Charak Upcoming Movie: ‘द केरळा स्टोरी’ सारख्या गाजलेल्या चित्रपटाचे दिग्दर्शक सुदीप्तो सेन आता ‘सिपिंग टी सिनेमा’ या आपल्या नव्या बॅनर अंतर्गत पहिल्यांदाच निर्माता म्हणून पदार्पण करत आहेत. २०२५ मध्ये प्रदर्शित होणाऱ्या आणि आधीपासूनच चर्चेत असलेल्या चित्रपटांमध्ये ‘चरक – फेअर ऑफ फेथ’ या चित्रपटाने विशेष स्थान पटकावले आहे. ‘चरक’ ही एक भारतीय लोककथेवर आधारित हॉरर फिल्म असून, तिच्या गूढ आणि विचार करायला लावणाऱ्या कथानकामुळे प्रेक्षक आणि समीक्षक दोघांचेही लक्ष वेधले आहे.

या चित्रपटाची कथा पश्चिम बंगालमधील पारंपरिक चरक पूजेला केंद्रस्थानी ठेवून उलगडते. ही पूजा भक्ती आणि समर्पणाचे प्रतीक मानली जाते, परंतु त्यामागे दडलेली अमानवी परंपरा, शरीराला वेदना देणारे रूढी, आणि अंधश्रद्धेची तिव्रता यांवर चित्रपट प्रकाश टाकतो. ‘चरक’ हे नावच एक प्रकारच्या सामाजिक आरशासारखे आहे, जे अंधश्रद्धेच्या अंधारात गुरफटलेल्या समाजाचे वास्तव मांडते.

चित्रपटाने नुकतीच बर्लिन फिल्म फेस्टिवल मध्ये हजेरी लावली असून, आंतरराष्ट्रीय समीक्षकांकडून याला भरभरून प्रतिसाद मिळाला आहे. चित्रपटातील दृश्यमानता, पारंपरिक संगीत, आणि लोककथात्मक कथा सांगण्याची पद्धत यामुळे तो एक वेगळाच अनुभव देणारा सिनेमा ठरतो. सुदीप्तो सेन यांचा एक वेगळा दृष्टिकोन या चित्रपटातून दिसून येतो, जिथे ते हॉरर शैलीचा वापर करत समाजातील खोलवर रुतलेल्या प्रश्नांवर भाष्य करतात.

‘’ केवळ एक हॉरर फिल्म नसून, ती एक सामाजिक आरसा आहे जो धर्म, अंधश्रद्धा, स्त्रियांची पिळवणूक आणि मौन यांच्या अवतीभवती फिरतो. लोककथेच्या माध्यमातून सांगितलेली ही कथा पिढ्यानपिढ्या चालत आलेल्या वेदनांचा आणि अज्ञानाचा पट मांडते. चित्रपटातील स्त्री पात्रांचे मौन, त्यांच्या वेदनांचे प्रतिबिंब, आणि एकूणच लोकसंस्कृतीतील विसंगती दाखवण्याचा प्रयत्न हा चित्रपट अधिक अर्थपूर्ण बनवतो. २०२५ मध्ये प्रदर्शित होणाऱ्या सामाजिकदृष्ट्या महत्त्वपूर्ण चित्रपटांमध्ये ‘चरक’ अग्रस्थानी राहणार हे निश्चित आहे.