संजय राऊत पुस्तक नरकटला स्वर्गे: महाराष्ट्रातील महाविकास आघाडी सरकार पाडायला मदत करा, नाहीतर तुरूंगात जावं लागेल, अशी धमकी भाजपकडून देण्यात आली होती असा दावा खासदार संजय राऊत (Sanjay Raut) यांनी त्यांच्या पुस्तकात केलाय. संजय राऊत यांनी आर्थर रोड कारागृहातील 100 दिवसांच्या मुक्कामात लिहलेलं ‘नरकातला स्वर्ग’ (Swargatla Narke) नावाचं पुस्तक आज प्रकाशित होत आहे. या पुस्तकात संजय राऊत यांनी अनेक  खळबळजनक दावे केले आहेत. काल मोदी (पंतप्रधान मार्ग) आणि शाह यांना पवार आणि बाळासाहेब ठाकरेंनी केलेल्या मदतीचे पुस्तकातले दावे ‘एबीपी माझा’ने उघड केले होते. यानंतर आता संजय राऊतांच्या पुस्तकातला हा आणखी एक खळबळजनक दावा समोर आला आहे. भाजपमधील (BJP) एका हितचिंतकाने आपली भेट घेतली आणि आपल्याला सावध राहण्याचा इशारा दिला होता, असे संजय राऊतांनी आपल्या पुस्तकात म्हटले आहे.

संजय राऊत दिल्लीत असताना भाजप परिवारातील एक हितचिंतक यांचा राऊत यांना फोन आला आणि ते भेटायला आपल्या इतर तीन मित्रांसोबत आले. वैचारिक मतभेद असताना सुद्धा भाजपमधील या व्यक्तीचे नाते कायम राहिल्याचं राऊत यांनी पुस्तकात सांगितले आहे. भेटीदरम्यान त्यांच्यातला संवाद या पुस्तकात राऊतांनी मांडला आहे.

संजय राऊत आणि भाजपमधील नेत्याचं नेमकं काय संभाषण झालं?

भाजप परिवारातील व्यक्ती- संजयजी महाराष्ट्रातले सरकार हे अनैसर्गिक पद्धतीने सत्तेवर आले आणि ते फार काळ चालवता येणार नाही असे दिल्लीतील आमच्या लोकांचे म्हणणे आहे

संजय राऊत- तुम्हाला नक्की काय म्हणायचे आहे ?

भाजप परिवारातील व्यक्ती – तुम्ही सुज्ञ आहात! हे संघ परिवारातील माझे सहकारी आहेत महाराष्ट्रातील घडामोडींवर लक्ष ठेवून आहेत

संजय राऊत – लक्ष कोणावर?

भाजप परिवारातील व्यक्ती – खास करुन तुमच्यावर

संजय राऊत – च्या?

भाजप परिवारातील व्यक्ती – सरकारांना तुमचा सहभाग आहे आता हे सरकार घालवण्यासाठी तुमचं सहकार्य हवं. या सरकारच्या पाठीशी उभे राहू नका

संजय राऊत- आता या सरकारची माझा तसा संबंध नाही सरकार मजबूत आहे आणि एकदा आलेली सत्ता सहसा कोणी सोडत नाही

भाजप परिवारातील व्यक्ती – तुम्ही आम्हाला मदत करू शकता

संजय राऊत – कशी?

भाजप परिवारातील व्यक्ती – आम्ही शिवसेना व राष्ट्रवादीचे आमदार गळाला लावतोय.. काम सुरू आहे तुम्ही उगाच आडवे येऊ नका!

संजय राऊत – आमचे आमदार फुटतील?

भाजप परिवारातील व्यक्ती – फुटतील!  तुम्ही गप्प राहा. जमल्यास सामील व्हा! महाराष्ट्रात उलथापालथ होईल

संजय राऊत- आम्ही सरकार वाचून.. मोठे बहुमत आहे. पक्षांतर विरोधी कायद्यात आमदारांची फूट बसणार नाही विधानसभा अध्यक्ष जागेवरच निर्णय घेतील.

भाजप परिवारातील व्यक्ती – तुम्ही सगळे अंधारात आहात मी तुम्हाला मित्र म्हणून सांगतोय शांत रहा. नाहीतर ईडी-सीबीआय तुम्हाला थंड करेल. त्यांच्या हालचाली सुरू आहेत तुम्ही एकटे पडाल! महाराष्ट्राचे सरकार पाडायला मदत करा नाहीतर तुरुंगात जावे लागेल!

संजय राऊत – ही तर धमकी आहे

भाजप परिवारातील व्यक्ती- मी तुमचा हितचिंतक आहे म्हणून सावध करायला आलोय काळजी घ्या!

https://www.youtube.com/watch?v=AZCPGADLSLW

आणखी वाचा

‘संजयजी बोलीये…’ ईडीने मित्रांच्या घरी धाड टाकताच संजय राऊतांचा अमित शाहांना फोन; नेमकं काय संभाषण झालं?

अधिक पाहा..