விஷால் தென்னிந்திய சினிமாவில் பணியாற்றும் பிரபலமான புகழ்பெற்ற நடிகர் ஆவார். இவரது தந்தை ஜிகே ரெட்டி பிரபலமான தயாரிப்பாளர். அதன் மூலம் சினிமாவில் நடிக்கும் வாய்ப்பு விஷாலுக்கு கிடைத்தது. ஆரம்பத்தில் நடிகர் அர்ஜுனிடம் உதவி இயக்குனராக பணிபுரிந்தார் விஷால். 2004 ஆம் ஆண்டு செல்லமே திரைப்படத்தின் மூலம் தமிழ் சினிமாவில் நாயகனாக அறிமுகமானார் விஷால்.

தொடர்ந்து சிவப்பதிகாரம், திமிரு போன்ற திரைப்படங்களில் நடித்தார் விஷால். 2007 ஆம் ஆண்டில் தாமிரபரணி திரைப்படத்தில் நடித்ததன் மூலம் திருப்புமுனையை பெற்றார் விஷால். தொடர்ந்து மலைக்கோட்டை, சத்யம், தோரணை, தீராத விளையாட்டுப் பிள்ளை, அவன் இவன் என வெற்றி திரைப்படங்களில் நடித்து 2010 கால கட்டத்தில் புகழின் உச்சியில் முன்னணி நடிகராக இருந்தார் விஷால்.

பின்னர் பட்டத்து யானை, பாண்டியநாடு, நான் சிகப்பு மனிதன், ஆம்பள, பாயும்புலி, மருது, கத்தி சண்டை, துப்பறிவாளன் சண்டக்கோழி 2, மதகஜராஜா போன்ற பல வெற்றி திரைப்படங்களில் நடித்திருக்கிறார் விஷால். தற்போது துப்பறிவாளன் 2 படத்தை அவரே இயக்கி நாயகனாகவும் நடிக்கிறார் என்ற தகவல் வெளியாகி இருக்கிறது.

இந்நிலையில் ஒரு நேர்காணலில் கலந்து கொண்ட விஷால் இனி எல்லா இன்டர்வியூவிலிலும் என் கை நடுங்கும் என்று கூறியிருக்கிறார். அது என்னவென்றால் ஒரே ஒரு வைரல் ஃபீவரால் ஒரு நிகழ்ச்சியில் கலந்து கொண்டேன். அது வைரலாகி உலகம் முழுவதும் ஃபேமஸ் ஆனது. இதன் மூலமாக எத்தனை பேர் என்னை நேசிக்கிறார்கள் என்பதையும் தெரிந்து கொண்டேன். அதனால் இனி எல்லா இன்டர்வியூவிலும் கை நடுங்கிக் கொண்டே தான் பேசப்போகிறேன் என்று கலகலப்பாக பேசியிருக்கிறார் விஷால்.