्रकारच्या चिंता निर्माण होत आहेत. हे सर्व घडत असताना, आपले शारीरिक आरोग्य तर बिघडतेच पण मानसिक आरोग्यावरही खोलवर आणि प्रतिकूल परिणाम होत असतो. आज आपण जाणून घेऊयात अशा काही टिप्स ज्यांच्या मदतीने तुम्ही मानसिक तणावापासून स्वत:ला दूर ठेवू शकाल.

पुस्तके वाचण्याची सवय लावा

जर तुम्हाला रोजच्या ताणतणावापासून दूर राहायचे असेल तर तुम्ही पुस्तके वाचण्याची सवय लावली पाहिजे. जेव्हा तुम्ही चांगली पुस्तके वाचता तेव्हा तुम्ही एका वेगळ्या जगात पोहोचता. जर तुम्हाला तणावातून बाहेर पडायचे असेल तर तुम्ही आत्मचरित्रपर पुस्तके वाचली पाहिजेत. जर तुम्हाला पुस्तके वाचण्याची सवय नसेल तर तुम्ही दिवसातून 10 पाने वाचून वाचनाची सुरुवात करू शकता. हळूहळू या पानांची संख्या तुम्ही वाढवू शकता.

जिम आणि आउटडोअर वर्कआउट्स

तंदुरुस्त राहण्यासाठी केवळ व्यायाम करणे महत्त्वाचे नाही तर यामुळे तुमचे मनही बऱ्याच प्रमाणात शुद्ध होते. जेव्हा तुम्ही जिमला जायची सुरुवात करता तेव्हा तुमच्या मनातआत्मविश्वास निर्माण होतो. याशिवाय, फक्त अर्धा तास चालणे देखील तुमचे मन शांत करण्यास खूप मदत करू शकते. तुम्हाला हवे असल्यास, तुम्ही नृत्य आणि सायकलिंगला तुमच्या दैनंदिन दिनचर्येचा भाग बनवू शकता.

योग्य स्वयंपाक आणि आहार

तुम्ही जे खाता त्याचा तुमच्या मनःस्थितीवर आणि विचार करण्याच्या व समजून घेण्याच्या क्षमतेवर खोलवर परिणाम होत असतो. जर तुम्ही कॅफिन किंवा जंक फूडचे सेवन केले तर तुमचा ताणतणाव मोठ्या प्रमाणात वाढू शकतो. त्याच वेळी, जेव्हा तुम्ही घरी बनवलेले अन्न खाता तेव्हा तुम्ही निरोगी राहता आणि तुम्हाला एक वेगळ्या प्रकारचा मानसिक आरामही मिळतो.

नवीन कौशल्ये शिकणे

जर तुम्हाला तणावातून मुक्ती मिळवायची असेल तर तुम्ही नवीन गोष्टी आणि नवीन कौशल्ये शिकायला सुरुवात केली पाहिजे. जेव्हा तुम्ही हे करता तेव्हा तुमचे लक्ष ताणतणावापासून मोठ्या प्रमाणात विचलित होते. तणाव कमी करण्यासाठी, जर तुम्हाला हवे असेल तर तुम्ही एखादे नवीन वाद्य शिकू शकता, चित्र काढू शकता किंवा तुमच्या आवडीच्या इतर कोणत्याही गोष्टीत तुमचे मन गुंतवू शकता. जेव्हा तुम्ही हे करता तेव्हा तुम्हाला एक नवीन कामगिरी पार पाडल्याची भावना येते.

हेही वाचा : Fashion Tips : उन्हाळ्यातही रहा फ्रेश आणि फॅशनेबल

संपादित – तनवी गुडे