Sunil Tatkare On Chhagan Bhujbal News : भुजबळांनी घेतली मंत्रिपदाची शपथ, सुनील तटकरे यांची पहिली प्रतिक्रिया

राष्ट्रवादीचे ज्येष्ठ नेेते छगन भुजबळांचं अखेर राज्य मंत्रिमंडळात पुनरागमन झालंय.  आज राजभवनात त्यांनी मंत्रिपदाची शपथ घेतली. राजभवनात हा शपथविधी सोहळा पार पडला.. संतोष देशमुख हत्या प्रकरणात आरोप झाल्यावर धनंजय मुंडे यांनी मंत्रिपदाचा राजीनामा दिला. त्यामुळे अन्न आणि नागरी पुरवठा खातं पुन्हा भुजबळांकडे जाण्याची दाट शक्यता आहे. महायुतीचं सरकार पुन्हा सत्तेत आल्यावर भुजबळांचा पत्ता कट झाला होता. त्यानंतर भुजबळांनी तीव्र नाराजी व्यक्त केली होती. समता परिषदेच्या जागोजागी सभा, मेळावे घेत भुजबळांनी त्यावेळी आपली भूमिकाही मांडली होती. भुजबळांनी नाराजी व्यक्त करताना अजित पवारांनाही लक्ष्य केलं होतं. मात्र अजित पवारांची साथ सोडली नव्हती.. आता भुजबळ मंत्रिमंडळात परतले आहेत.