इंग्लंड आणि झिम्बाब्वे हे दोन संघ आंतरराष्ट्रीय पातळीवर 22 वर्षांनी एकमेकांसमोर उभे ठाकले होते. एकमेव कसोटी सामन्यात झिम्बाब्वेच्या कामगिरीकडे लक्ष लागून होतं. आंतरराष्ट्रीय पातळीवर नावलौकीक मिळवण्यासाठी झिम्बाब्वेला विजय महत्त्वाचा होता. पण संघात काहीच बदल झालेला दिसला नाही. इंग्लंडने क्रिकेटमध्ये दुबळ्या असलेल्या झिम्बाब्वेला अक्षरश: चिरडलं. हा सामना काही वर्ल्ड टेस्ट चॅम्पियनशिपचा भाग नव्हता. त्यामुळे विजयी टक्केवारी ग्राह्य धरली जाणार नाही. या सामन्यात नाणेफेकीचा कौल झिम्बाब्वेच्या बाजूने लागला. कर्णधार क्रेग इरविनने प्रथम गोलंदाजी करण्याचा निर्णय घेतला. इंग्लंडने पहिल्या डावात 6 गडी गमवून 565 धावा केल्या आणि डाव घोषित केला. पण या धावांचा पाठलाग दोन्ही डावात करता आला नाही. फॉलोऑनची नामुष्की ओढावल्यानंतर 45 धावांनी पराभवाचं तोंड पाहावं लागलं. या सामन्यात पाकिस्तानी वंशाच्या इंग्लिश गोलंदाजाने 9 विकेट घेतल्या. त्यामुळे भारतीय संघाला इंग्लंड दौऱ्यात या गोलंदाजापासून सावध राहावं लागणार आहे.
इंग्लंडने प्रथम फलंदाजी करताना पहिल्या तीन खेळाडूंनी झिम्बाब्वेचं कंबरडं मोडलं होतं. झॅक क्राउलेने 124, बेन डकेटने 140, तर ओली पोपने 171 धावांची खेळी केली. तर मधल्या फळीत आलेल्या कर्णधार हॅरी ब्रूकने 58 धावांची खेळी केली. यासह इंग्लंडने पहिल्या डावात 6 गडी गमवून 565 धावा केल्या आणि डाव घोषित केला. या धावांचा पाठलाग करताना पहिल्या डावात ब्रायन बेनेटने 139 धावांची खेळी केली. पण त्याला इतर फलंदाजांची हवी तशी साथ मिळाली नाही. त्यामुळे डाव 265 धावांवर आटोपला आणि फॉलोअनची नामुष्की ओढावली. त्यानंतर उर्वरित धावांचा पाठलाग करताना संपूर्ण संघ हा 255 धावांवर आटोपला. त्यामुळे 45 धावांनी पराभवाचं तोंड पाहावं लागलं.
शोएब बशीरने या सामन्यात 9 विकेट घेतल्या. त्यामुळे इंग्लंड दौऱ्यापूर्वी टीम इंडियासाठी धोक्याची घंटा वाजली आहे. सामनावीराच्या पुरस्कारनंतर शोएब बशीरने सांगितलं की, ‘हे फिरकी गोलंदाजांसाठी एक चांगले ठिकाण आहे, मला वाटते की चेंडू गेटमधून बाहेर काढणे. पण परत खेळून मुलांसोबत चांगले खेळणे आणि खेळणे पाहून आनंद झाला. मी ग्लॅमॉर्गनला गेलो, काही षटके गोलंदाजी केली, प्रशिक्षण शिबिरात भाग घेतला आणि मुलांसोबत ड्रेसिंग रूम शेअर करणे छान वाटले.’ भारत मालिकेसाठी त्याच्या तयारीवर बशीर म्हणाला की, ‘डकेट आणि क्रॉलीने टेम्पलेट सेट केले आणि त्यांना विरोधी गोलंदाजीवर स्वतःला लादताना पाहणे खूप मजेदार ठरणार आहे. सरावात परतल्यावर, टी20 ब्लास्ट लवकरच सुरू होईल आणि नंतर मैदानावर परत येईल.’
